Kayal on the Web

செய்திகள்

செய்தி எண் (ID #) 8540

#KOTW8540

செவ்வாய், மே 29, 2012

யார் சொல்வது உண்மை?

செய்தி: காயல்பட்டணம்.காம்
இந்த பக்கம் 3014 முறை பார்க்கப்பட்டுள்ளது | வாசகர் கருத்துக்கள் காண (5) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் கற்புடையார்ப்பள்ளி வட்டத்தில் (சிங்கித்துறை) - 169 குடியிருப்புகளுக்கான கட்டுமான பணிகள் அக்டோபர் மாதம் 2010 இல் துவங்கின. அக்கட்டுமானங்களை எதிர்த்து நகரில் ஆர்ப்பாட்டம் நடத்தப்பட்டது. வழக்கும் நீதிமன்றத்தில் தொடரப்பட்டது. நீதிமன்றம் வழங்கிய இடைக்கால தடை தற்போது அமலில் உள்ளது.

இக்கட்டுமானம் குறித்த தற்போதைய நிலையினை அறிய - காயல்பட்டணம்.காம் சில மாதங்களுக்கு முன் - தமிழ்நாடு குடிசை மாற்று வாரியத்திடம், தகவல் பெறும் உரிமை சட்டத்தின் கீழ் கேள்வி எழுப்பியிருந்தது. அதற்கு வழங்கப்பட்ட பதிலில் - கட்டுமான பணிகளுக்கு தேர்வு செய்யப்பட்டுள்ள இடங்கள் (சர்வே எண்கள் 358/2B, 358/2C மற்றும் 360/2B) - CRZ 1 பிரிவில் இருந்து CRZ 2 பிரிவுக்கு மாற்றப்பட்டு விட்டதாகவும், அதனை தொடர்ந்து கட்டுமான பணிகளுக்கு அனுமதி கோரும் விண்ணப்பம் - தமிழ்நாடு மாசு கட்டுப்பாடு வாரியத்தின் மாவட்ட அலுவலகத்தில் வழங்கப்பட்டுள்ளதாகவும் தெரிவிக்கப்பட்டது. மாற்றம் செய்யப்பட்ட வரைப்படம் - காயல்பட்டினத்தை உள்ளடக்கிய Coastal Zone Management Plan (CZMP) தாள் எண் 27 என்றும் தெரிவிக்கப்பட்டிருந்தது.

அதனை தொடர்ந்து - காயல்பட்டணம்.காம், தகவல் பெறும் உரிமை சட்டத்தின் கீழ் CZMP தாள் எண் 27 உடைய நகலை நகர் ஊரமைப்பு இயக்கத்திடம் (Directorate of Town and Country Planning) கேட்டிருந்தது. காயல்பட்டணம்.காம் உடைய கோரிக்கை - சென்னையில் உள்ள சுற்றுப்புற சூழல் துறைக்கு அனுப்பப்பட்டிருந்தது. அதற்கான பதிலும் தற்போது பெறப்பட்டுள்ளது.

பதில் வழங்கியுள்ள சுற்றுப்புற சூழல் துறையின் துணை இயக்குனர், கடந்த 16 ஆண்டுகளில் - CZMP தாள் எண் 27 இல் எந்த வித மாற்றமும் செய்யப்படவில்லை என தெரிவித்துள்ளார்.

அரசின் ஒரு துறை - CZMP Sheet No.27 மாற்றம் செய்யப்பட்டுள்ளதாகவும், அதன் அடிப்படையில் கட்டுமான பணிகளுக்கு ஒப்புதல் கோரி விண்ணப்பம் சமர்ப்பிக்கப்பட்டுள்ளதாகவும் தெரிவிக்கிறது. ஆனால் - அரசின் மற்றொரு துறையோ, அந்த தாளில் (CZMP Sheet No.27) - கடந்த 16 ஆண்டுகளில் எந்த மாற்றமும் செய்யப்படவில்லை என கூறுகிறது. இதில் யார் கூற்று உண்மை?

{TAGS} singithurai karpudayar vattam vrcc tsunami housing czmp crz dtcp

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:யார் சொல்வது உண்மை?...
posted by mackie noohuthambi (kayalpatnam) [29 May 2012]
IP: 117.*.*.*

India | Comment Reference Number: 19088

யார் சொல்வதும் உண்மை இல்லை இரண்டு பேர் சொல்வதும் உண்மைதான்.

என்ன உளறுகிறாய் என்று கேட்கிறீர்களா....நமது நாட்டு அரசு இப்படிதான் செயல்படுகிறது. இராணுவ உயர் அதிகாரியின் வயது பிரச்சினை முதல் முல்லைபெரியாறு அணை பிரச்சினைவரை கழுவுற மீனில் நழுவுற மீன் என்ற கதைதான். நமக்கு வேறு என்னதான் மாற்று வழி. இந்த அரசை மாற்றினால் நமது சரீஅத் சட்டத்திலே கை வைக்கும் அரசு, இறை இல்லங்களை தகர்த்து எறியும் அரசு ஆட்சிக்கு வந்துவிடுமே என்ற பயம். குரங்கு ஆப்பு இழுத்த கதைதான். எல்லாம் அது நடக்கிறபடி நடக்கட்டும் என்று பொறுமையாக இருந்தால் டென்ஷன் இல்லாமலாவது இருக்கலாம்.

எது நடந்ததோ அது நல்லபடியே நடந்தது, எது நடக்குமோ அது நல்ல படியே நடக்கும்.... என்று கீதையில் அன்றே பாடி வைத்துவிட்டார் கிருஷ்ணபரமாத்மா....அதை மாற்ற முடியுமா என்று மன்மோகன் சிங்க் கேட்பது உங்கள் காதுகளில் விழுகிறதா...சத்யமேவ ஜெயதே.......அண்ணா நாமம் வாழ்க, புரட்சி தலைவர் நாமம் வாழ்க, மத்திய மாநில அரசுகள் மக்களுக்கு போடும் நாமம் வாழ்க......