Kayal on the Web

செய்திகள்

செய்தி எண் (ID #) 19898

#KOTW19898

ஞாயிறு, நவம்பர் 12, 2017

சிங்கை கா.ந.மன்றத்தின் வருடாந்திர பொதுக்குழுவை & குடும்ப சங்கமத்தை முன்னிட்டு மகளிருக்கான சிறப்புப் போட்டிகள்: சமையல் போட்டி முடிவுகள்!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 3325 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 1)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

சிங்கப்பூர் காயல் நல மன்றத்தின் வருடாந்திர பொதுக்குழுக் கூட்டம் & குடும்ப சங்கம நிகழ்ச்சிகளை முன்னிட்டு, அதன் ஆண் / பெண் உறுப்பினர்களுக்குத் தனித்தனியே பல்வேறு போட்டிகள் அறிவிக்கப்பட்டு, சில நடைபெற்று முடிந்துள்ளன.

மகளிருக்கான சமையல் போட்டி சிங்கப்பூர் PAYA LEBAR நகரில், 99 BISTRO எனும் முகவரியில் நேற்று (11.11.2017.) நடைபெற்றது. இதன் முடிவுகள் தற்போது அறிவிக்கப்பட்டுள்ளன. இதுகுறித்த – அம்மன்றத்தின் செய்தியறிக்கை:-

சிங்கப்பூர் காயல் நல மன்றத்தின் வருடாந்திர விழாவை முன்னிட்டு ஆண்டு தோறும் பல்வேறு போட்டிகள் நடத்தப்பட்டு வருகின்றன. இதில் பெண்களுக்கான போட்டிகளில் இன்று 11/11/2017 சிங்கப்பூர் பாயாலேபரில் உள்ள 99 பிஸ்ட்ரோ உணவவகத்தில் வைத்து சமையல் போட்டி நடைபெற்றது.

இதில் மன்ற உறுப்பினர்களின் துனைவியர்கள் பங்கெடுத்தனர். குழுவுக்கு இருவர் வீதம் ஒன்பது குழுக்களில் பதினெட்டு பேர் பங்கெடுத்தனர்.

ஆட்டிறைச்சியில் சமைத்த உணவுகள், இனிப்பு வகைகள் என அருமையாக தங்கள் திறமையை வெளிப்படுத்தியிருந்தனர். எடிக்கேட் இண்டர்நேஷனல் இன்ஸ்டிடியூட் நிறுவனத்தின் பயிற்சியாளர் ஷெஃப் தீன், எம்.என்.எல். முஹம்மது ரபீக் மற்றும் 99 பிஸ்ட்ரோ உணவத்தின் உரிமையாளர் சுலைஹா இத்ரீஸ் ஆகியோர் நடுவர்களாக பொறுப்பு வகித்திருந்தனர்.

இப் போட்டியில் பிரதான உணவுக்கான முதல் பரிசினை பாத்திமா சபீனா(ஏ.ம். உதுமான்), சல்மா நஸரின் (இஸ்மத்) குழவினரும், இரண்டாம் பரிசினை மீராநாச்சி (செய்யத் அப்துல் ரஹ்மான்), ஆர்.எஸ்.எச். பாத்திமா (மொஹிதீன் சாஹிப்) குழுவினரும் வென்றனர்.

மேலும், இனிப்பு வகைகளுக்கான போட்டியில் மீராநாச்சி (செய்யத் அப்துல் ரஹ்மான்), ஆர்.எஸ்.எச். பாத்திமா (மொஹிதீன் சாஹிப்) குழுவினர் முதல் பரிசினையும், பாத்திமா சபீனா (ஏ.ம். உதுமான்), சல்மா நஸரின் (இஸ்மத்) குழுவினர் இரண்டாம் பரிசினையும் வென்றனர்.

போட்டியில் பங்கெடுத்த பெண்களுக்களுக்கு சமைப்பதற்காக தனி சமையல் அறை ஒதுக்கப்பட்டிருந்தது. அனைவரும் தமது திறமைகளை சிறப்பாக வெளிப்படுத்தியிருந்தனர். போட்டியாளர்களுக்கும் அவர்தம் குடும்ப அங்கத்தினர்களுக்கும் இரவு உணவு ஏற்பாடு செய்யப்பட்டிருந்தது.

இவ்வாறு அந்த அறிக்கையில் தெரிவிக்கப்பட்டுள்ளது.

செய்தியாக்கம் & படங்கள்:
M.N.L.முஹம்மத் ரஃபீக் (ஹிஜாஸ் மைந்தன்)

தகவல்:
தவ்ஹீத் & ஜமீல்
(போட்டிக் குழு)

{TAGS} kwa kwas singapore kwas agm 2018 kwas agm games kwas ladies competitions kwas ladies games cooking competition kwas cooking competition

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...
posted by mohamedyounus (Dubai) [12 November 2017]
IP: 217.*.*.*

United Arab Emirates | Comment Reference Number: 45896

மாஷா அல்லாஹ் . வித்தியாசமான போட்டிகள் . வாழ்த்துக்கள்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. வாழ்த்துக்கள்....
posted by M.N.L.முஹம்மது ரபீக் (Singapore) [13 November 2017]
IP: 111.*.*.*

Singapore | Comment Reference Number: 45899

சிங்கப்பூர் காயல் நல மன்றத்தினரால் ஏற்பாடு செய்யப்பட்டிருந்த இந்த சமையல் போட்டி உறுப்பினர்களிடையில் மிகுந்த வரவேற்பை பெற்றிருந்தது. போடடியில் பங்கெடுத்த அனைவரும் தமது திறமைகளை அசாத்தியமாக வெளிப்படுத்தியிருந்தனர்.

இவர்களின் ஆக்கங்களையும், காட்சிப்படுத்தி வைத்திருந்த விதத்தையும் பார்த்து நடுவர்குழுவினர் மிகுந்த ஆச்சர்யம் அடைந்தனர். இதில் போட்டியாளர்களின் பங்கெடுப்பு பாராட்டும்படியாக இருந்தது.

வெற்றி தோல்வி வெறும் புள்ளிகள் வித்தியாசத்தில் மட்டுமே நிர்ணயிக்கப்பட்டன. போட்டியில்பங்கெடுத்த ஒன்பது குழுவினருக்கும் எனது மனமார்ந்த பாராட்டுக்கள்...!

நலமன்றத்தின் வருடாந்திர விழாவை முன்னிட்டு ஆண்களுக்கும் பெண்களுக்கு தனித்தனியே பல்வேறு போட்டிகளை நடத்தி வருகின்றனர். குர்ஆன் மனன போட்டி, பொது அறிவு, பூப்பந்து, கால்பந்து பவுளிங், கேரம் என உற்சாகமான ஆரோக்கியமான போட்டிகளை செம்மையாக ஒருங்கிணைத்துள்ள போட்டிக் குழுவினரை பாராட்டியே ஆக வேண்டும்.

-M.N.L.முஹம்மது ரபீக். சிங்கப்பூர்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. புதுசு புதுசா...
posted by S.K.Salih (Kayalpatnam) [15 November 2017]
IP: 157.*.*.*

Indonesia | Comment Reference Number: 45903

சிங்கை காயல் நல மன்றத்தின் புதுப்புது நடவடிக்கைகள் அனைத்தும் போற்ப்பட வேண்டியதே! நகர்நலனுக்காக நிதி திரட்ட உறுப்பினர் சந்தா பொதுவான ஒன்றாக இருக்க, உண்டியலை அறிமுகப்படுத்தியது... மன்றத்தால் திட்டமிடப்படும் ஒவ்வொரு செயல்திட்டத்திற்கும் என சிறப்புக் குழுவினரை நியமித்து, நிர்வாகம் வெறும் செயற்குழு உறுப்பினர்களோடு சுருங்கி விடாமல், பொதுக்குழு உறுப்பினர்களையும் நாள்தோறும் உற்சாகத்திலும், மன்றத் தொடர்பிலும் தொடர்ந்து வைத்து வருகிறது... வருடாந்திர பொதுக்குழுவை குடும்ப சங்கம நிகழ்ச்சியாக்கி, அதில் புதுப்புது போட்டி & விளையாட்டு அம்சங்களைப் புகுத்தி, “ஆம்பளைங்க எல்லாம் கலகலப்பாக இருக்காங்க... எங்களுக்குத்தான் ஒன்னுமில்லே...” என எங்கேயோ நம் பெண்கள் மனதில் எண்ணியதைக் கூட பூனைக் காதால் கேட்டு, அவர்களையும் ஆண்டுதோறும் உற்சாகப்படுத்தி வருகிறது இம்மன்றம் என்றால் அது மிகையாகாது! அந்த வரிசையில், தற்போது மகளிருக்கான கேரம் விளையாட்டுப் போட்டியை முடித்து, சமையலையும் செய்ய வைத்துள்ளது. (ஆம்! வழமைக்கு மாற்றமாக இப்போட்டியில் மகளிர் சமைத்திருப்பது பாராட்டத்தக்க முயற்சிதானே...? தந்தைக்குலங்களுக்கு ஒருநாள் ஓய்வு!!!)

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்