{ முகநூல் கருத்துக்கள்}{ட்விட்டர் கருத்துக்கள்}

ஷவ்வால் (1432) மாத அமாவாசை ஆகஸ்ட் 29 திங்கள் அன்று - இங்கிலாந்து நேரப்படி அதிகாலை 3:04 மணி அளவில் ஏற்படுகிறது. அப்போது இந்திய நேரம் காலை 8:34.



அன்று (ஆகஸ்ட் 29) காயல்பட்டணத்தில் சூரியன் மாலை 6:28 மணிக்கு மறைகிறது. சந்திரன் மறையும் நேரம் 6:34. சூரியன் மறையும்போது சந்திரனின் வயது 10 மணி நேரம். சூரியன் மறைந்து 6 நிமிடங்கள் பிறகு சந்திரன் மறைந்தாலும், அன்று வெறுங்கண்கள் கொண்டு பிறையை காயல்பட்டணத்தில் காண இயலாது.



ஆகஸ்ட் 29 அன்று தென் அமெரிக்க கண்ட பகுதிகளில் வெறுங்கண்கள் கொண்டு பிறையை காணலாம். தொலைநோக்கிகள் உதவிக்கொண்டு மத்திய அமெரிக்க கண்டம், தெற்கு ஆப்ரிக்கா பகுதிகளிலும் பிறையை காணலாம்.



ஆகஸ்ட் 30 அன்று காயல்பட்டணத்தில் சூரியன் மாலை 6:27 மணிக்கு மறைகிறது. சந்திரன் மறையும் நேரம் 7:23. சூரியன் மறையும்போது சந்திரனின் வயது 34 மணி நேரம். அன்று காயல்பட்டணத்தில் பிறையை வெறுங்கண்கள் கொண்டு காணலாம்.



ஆகஸ்ட் 30 அன்று தெற்கு ஆப்ரிக்கா, தென் அமெரிக்க கண்டம், மத்திய அமெரிக்க கண்டம், தெற்கு அமெரிக்கா ஆகிய பகுதிகளில் வெறுங்கண்கள் கொண்டு பிறையை காணலாம்.

பிறையை கணக்கிட்டு அறியலாம் என்ற நிலையில் உள்ளவர்க்கு ஆகஸ்ட் 30 - ஷவ்வால் 1 ஆகும்.

உலகில் எங்கே பிறை காணப்பட்டாலும் அதனை ஏற்று கொள்ளலாம் என்ற கொள்கையில் உள்ளவர்க்கு ஆகஸ்ட் 29 (அமாவாசை) அன்று ரமழான் 29 பூர்த்தி ஆகிறது. அன்று தென் அமெரிக்க கண்ட பகுதிகளில் பிறையை காண வாய்ப்புள்ளது. அப்பகுதிகளில் அன்று பிறை காணப்பட்ட தகவல் வந்தால் அவர்களுக்கு ஆகஸ்ட் 30 அன்று ஷவ்வால் 1 ஆகும். தகவல் கிடைக்கப்பெறாவிட்டால் - அவர்கள் ஆகஸ்ட் 30 அன்று ரமழான் 30யை பூர்த்தி செய்வர். அவர்களுக்கு ஆகஸ்ட் 31 அன்று ஷவ்வால் 1 ஆகும்.

அந்தந்த இடங்களில் பிறை காணப்பட வேண்டும் என்ற கொள்கையில் உள்ளவர்களுக்கு ஆகஸ்ட் 2 அன்று (ஆகஸ்ட் 1 பின்னேரம்) ரமழான் துவங்கியது. அவர்களுக்கு ஆகஸ்ட் 29 (அமாவாசை) அன்று ஷவ்வால் 28 முடிந்திருக்கும்.

ஆகஸ்ட் 30 அன்று காயல்பட்டணத்தில் பிறையை வெறுங்கண்கள் கொண்டு காணலாம். அவ்வாறு காணப்பட்டால் அவர்கள் (அந்தந்த இடங்களில் பிறை காணப்பட வேண்டும் என்ற கொள்கையில் உள்ளவர்கள்) ஆகஸ்ட் 30 அன்று ரமழான் 29 யை பூர்த்தி செய்து ஆகஸ்ட் 31 அன்று ஷவ்வால் 1 யை துவக்குவர். அவ்வாறு பிறை ஆகஸ்ட் 30 அன்று காணப்படாத பட்சத்தில், ஆகஸ்ட் 31 அன்று ஷவ்வால் 30யை பூர்த்தி செய்து, செப்டம்பர் 1 அன்று (ஆகஸ்ட் 31 பின்னேரம்) அவர்கள் ஷவ்வால் மாதத்தை துவக்குவர்.

தகவல்:
www.kayalsky.com