{ முகநூல் கருத்துக்கள்}{ட்விட்டர் கருத்துக்கள்}

சிங்கப்பூர் காயல் நல மன்றம் உள்ளிட்ட இந்திய முஸ்லிம் அமைப்புகளின் கூட்டமைப்பாக சிங்கப்பூரில் செயல்பட்டு வரும் இந்திய முஸ்லிம் கூட்டமைப்பின் சார்பில் இம்மாதம் 06ஆம் தேதியன்று இஃப்தார் - நோன்பு துறப்பு நிகழ்ச்சி நடத்தப்படவுள்ளது.

இதில் கலந்துகொள்ள காயலர்களுக்கு அழைப்பு விடுத்து அம்மன்றத்தின் செயலாளர் மொகுதூம் முஹம்மத் வெளியிட்டுள்ள அறிக்கை பின்வருமாறு:-

அன்பின் சிங்கப்பூர் காயல் நல மன்ற உறுப்பினர்கள் உள்ளிட்ட காயலர்களுக்கு அஸ்ஸலாமு அலைக்கும் வரஹ்…

நமது சிங்கப்பூர் காயல் நல மன்றத்தையும் உள்ளடக்கிய இந்திய முஸ்லிம் கூட்டமைப்பின் (Federation of Indian Muslims - FIM) சார்பில் வரும் 06.08.2011 சனிக்கிழமையன்று, சிங்கப்பூர் பென்கூலன் மஸ்ஜிதில் இஃப்தார் - நோன்பு துறப்பு நிகழ்ச்சிக்கு ஏற்பாடு செய்யப்பட்டுள்ளது.

இந்நிகழ்ச்சியில் சிங்கப்பூர் அதிபர் மாண்புமிகு எஸ்.ஆர்.நாதன் சிறப்பு விருந்தினராகக் கலந்துகொள்ளவிருக்கிறார்.

எனவே, நம் மன்ற உறுப்பினர்கள் உள்ளிட்ட அனைத்து காயலர்களும் அன்று மாலை சரியாக 06.00 மணிக்கு பள்ளிக்கு வருமாறு அன்புடன் கேட்டுக்கொள்கிறேன். அனைவருக்கும் எமது மன்றத்தின் சார்பில் ரமழான் வாழ்த்துக்களைத் தெரிவித்து மகிழ்கிறேன்.

இவ்வாறு அவர் தனதறிக்கையில் தெரிவித்துள்ளார்.