{ முகநூல் கருத்துக்கள்}{ட்விட்டர் கருத்துக்கள்}

இவ்வாண்டு நோன்புப் பெருநாளை, பாங்காக் காயலர்கள் விமரிசையாகக் கொண்டாடினர்.

நோன்புப் பெருநாளை முன்னிட்டு, பாங்காக் சன் மூன் ஸ்டார் (SMS) இல்லத்தில் 09.09.2010 பெருநாளுக்கு முந்திய இரவில், ராத்திபத்துல் காதிரிய்யா திக்ர் மஜ்லிஸ் நடைபெற்றது.



காயல்பட்டினம் மஹ்ழரா அரபிக்கல்லூரியின் பேராசிரியர் மவ்லவீ ஹாஃபிழ் காஜா முஹ்யித்தீன் பாக்கவீ, ஹாஃபிழ் சோனா அமீர் சுல்தான் ஆகியோர் திக்ர் மஜ்லிஸை வழிநடத்தினர். இந்நிகழ்வில் காயலர்கள் திரளாகக் கலந்துகொண்டனர்.



மறுநாள் 10.09.2010 பெருநாள் காலை 09.30 மணிக்கு பாங்காக் பெரிய பள்ளியில் பெருநாள் தொழுகை நடைபெற்றது. திரளான காயலர்கள் உட்பட சுமார் ஆயிரத்திற்கும் மேற்பட்ட ஆண்களும், பெண்களும் இத்தொழுகையில் கலந்துகொண்டனர்.

தொழுகை நிறைவுற்றதும், காயலர்கள் ஒருவரையொருவர் கட்டித்தழுவி, கைலாகு செய்து தமக்கிடையில் பெருநாள் மகிழ்ச்சியைப் பரிமாறிக்கொண்டனர்.













தகவல்:
அஹ்மத் இர்ஃபான்,
பாங்காக், தாய்லாந்து.