{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் ஐக்கிய விளையாட்டு சங்க நிர்வாகத்தின் சார்பில், ஆண்டுதோறும் மே மாதத்தில், “மவ்லானா அபுல்கலாம் ஆஸாத் நினைவு சுழற்கோப்பை”க்கான அகில இந்திய கால்பந்து போட்டி என்ற பெயரில் கால்பந்து சுற்றுப்போட்டிகள் நடத்தப்பட்டு வருகிறது. நடப்பாண்டு போட்டிகள் மே மாதம் 09ஆம் தேதியன்று துவங்கி, 27ஆம் தேதி நிறைவுற்றது.

25.05.2012 அன்று நடைபெற்ற முதலாவது அரையிறுதிப் போட்டியில், திருவனந்தபுரம் - ஸ்டேட் பாங்க் ஆஃப் திருவாங்கூர் அணியும், சென்னை மாநகர காவல்படை அணியும் மோதின.







இரு அணிகளும் சமபலத்துடன் ஆடியதால், ஆட்டத்தின் முதற்பாதி வரை எந்த அணியும் கோல் எதுவும் அடிக்கவில்லை.







இரண்டாவது பாதியில் கோல் அடிக்கும் முனைப்புடன் இரு அணிகளும் மோதின. இருந்தும் ஆட்டம் நிறைவடையும் வரை எந்த அணியும் கோல் அடிக்காததால் சமநிலையில் முடிந்தது. பின்னர் சமனுடைப்பு (டை ப்ரேக்கர்) முறை கையாளப்பட்டது. இதில், திருவனந்தபுரம் - ஸ்டேட் பாங்க் ஆஃப் திருவாங்கூர் அணி 7-6 என்ற கோல் கணக்கில் வென்று, இறுதிப்போட்டிக்குத் தகுதி பெற்றது.