Kayal on the Web

செய்திகள்

செய்தி எண் (ID #) 18452

#KOTW18452

சனி, நவம்பர் 12, 2016

ரூ.500, 1000 பணத்தாள்களை மாற்ற வங்கிகளிலும், ஏ.டீ.எம். களிலும் நீண்ட வரிசையில் பொதுமக்கள் காத்திருப்பு! கொதிப்பில் ‘குடி’மகன்!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 3856 முறை பார்க்கப்பட்டுள்ளது | வாசகர் கருத்துக்கள் காண (5) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

500 ரூபாய், 1000 ரூபாய் பணத்தாள்கள் இனி செல்லாது என்றும், அவற்றை 10.11.2016. முதல் 31.12.2016. நாளுக்குள் வங்கிகளில் கொடுத்து, மாற்றிக்கொள்ளலாம் என்றும், இந்திய பிரதமர் நரேந்திர மோடி 08.11.2016. அன்று ஊடகங்கள் வாயிலாக அறிவித்தார்.

இதன் தொடர்ச்சியாக, 10.11.2016. வியாழக்கிழமை முதல் நாட்டின் அனைத்துப் பகுதிகளிலும் வங்கிகளிலும், ஏ.டீ.எம். தானியங்கி மையங்களிலும் பொதுமக்கள் நீண்ட வரிசையில் காத்திருந்து, பணப்பரிமாற்றம் செய்து வருகின்றனர்.

காயல்பட்டினத்தின் அனைத்து வங்கிகளிலும், ஏ.டீ.எம். மையங்களிலும், அஞ்சல் அலுவலகத்திலும் பொதுமக்கள் நீண்ட வரிசையில் காத்திருந்து பணப்பரிமாற்றம் செய்து வருகின்றனர்.

பிரதமரின் அறிவிப்பு வெளியான பின், வங்கிகள் செயல்படத் துவங்கி - மூன்றாவது நாளை அடைந்துவிட்டபோதிலும், வங்கிகளில் நுழைவாயில் மூடப்பட்டு, காவல்துறை பாதுகாப்புடன் வாடிக்கையாளர்கள் கொஞ்சங்கொஞ்சமாக உள்ளே அனுப்பப்பட்டு, பணப்பரிமாற்றத்திற்கு அனுதிக்கப்பட்டு வருகின்றனர்.

இன்றும் (12.11.2016. சனிக்கிழமை) நீண்ட வரிசையில் பொதுமக்கள் காத்திருந்த காட்சிகளைக் காண முடிந்தது. ஊரே ஓய்ந்திருக்கும் மதிய நேரத்தின்போது காயல்பட்டினத்தின் மூன்று வங்கிகளிலும், ஏ.டீ.எம். தானியங்கி மையங்களிலும் காணக்கிடைத்த - பொதுமக்கள் திரள் காட்சிகள்:-

500, 1000 பணத்தாள்கள் செல்லாது என அறிவிக்கப்பட்ட அடுத்த நாள் (09.11.2016.) முதல், நகரில் 10, 20, 50, 100 ஆகிய சில்லறை பணத்தாள்களுக்கு கடும் கிராக்கி இருந்தது.

வாகனங்களுக்கு பெட்ரோல் போடச் சென்றால், “500 ரூபாய்க்கும் பெட்ரோல் போடுறதுன்னா போடுங்க! சில்லறையெல்லாம் தர இயலாது!” என்று கூறப்பட்டதாகவும்,

பலசரக்குக் கடைகளிலும், உணவகங்களிலும் வாங்கப்பட்ட / உட்கொள்ளப்பட்ட பொருட்களுக்கு சில்லறைத் தொகை இல்லையெனில் கடனாகக் கணக்கெழுதி, “அடுத்து வரும்போது சில்லறையாகப் பணத்தைத் தாருங்கள்!” என்று கடை உரிமையாளர்களால் கூறப்பட்டதாகவும் பொதுமக்கள் கூறினர்.

இந்நிலை காரணமாக நகரில் பணப்பரிமாற்றம் மிகவும் குறைந்து, 500 ரூபாய், 1000 ரூபாய் பணத்தாள்களைக் கட்டுக்கட்டாக வைத்திருப்போரெல்லாம் - 10, 20, 50, 100 பணத்தாள்களை வைத்திருப்போரை புருவமுயர்த்தி வியப்புடன் நோக்கியது நகருக்குப் புதிய காட்சி.

இவற்றுக்கிடையே, நன்கு மழைபெய்து - சாலையோரங்களில் தண்ணீர் தேங்கியிருந்த நிலையில், 09.11.2016. அன்று இரவில் காயல்பட்டினம் - ஸீ கஸ்டம்ஸ் சாலை - அல்ஜாமிஉல் அஸ்ஹர் முனையில் நகரின் ஒரு ‘குடி’மகன் கோபத்தில்,

“.............. (அச்சில் கோர்க்க இயலாத சொற்கள்) ஐநூறு ரூவா செல்லாதாம்... டாஸ்மாக்குல போயி ரூவாய குடுத்தா வாங்க மாட்டேங்குறான்! ............ய!”

என்று கூறியவாறு, தன் கையிலிருந்த 500 ரூபாய் பணத்தாளை, சாலையில் தேங்கியிருந்த மழை நீரில் வீசியெறிந்தார். அதைச் சரியான நேரத்தில் க்ளிக்கியவர் காயல்பட்டணம்.காம் இணையதளத்திற்கு அதை அனுப்பிவிட்டார்.

படங்களுள் உதவி:
K.S.முஹம்மத் ஷுஅய்ப் (ஃபேஸ்புக் வழியாக...) &
அஹ்மத் ஸாலிஹ்

{TAGS} demonetisation 500 1000 currency narendra modi black money banking restrictions atm money laundering icici iob cbi bank central bank of india indian overseas bank post office

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...''பிச்சைக்காரன்'' சொன்னதை செயல்படுத்திய மோடி
posted by mackie noohuthambi (kayalpatnam ) [12 November 2016]
IP: 157.*.*.*

Indonesia | Comment Reference Number: 44877

‘‘இந்தியாவில் ஏழைகளே இல்லாமல் போவதற்கு ஒரே வழி ஆயிரம் ரூபாய் நோட்டையும், ஐநூறு ரூபாய் நோட்டையும் ஒழிப்பதுதான்..!’’ - ‘பிச்சைக்காரன்’ படத்தில் இடம்பெற்ற இந்த வசனம் கடந்த சில நாட்களாக முகநூல், ட்விட்டர் மற்றும் வாட்ஸ்அப்களில் பெரிய அளவில் டிரெண்டிங் ஆகியுள்ளது. பிரதமர் மோடி அவர்கள் இயக்குனர் சசி அவர்களின் திரைப் படத்தை பார்த்தாரோ என்னவோ....இப்படி ஒரு அதிரடி அறிவிப்பை அறிவித்து விட்டு ஜப்பானில் போய் ஒளிந்து கொண்டார்.

8 ஆம் திகதி மாலை 6 மணிக்கெல்லாம் இந்த செய்தி தலைநகர் டில்லியில் கசிந்து விட்டதாக நமதூர் நண்பர் ஒருவரே என்னிடத்தில் சொன்னார் . டில்லி முதல்வர் கெஜ்ரிவால் மற்றும் சிலர் எழுப்பியுள்ள சந்தேகங்கள், நீதிமன்றத்தில் பொது நல வழக்கின் தீர்ப்புக்கள், 9 கோடி ரூபாய் வரை புதிய 2000 நோட்டுக்கள் தேர்தல் கமிஷனால் கைப் பற்றப் பட்டுள்ள செய்திகள் எல்லாமே மோடி அவர்களின் நம்பகத் தன்மையை சந்தேகிக்க வைக்கிறது. அவரே ILLEGAL TENDER என்ற நிலைக்கு ஆளாகி விட்டாரா என்று பலரும் பேசிக் கொள்கிறார்கள். SURGICAL OPERATION என்பதே ஒரு நாடகம் என்கிறார்கள்.

வீதியிலே காணும் காட்சிகளை பார்க்கும்போது அவர் கடத்தல்காரர்களை ஹவாலா காரர்களை தண்டிக்கிறேன் என்று சொல்லி சாதாரண அன்றாட காய்ச்சிகளை பதற வைத்திருக்கிறார், ஏழைகளின் வாழ்வின் விளக்கேற்றி வைக்கிறேன் என்று சொல்லி அவர்கள் மீதே எண்ணையை ஊற்றி பற்ற வைத்திருக்கிறாரோ என்று எண்ண தோன்றுகிறது.

ATM தொடர்ந்து இயங்காத நிலை, வங்கிகளில் குறிப்பிட்ட தொகைகள் கிடைக்காத நிலை எல்லாம் பார்க்கும் போது ஒரு தெளிவான திட்டம் இல்லாமல் முன்னேற்பாடுகள் எதுவும் செய்யாமல் ஜப்பான் போகுமுன் இதை செய்துவிடவேண்டும் என்ற அவசர கதியில் இந்த நடவடிக்கைகளை எடுத்திருப்பதாக தெரிகிறது.

அடுத்தநாள் அமெரிக்கா தேர்தல். அங்கும் ஒரு அதிரடி நடந்திருக்கிறது. எல்லோரும் ஹிலாரி கிளின்டன் ஜனாதிபதியாக வருவார் என்று எதிர்பார்த்திருந்த நிலையில் DONALD TRUMP ஜனாதிபதி ஆகி இருக்கிறார். கோமாளிகள் ராஜ்யத்தில் அறிவாளிகளுக்கு வேலை இல்லை என்று சொல்வார்கள்.

இங்கே ஒரு மதவாதி தலைவராக இருக்கிறார்
அங்கே ஒரு இனவாதி தலைவராகி இருக்கிறார்.....

ஆண்டவா இன்னும் 3 வருடங்கள்..குரங்கு கையில் அகப்பட்ட பூமாலைபோல் இந்த நாட்டில் இன்னும் என்னென்ன நடக்கப் போகிறதோ. நீயே மிக அறிந்தவன். .

HASBUNALLAAHU NIUMAL VAKEEL NIUMAL MOULA VA NIUMAN NASEER .....