{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் காதிரிய்யா கொடிமர சிறுநெய்னார் பள்ளியில், மஹான் ஸூஃபீ ஹஸ்ரத் அவர்களின் 30ஆவது ஆண்டு நினைவு தின நிகழ்ச்சி இன்று இரவு 11.30 மணிக்கு நடைபெறுகிறது. இந்நிகழ்ச்சி முஹ்யித்தீன் டிவியில் நேரடி ஒளிபரப்பு செய்யப்படுகிறது.

இதுகுறித்து, முஹ்யித்தீன் டிவி இயக்குனர் ஹாஜி ஜே.எம்.அப்துர்ரஹீம் காதிரீ வெளியிட்டுள்ள அறிக்கை பின்வருமாறு:-

அன்புடையீர், அஸ்ஸலாமு அலைக்கும் வரஹ்... நமது காதிரிய்யா கொடிமர சிறுநெய்னார் பள்ளியில் மஹான் ஸூஃபீ ஹஸ்ரத் அவர்களின் 30ஆவது ஆண்டு நினைவு தின உரூஸ் முபாரக் நிகழ்ச்சி இன்ஷாஅல்லாஹ் இன்றிரவு 11.30 மணிக்கு நடைபெறுகிறது.

துவக்கமாக குத்பிய்யா மஜ்லிஸ் நடைபெறுகிறது. அதனைத் தொடர்ந்து மஹான் அவர்களின் வாழ்க்கை வரலாற்றுச் சரித்திர உரையை, மஹான் அவர்களின் கலீஃபாக்களுள் ஒருவரான மவ்லவீ டபிள்யு.எம்.எம்.செய்யித் முஹம்மத் பாக்கவீ என்ற ஊண்டி ஆலிம் நிகழ்த்துகிறார்கள்.

அதேபோன்று, இலங்கையில் மஹான் அவர்கள் அடங்கப்பெற்றிருக்கும் குப்பியாவத்த நகரிலும் இதே நேரப்படி உரூஸ் நிகழ்ச்சி நடைபெறுகிறது. அங்கு, மஹான் அவர்களின் வாழ்க்கைச் சரித உரையை, அவர்களின் கலீஃபாக்களுள் ஒருவரான மவ்லவீ எஸ்.எம்.எச்.முஹம்மத் அலீ ஸைஃபுத்தீன் ரஹ்மானீ பாக்கவீ நிகழ்த்துகிறார்.

இவ்விரு நிகழ்ச்சிகளும் நமது முஹ்யித்தீன் டிவியில் நேரலை செய்யப்படுகிறது. இந்திய நேரப்படி இன்றிரவு 11.30 மணி முதல் நேரலையைக் காணலாம்.

மஹான் அவர்களின் நினைவு தினத்தை முன்னிட்டு, காயல்பட்டினம் குத்துக்கல் தெரு முஹ்யித்தீன் பள்ளியையடுத்துள்ள ஸூஃபீ மன்ஸிலில் இன்ஷாஅல்லாஹ் நாளை அதிகாலை ஃபஜ்ர் தொழுகை நிறைவுற்றதிலிருந்து மாலை அஸ்ர் தொழுகைக்கு முன்பு வரை கத்முல் குர்ஆன் ஓதி, அஸ்ர் தொழுகைக்குப் பின் ஈஸால் தவாப் செய்யப்படுகிறது.

அனைத்து நிகழ்ச்சிகளிலும் பொதுமக்கள் திரளாகக் கலந்துகொண்டு பயனடையுமாறு அன்புடன் வேண்டுகிறோம்.

இவ்வாறு அவர் அந்த அறிக்கையில் தெரிவித்துள்ளார்.

இவை அனைத்தும் உள்ளூர் தொலைக்காட்சியான முஹைதீன் தொலைக்காட்சியிலும், முஹைதீன் டிவி இணையதளம் www.muhieddeentv.com இலும் - இரவு 11:30 மணி முதல் - நேரடி ஒளிபரப்பு செய்யப்பட உள்ளன.

இந்நேரடி ஒளிபரப்பை www.kayal.tv இணையதளத்தின் முஹைதீன் தொலைக்காட்சி பக்கத்திலும் காணலாம்.