IP: 117.*.*.* India

நான் கூட்டத்துக்கு போயிருந்தேன். புதிதாக ஒரு செய்தி கிடைத்தது.

பேரறிஞர் அண்ணா அவர்கள் 1967 இல் அமோக வெற்றி ஈட்டி ஆட்சி அமைத்தபோது கலைஞர் அவர்களின் திறமையை பாராட்டி ஒரு மோதிரம் அணிவிதார்கலாம். புரட்சி தலைவர் எம்ஜீயார் அவர்கள் நானும் ஓடி உழைத்து கழகம் வெற்றிபெற பாடுபட்டேனே, எனக்கு நீங்கள் ஒரு மோதிரம் அணிவிக்கவில்லையே என்று அண்ணாவிடம் கேட்டாராம். அதற்கு அண்ணா அவர்கள், நீயும் முன்கூட்டியே ஒரு மோதிரம் வாங்கித்தந்து எனக்கு அணிவியுங்கள் என்று சொல்லி இருந்தால் நான் உனக்கும் மோதிரம் அணிவிதிருப்பேன் என்று சொன்னாராம். கேட்பதற்கு சுவாரஸ்யமான செய்தியாக இருந்தாலும் ஆழ்ந்து யோசிப்பவர்கள் அண்ணாவை குறையாக நினைக்க மாட்டார்களா?

"பொய்யாமை பொய்யாமை ஆற்றின் அறம் பிற செய்யாமை செய்யாமை நன்று" என்று வள்ளுவம் கூறுகிறதே, பேசுகிறவர்கள் தமாசுக்காக எதையும் சொல்லலாம், ஆனால் அண்ணாவின் பெயருக்கு களங்கம் கற்பிக்கலாமா?

IP: 84.*.*.* Saudi Arabia

மக்கி காக்கா, நானும் இந்த மோதிர சம்பவம் கேள்வி பட்டு இருக்கிறேன்.. பேச்சாளர் நகைச்சுவைக்காக சொன்னது அல்ல... இந்த சம்பவத்தை கவிஞர் கண்ணதாசன் அவருடைய வனவாசம் என்ற நூலில் சொல்லி இருக்கிறார். சட்டமன்ற தேர்தல் அல்ல .. சென்னை மாநகராட்சி தேர்தல் .. சம்பவம் நடந்தது எம்ஜிஆர் க்கு அல்ல.. கண்ணதாசனுக்கு ... சம்பவம் பொய்யா? மெய்யா? என்பது இருவருக்கும் இறைவனுக்கும் தான் வெளிச்சம் ...

சென்னை மாமன்றத் தேர்தலில் திமுக பெரும் வெற்றி பெற்ற சமயம் அண்ணா தலமையில் பாராட்டுக் கூட்டம் நடைபெறுகின்றது. வெற்றிக்காகப் பாடுபட்டவர்களின் பெயர்கள் அழைக்கப்படும் போது அந்தத் தேர்தலில் தீவிரப் பிரச்சாரம் செய்த தனக்கும் அங்கீகாரம் கொடுக்கப்படும் என்று எண்ணிக் கொண்டிருக்கும்போது கண்ணதாசன் மேடைக்குக் கூட அழைக்கபடுவதில்லை. மேலும் அண்ணா, கருணாநிதிக்கு மோதிரம் அணிவித்துக் கவுரவம் வேறு செய்கின்றார். பெரிதும் ஏமாற்றமடைந்த கண்ணதாசன், நேராக அண்ணாவிடம் சென்று, “என்ன அண்ணா! இப்படி சதி செய்து விட்டீர்கள்?” என்று கேட்க, அவரோ, “அட, நீயும் ஒரு மோதிரம் வாங்கிக் கொடு; அடுத்த கூட்டத்தில் போட்டு விடுகின்றேன்” என்று சொல்ல, ‘இதென்ன தில்லாலங்கடி’ என்று திகைத்து நிற்கின்றார்.

நூல்: வனவாசம்
ஆசிரியர்: கண்ணதாசன்

IP: 117.*.*.* India

வனவாசம் தகவல் தந்த சகோதரர் அவர்களுக்கு நன்றி.

கடவுளே இல்லை என்ற கண்ணதாசன் பின்னர் அர்த்தமுள்ள இந்து மதம் எழுதினார். தன் கவிதையை மாற்றிப்பாடினார்.

இல்லை இல்லை என்றவனும் எதனை இல்லை என்றான்..., இல்லை ஒரு தெய்வம் என்று சொல்லவில்லை என்றான்.....என்று பாடினார்.கவிஞர் சொன்னதும் பொய்யே பொய்யே.....இதுவும் அவர் எழுதியதுதான்.

இதெல்லாம் அரசியலில் சகஜம், அப்படிதான் எடுத்துக்கொள்ள வேண்டும்.

IP: 2.*.*.* United Arab Emirates

சென்ற வருட பிறந்ததனால் விழா கொண்டாட்டச் செய்தியில் ஒரு நண்பர் பதித்த கருத்து ஞாபகம் வருகிறது...

"ஆதிமுக வில் அண்ணா கொடியில் பறக்கிறார் அம்மாவோ கொடிகட்டி பறக்கிறார்"

கட்சி பெயரில் இருக்கும் அண்ணாவை வருடம் ஒருமுறையாவது நினைக்கிறார்களே.!!!

IP: 122.*.*.* India

மோதிர விஷயம் நண்பர் சினாஷ் சொல்வதே சரி. கண்ணதாசனின் "வனவாசம் "நானும் படித்திருக்கிறேன். அதில் மேற்குறித்த சம்பவம் இருக்கிறது.

வனவாசம் மட்டுமல்ல,"மனவாசம் "என்றும் கவிஞ்சர் ஒரு நூல் எழுதியிருக்கிறார். அதை நண்பர் சினாஷ் படித்துள்ளாரா..? என தெரியவில்லை.