Kayal on the Web

செய்திகள்

செய்தி எண் (ID #) 6260

#KOTW6260

வெள்ளி, மே 20, 2011

2G spectrum வழக்கில் கனிமொழி கைது!

செய்தி: காயல்பட்டணம்.காம்
இந்த பக்கம் 3502 முறை பார்க்கப்பட்டுள்ளது | வாசகர் கருத்துக்கள் காண (14) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 1)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

தி.மு.க. பாராளுமன்ற உறுப்பினரும், தி.மு.க. தலைவர் மு.கருணாநிதியின் மகளுமான கனிமொழி இன்று கைது செய்யப்பட்டு டில்லி திஹார் சிறையில் அடைக்கப்பட்டார். இன்று விசாரணைக்கு வந்த ஜாமீன் வழக்கில் தீர்ப்பினை வழங்கிய சி.பி.ஐ. நீதிமன்றம், கனிமொழி மற்றும் கலைஞர் தொலைகாட்சி நிர்வாக இயக்குனர் சரத் குமார் ஆகியோரை உடனடியாக கைது செய்ய உத்தரவிட்டது.

2G spectrum வழக்கில் முன்னதாக சி.பி.ஐ. தனது குற்றப்பத்திரிகையை ஏப்ரல் 25 அன்று தாக்கல் செய்திருந்தது. அதில் உள்ள குற்றச்சாட்டுப்படி - கலைஞர் தொலைக்காட்சிக்கு 200 கோடி ரூபாய் லஞ்சம், ஸாஹிது உஸ்மான் பல்வா என்பவர் மூலம் வழங்கப்பட்டுள்ளது. பல்வாவின் நிறுவனம் Swan Telecom - 2G spectrum ஏலத்தில் லாபம் அடைந்ததாகவும், அதற்கு அப்போதைய மத்திய தொலைதொடர்பு அமைச்சர் ஏ.ராஜா உதவி புரிந்ததாகவும் குற்றஞ்சாட்டப்பட்டுள்ளது. ஏ.ராஜா - பிப்ரவரி 2 அன்று கைது செய்யப்பட்டு திஹார் சிறையில் அடைக்கப்பட்டார்.

கலைஞர் தொலைக்காட்சியில் கனிமொழிக்கு 20 சதவீத பங்கும், சரத் குமாருக்கு 20 சதவீத பங்கும், தி.மு.க. தலைவர் கருணாநிதியின் மனைவி தயாளு அம்மாளுக்கு 60 சதவீத பங்கும் உள்ளது. கலைஞர் தொலைகாட்சியின் அன்றாட செயல்பாடுகளில் தயாளு அம்மாள் ஈடுபடாததால் - அவர் மீது இவ்வழக்கில் குற்றப்பத்திரிக்கை தாக்கல் செய்யப்படவில்லை என கூறப்படுகிறது.

{TAGS} 2g spectrum corruption kanimozhi raja sarath kumar kalaignar tv telecom scandal swan balwa cbi tihar

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. இறுதில் தர்மமே வெல்லும்..
posted by MUTHU ISMAIL (kayalpatnam ) [20 May 2011]
IP: 117.*.*.*

India | Comment Reference Number: 4569

மணிக்கு ஆசைப்பட்டதால் கனியை பரிகொடுத்தார் கலைஞர் தர்மத்தின் வால்வினை சுஉது கவும்.. இறுதில் தர்மமே வெல்லும்..