{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினத்தைச் சேர்ந்த - பொருளாதாரத்தில் நலிவுற்றுள்ள 150 பயனாளிகளுக்கு, மைக்ரோகாயல் சார்பில் மருத்துவ அட்டை (Medical Card) வினியோகிக்கப்பட்டுள்ளது.

இதுகுறித்து, அவ்வமைப்பின் சார்பில் வெளியிடப்பட்டுள்ள அறிக்கை:-

அல்ஹம்துலில்லாஹ், மைக்ரோகாயல் அமைப்பு கடந்த 3 ஆண்டுகளாக நமது கே.எம்.டி மருத்துவமனை மற்றும் ஷிபா ஹெல்ட் அண்ட் வெல்பர் டிரஸ்ட் இணைந்து நன்முறையில் நடாத்தி வரும் காயல் மெடிக்கல் கார்டு திட்டம் அல்லாஹ்வின் பேரருளால் நான்காம் ஆண்டாக இந்த வருடம் சுமார் 150 பேருக்கு வழங்கப்பட்டுள்ளது. இந்த திட்டத்தின் மூலம் வருடந்தோரும் ஒவ்வொரு பயனாளியும் ரூபாய் 6000 வரை பயன் அடைய முடியும்.

இந்த வருடம் மிக அதிகப்படியாக 300 படிவங்கள் பூர்த்தி செய்து பெறப்பட்டது. அதில் தகுதியான 150 பயனாளிகள் தேர்வு செய்யப்பட்டு ஷிபா ஹெல்த் அண்ட் வெல்பர் ட்ரஸ்டில் ஏப்ரல் 3 முதல் 6ம் தேதி வரை வினியோகிப்பட்டது.

இந்த திட்டம் நல்ல முறையில் நடந்தேற உதவி புரிந்த அனைத்து நல்லுள்ளங்களுக்கும் மனமார்ந்த நன்றிகளை உரித்தாக்கி கொள்கிறோம்.

மேலும் இந்த திட்டம் மிகுந்த பயன் அளிப்பதால் இத்திட்டதிற்கு மிகுந்த வரவேற்பும் தேவையும் உள்ளது. ஆதலால் அணைத்து காயல் நல அமைப்புகளும் ஷிஃபா ஒருங்கிணைப்பில் நமது கே.எம்.டி மருத்துவமனையுடன் இணைந்து செயல் படுத்தினால் ஏழை எளியோர்க்கு மிகவும் பயன் உள்ளதாக இருக்கும்.

இவ்வாறு அந்த அறிக்கையில் தெரிவிக்கப்பட்டுள்ளது.

மைக்ரோகாயல் தொடர்பான முந்தைய செய்தியைக் காண இங்கே சொடுக்குக!