{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் ஐக்கிய விளையாட்டு சங்கத்தால், United Football League (UFL) எனும் தலைப்பில், ஆண்டுதோறும் கால்பந்து சுற்றுப்போட்டிகள் நடத்தப்பட்டு வருகிறது. நிகழாண்டு (4ஆம் ஆண்டு) போட்டிகள், 18.05.2016. அன்று துவங்கியது.

துவக்கப் போட்டியில், உட்லண்ட்ஸ் அணியை எதிர்த்தாடிய கே.பீ.ஹார்ட் ராக்கர்ஸ் அணி, 4-0 என்ற கோல் கணக்கில் வெற்றிபெற்றது. அவ்வணியின் ஃபயாஸ் 2 கோல்களும், புகாரீ - கைசாலி ஆகியோர் தலா ஒரு கோல்களும் அடித்தனர்.





இப்போட்டியில், ஐக்கிய விளையாட்டு சங்க முன்னாள் அணித் தலைவர் கேப்டன் ஹபீப் சிறப்பு விருந்தினராகக் கலந்துகொண்டார். அவருக்கு வீரர்கள் அறிமுகம் செய்துவைக்கப்பட்டனர்.





21.05.2016. அன்று காலையில் நடைபெற்ற போட்டியில், பாங்காக் பால் ப்ளாஸ்டர்ஸ் அணியும், கே.பீ.ஹார்ட் ராக்கர்ஸ் அணியும் மோதின. ஈரணிகளும் தலா ஒரு கோல் அடித்த நிலையில் ஆட்டம் சமனில் முடிவுற்றது. பாங்காக் அணிக்காக நியாஸும், கே.பீ. அணிக்காக ஃபயாஸும் கோல் அடித்தனர். அன்று மாலையில் நடைபெற்ற முதல் போட்டியில், ஜி-கூல் அணியும் ஸ்பீட் ஸ்ட்ரைக்கர்ஸ் அணியும் மோதின. இப்போட்டி யாரும் கோல் அடிக்காத நிலையில், சமனில் முடிவுற்றது.

இரண்டாவது போட்டியில், காலரி பேர்ட்ஸ் அணியும், ஹார்டி பாய்ஸ் அணியும் மோதின. இதில், 2-1 என்ற கோல் கணக்கில் ஹார்டி பாய்ஸ் அணி வெற்றிபெற்றது. அவ்வணிக்காக லத்தீஃப், ஃபாரூக் ஆகியோர் தலா ஒரு கோலும், கேலரி பேர்ட்ஸ் அணிக்காக அகில் ஒரு கோலும் அடித்தனர்.

இன்றும், நாளையும் அரையிறுதிப் போட்டிகள் நடைபெறவுள்ளன. இன்றைய அரையிறுதியில் ஸ்பீட் ஸ்ட்ரைக்கர்ஸ் அணியை காயல் மான்செஸ்டர்ஸ் அணியும், நாளைய போட்டியில் சில்வர் மைனர்ஸ் அணியை ஹார்டி பாய்ஸ் அணியும் எதிர்த்தாடவுள்ளன.

இவ்விரு போட்டிகளிலும் வெல்லும் அணிகள், 29.05.2016. ஞாயிறு அன்று இறுதிப்போட்டியில் சந்திக்கவுள்ளன. இறுதிப் போட்டியைக் காண வரும் ரசிகர்களை உற்சாகப்படுத்துவதற்காக, ஐக்கிய விளையாட்டு சங்கம் குலுக்கல் மூலம் பரிசு வழங்கக் காத்திருப்பதாக தெரிவிக்கப்பட்டுள்ளது.

தகவல் & படங்கள்:
ஹாஃபிழ் ஸல்மான் ஃபாரிஸ் (Salfaz)

UFL கால்பந்துப் போட்டி தொடர்பான முந்தைய செய்தியைக் காண இங்கே சொடுக்குக!

ஐக்கிய விளையாட்டு சங்கம் தொடர்பான முந்தைய செய்தியைக் காண இங்கே சொடுக்குக!