Weddings Special Page in Kayalpatnam.com Since 1998 - Kayal on the Web - Your home away from home Bus Service - Signature Campaign
Current Kayalpatnam Time
4:46:01 PM
திங்கள் | 9 டிசம்பர் 2019 | துல்ஹஜ் 130, 1440 
Prayer timing for Kayalpatnam
ஃபஜ்ர்ளுஹ்ர்அஸ்ர்மஃக்ரிப்இஷாஃ
05:0012:1315:3318:0419:17
Sunrise/Sunset timing for Kayalpatnamஉதயம்06:20Moonrise/Moonset timing for Kayalpatnamஉதயம்15:50
மறைவு17:59மறைவு03:40
Morning Twilight
வானியல்கடல்சமூகம்
05:0605:3205:58
உச்சி
12:09
Evening Twilight
சமூகம்கடல்வானியல்
18:2118:4719:13
Go to Homepage
செய்திகள்
Previous News ItemNext News Item
செய்தி எண் (ID #) 9501
#KOTW9501
Increase Font Size Decrease Font Size
ஞாயிறு, அக்டோபர் 28, 2012
“இவரைப்போல் நீங்களும் சாதிக்கலாமே...?” KCGC நடத்திய மாணவர் ஊக்குவிப்பு கருத்தரங்கில் உள்ளூர் சாதனையாளர் இப்றாஹீம் ஊக்க உரை! திரளான மாணவ-மாணவியர் பங்கேற்பு!!
செய்திஎஸ்.கே.எஸ். (தாருத்திப்யான் நெட்வர்க்)
இந்த பக்கம் 3306 முறை பார்க்கப்பட்டுள்ளது | வாசகர் கருத்துக்கள் காண (15) <> கருத்து பதிவு செய்ய
(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 2)
click here to post your comment using facebook{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் - சென்னை வழிகாட்டு மையத்தின் கல்விக்குழு ஏற்பாட்டில் “இவரை போல் நீங்களும் சாதிக்கலாமே...?” என்ற தலைப்பில், மாணவர் ஊக்குவிப்புக் கருத்தரங்க நிகழ்ச்சி, இம்மாதம் 26ஆம் தேதி வெள்ளிக்கிழமை மாலை 04.00 மணியளவில், காயல்பட்டினம் எல்.கே.மேனிலைப்பள்ளி - ஹாஜி எஸ்.ஏ.சுலைமான் ப்ளாக் கேளரங்கில் நடைபெற்றது.



உலக காயல் நல மன்றங்களின் கல்வித்துறைக் கூட்டமைப்பான காயல்பட்டினம் இக்ராஃ கல்விச் சங்கத்தின் ஒருங்கிணைப்புடன் நடைபெற்ற இந்நிகழ்ச்சியில், காயல்பட்டினம் - கீழ நெய்னார் தெருவைச் சார்ந்த எம்.முஹம்மத் இப்றாஹீம் சிறப்பு விருந்தினராகக் கலந்துகொண்டார்.

நிகழ்ச்சிகளை, காயல்பட்டினம் சென்னை வழிகாட்டு மையத்தின் ஒருங்கிணைப்புக் குழு உறுப்பினர் ஷமீமுல் இஸ்லாம் எஸ்.கே.எஸ். நெறிப்படுத்தினார். மாணவர் ஹிஷாம் கிராஅத் ஓதி நிகழ்ச்சிகளைத் துவக்கி வைத்தார். அமைப்பின் கல்விக்குழு தலைவர் ஹாஜி வாவு எம்.எம்.மஸ்னவீ நிகழ்வுக்குத் தலைமையேற்று, அனைவரையும் வரவேற்றுப் பேசினார். அதனைத் தொடர்ந்து, அமைப்பின் கல்விக்குழு உறுப்பினர் வழக்குறைஞர் அஹ்மத் - சிறப்பு விருந்தினர் குறித்து அறிமுகவுரையாற்றினார். அறிமுகவுரையிலிருந்து சில குறிப்புகள்:-

<> சிறப்பு விருந்தினர் எம்.முஹம்மத் இப்றாஹீம், சென்ட்ரல் மேனிலைப்பள்ளியின் முன்னாள் மாணவர்...

<> 1992ஆம் ஆண்டு பத்தாம் வகுப்பு (SSLC) அரசு பொதுத் தேர்வில் நகரளவில் முதலிடம் பெற்றவர்...

<> பொறியியல் (B.E.) பட்டப்படிப்பில் பல்கலைக்கழக தரவரிசை பெற்றவர்... [Sathak Engineering College]

<> பொறியியல் முதுகலை (M.E.) பட்டப்படிப்பில் பல்கலைக்கழக அளவில் முதலிடம் பெற்றவர்... (NATIONAL INSTITUTE OF TECHNOLOGY [NIT] - TRICHY)

<> 20க்கும் மேற்பட்ட கண்டுபிடிப்புகளுக்கு காப்புரிமை (Patent right) பெற்றுள்ளார்...

<> இவர் எழுதிய ஒரு பாகம் (Chapter) பாடபுத்தகத்தில் இடம்பெற்றுள்ளது...

<> ஆறு தேசிய / சர்வதேச ஆராய்ச்சிப் புத்தகங்களில் இவரின் தயாரிப்புகள் வெளியாகியுள்ளன...

<> பல கல்லூரிகளில் உரை நிகழ்த்த அழைக்கப்பட்டுள்ளார்...

<> கண்டுபிடிப்புகளுக்கும், சிறந்த பணிக்கும் பல விருதுகளை பெற்றுள்ளார்...

<> Bharat Electronics Limited என்ற இந்திய அரசாங்க நிறுவனத்தில் ஓர் ஆண்டு பணிபுரிந்த பின், 2001 ஆம் ஆண்டு முதல் அமெரிக்க நிறுவனமான Honeywell நிறுவனத்தில் பணியாற்றி வருகிறார்...

<> Research Manager – ஆக தற்போது பணிப்புரியும் இவர், Ph.D பட்டம் பெற்ற பல விஞ்ஞானிகளை தலைமை ஏற்று நடத்தி வருகிறார்...


இவ்வாறு சிறப்பு விருந்தினர் குறித்து அறிமுகம் செய்யப்பட்டது.

பின்னர், சிறப்பு விருந்தினர் எம்.முஹம்மத் இப்றாஹீம் உரையாற்றினார். துவக்கமாக தன் குடும்ப உறுப்பினர்கள், முகவரி, படித்த பள்ளி ஆகியன குறித்து அறிமுகம் செய்து பேசிய அவர், பள்ளிப் பருவத்தில் சிறிது அலட்சியமாக இருந்த தனக்கு, பொருளாதாரத்தில் நலிவுற்ற குடும்பத்தில் பிறந்தவனாக தானிருந்த நிலையிலும் உயர்கல்விப் பருவத்தில் தனக்கு ஊக்கமளித்து, தேவையான நிதியுதவிகளை சமூக நல அமைப்புகளின் மூலம் பெற்றுத் தந்து, இன்று இந்தளவுக்கு தான் சிறந்தோங்க ஹாஃபிழ் எம்.ஐ.யூஸுஃப் ஸாஹிப் காரணம் என்று கூறினார்.



பல்வேறு கண்டுபிடிப்புகளுக்கு காப்புரிமை பெற்றுள்ளமை குறித்து விளக்கிய அவர், விமானி ஒருவர் தான் ஓட்டும் விமானம் தரையிறங்குகையில், சரியான முறையில் ஓடுதளத்திலுள்ள மஞ்சள் கோட்டில் அதன் முன்சக்கரம் செல்கிறதா என்பதை, விமானத்திலிருந்தவாறே தெரிந்துகொள்வதற்கான முறையை தான் கண்டறிந்துள்ளதைக் குறிப்பிட்டுப் பேசி, அதற்காக காப்புரிமை பெற்றுள்ளதாகவும் தெரிவித்தார்.

கண்டுபிடிப்புகள் புதிதாகத்தான் மூளையில் தோன்ற வேண்டுமென்பதில்லை என்றும், பள்ளிப் படிப்பின்போது கற்கும் பாடங்களை அடிப்படையாகக் கொண்டே பெரும்பாலும் தனது கண்டுபிடிப்புகள் அமைந்துள்ளதாகவும் என்றும் தெரிவித்தார்.



தான் கற்ற காலத்தில் - பொருளாதார நலிவுற்றிருந்தபோது, கல்விக்காக உதவும் அமைப்புகள் நகரில் மிகக் குறைவாகவே இருந்ததாகவும், இன்று அதற்கு பல நகர்நல அமைப்புகள் ஆயத்தமாக உள்ளதாகவும் தெரிவித்த அவர், KCGC, இக்ராஃ உள்ளிட்ட அமைப்புகள் மாணவர்களுக்குக் கல்வி வழிகாட்டுவதிலும் மும்முரமாக செயல்பட்டு வரும் இக்காலத்தில் காயல்பட்டினம் மாணவ-மாணவியர் சாதிப்பதென்பது ஒன்றும் எட்டாக்கனியல்ல என்று தெரிவித்தார்.



பின்னர், மாணவ-மாணவியரும், பார்வையாளர்களும் கேட்ட கேள்விகளுக்கு அவர் விளக்கமளித்துப் பேசினார்.



இன்றுள்ள மாணவர்களுக்கு சாதனையாளராகக் காட்சியளிக்கும் இவர், இதுபோன்ற பல சாதனையாளர்களை உருவாக்க செயல்திட்டங்கள் வகுத்து முயற்சிகள் மேற்கொண்டு வரும் KCGC, இக்ராஃ போன்ற அமைப்புகளுக்கு எந்த வகையில் துணை நிற்பார் என்று பார்வையாளர் ஒருவர் கேள்வியெழுப்பினார். அதற்கு விடையளித்த சிறப்பு விருந்தினர், எந்தெந்த வகையில் தனது துணை எதிர்பார்க்கப்படுகிறதோ அவையனைத்திலும் இறையருளால் துணை நிற்க விரும்புவதாகத் தெரிவித்தார்.

பின்னர், KCGC அமைப்பின் சார்பில், அதன் கல்விக்குழு உறுப்பினரும் - நிகழ்ச்சித் தலைவருமான ஹாஜி எம்.எம்.மஸ்னவீ - சிறப்பு விருந்தினருக்கு நினைவுப் பரிசு வழங்கி கண்ணியப்படுத்தினார்.



காயல்பட்டினத்தைச் சேர்ந்த ஒருவர் இவ்வளவு பெரிய தகுதிகளுடன் இருக்கையில் அவர் யார் என்பதை அனைவரும் அறிந்துகொள்ள வேண்டும் என்று கருதிய நிகழ்ச்சி ஏற்பாட்டாளர்கள், சிறப்பு விருந்தினர் எம்.முஹம்மத் இப்றாஹீம் உடைய குடும்பத்தின் ஆண் உறுப்பினர்களை மேடைக்கு அழைத்து அறிமுகப்படுத்தினர்.



அப்போது கருத்து தெரிவித்த சிறப்பு விருந்தினரின் மாமனார் - முத்துவாப்பா தைக்கா தெருவைச் சேர்ந்த கிழுறு முஹம்மத், தன் மகளைத் திருமணம் செய்த நாள் முதல் இன்று வரை இவர் ஒரு பெரிய நிறுவனத்தில் நல்ல வேலையில் உள்ளார் என்பது மட்டுமே தனக்குத் தெரியுமென்றும், இப்படிப்பட்ட சாதனைகளுக்கெல்லாம் இவர் சொந்தக்காரர் என்பது இந்த நிகழ்ச்சி ஏற்பாட்டின்போதே தனக்குத் தெரியவந்ததாகவும் தெரிவித்தார்.

முன்னதாக, நிகழ்ச்சியின் துவக்கத்தின்போது மாணவ-மாணவியருக்கு அடையாளச் சீட்டு வழங்கப்பட்டிருந்தது. அவற்றிலிருந்து 3 பேரை சிறப்பு விருந்தினர் குலுக்கல் முறையில் தேர்ந்தெடுக்க, அவர்களுக்கான பரிசுகளை KCGC அமைப்பின் கல்விக்குழு உறுப்பினர் சாளை பஷீர் ஆரிஃப், அதன் உள்ளூர் பிரதிநிதி ஹாஜி என்.எஸ்.இ.மஹ்மூது, இக்ராஃ கல்விச் சங்கத்தின் துணைத்தலைவர் ஹாஜி டாக்டர் இத்ரீஸ் ஆகியோர் வழங்கினர்.



பின்னர், துளிர் அறக்கட்டளையின் சார்பிலும், அதனைத் தொடர்ந்து காயல்பட்டினம் நகர அரிமா சங்கம் சார்பிலும் சிறப்பு விருந்தினருக்கு சால்வை அணிவிக்கப்பட்டு, நினைவுப் பரிசு வழங்கி கண்ணியப்படுத்தப்பட்டது.



நிறைவாக, KCGC அமைப்பின் உறுப்பினர் பி.ஏ.புகாரீ நன்றி கூற, துஆவுடன் நிகழ்ச்சி நிறைவுற்றது.



முன்னதாக, இந்நிகழ்ச்சியில் கலந்துகொள்ளக் கோரி, காயல்பட்டினத்தின் அனைத்துப் பள்ளிகளைச் சேர்ந்த 09 முதல் 12ஆம் வகுப்பு வரையிலான மாணவ-மாணவியர் அவரவர் பள்ளிகள் மூலம் அழைக்கப்பட்டிருந்தனர். அதனடிப்படையில், மாணவ-மாணவியர் மற்றும் பெற்றோர் இந்நிகழ்ச்சியில் திரளாகக் கலந்துகொண்டனர்.







நிகழ்ச்சி ஏற்பாடுகளை, இக்ராஃ கல்விச் சங்கத்தின் நிர்வாகி ஹாஜி ஏ.தர்வேஷ் முஹம்மத் ஒருங்கிணைப்பில், இக்ராஃ மற்றும் KCGC அமைப்பின் அங்கத்தினர் செய்திருந்தனர்.


Previous News ItemNext News Item
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>
1. Re:...
posted by Vilack SMA (Nha Be , Vietnam) [28 October 2012]
IP: 14.*.*.* Vietnam | Comment Reference Number: 23194

தம்பி M . முஹம்மது இப்ராஹீம் மேலும் பல சாதனைகள் படைத்து , பிறந்த மண்ணுக்கும் , படித்த பள்ளிக்கும் பெருமை சேர்க்க இறைவனை வேண்டுகிறோம் .

K .S . Mansoor Shaikna . ( 1981 Batch ) Nhon Trach , Vietnam

Vilack Syed Mohamed Ali , ( 1982 Batch ,) Nha Be, Vietnam

சென்ட்ரல் உயர்நிலைப்பள்ளி முன்னாள் மாணவர்கள்


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
2. Scintist
posted by sheit (kayalpatnam) [28 October 2012]
IP: 117.*.*.* India | Comment Reference Number: 23198

நம் ஊரில் scintist ஆ அல்ஹம்துலில்லாஹ் மாணவ செல்வங்களே நீங்கள் எப்போது ?

சேட்
காயல்


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
3. Re:.சிறப்பான நிகழ்ச்சி........
posted by ceylon fancy KAZHI. (jeddah,Saudi Arabia.) [28 October 2012]
IP: 188.*.*.* Saudi Arabia | Comment Reference Number: 23202

மாஷா அல்லாஹ் ... தபாரக்கல்லாஹ் ....மிக சிறப்பான ஒரு நிகழ்ச்சி நடந்தேறி உள்ளது... சிறப்பு விருந்தினர் எம்.முஹம்மத் இப்றாஹீம் மிக சிறப்பாக தன்னுடைய கடந்த கால வரலாற்றை விளக்கி உள்ளார் ..நம்முடைய நடப்பாண்டு மாணவர்களும் இவரைப்போல் அல்லது அதைவிட மேலாக சாதிக்க வேண்டும் என்பதே எங்களுடைய ஆசை ....வல்ல ரஹ்மான் நிறைவேற்றி வைப்பானாக....

சிறப்பு விருந்தினர் எம்.முஹம்மத் இப்றாஹீம், சென்ட்ரல் மேனிலைப்பள்ளியின் முன்னாள் மாணவர்... என்ற செய்தி எமது சென்ட்ரல் பள்ளிக்கும் எமது ஊருக்கும் பெருமையாக உள்ளது...

சிலோன் பேன்சி காழி ,
ஜித்தாஹ் ,
சவுதி அரேபியா...


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
4. நண்பா உன் வளர்ச்சி உச்சியை தொடட்டும்
posted by Umar Rizwan Jamali (Singapore) [28 October 2012]
IP: 220.*.*.* Singapore | Comment Reference Number: 23205

என் நண்பர் இப்ராஹீமை படிக்கும் காலத்தில் அடக்கமாக அமைதியாகத்தான் பார்த்திருக்கிறேன். ஆனால் அவர் சாதனையில் ஆர்ப்பரித்திருப்பது மிகுந்த மகிழ்ச்சியை தருகிறது. நண்பா உன் வளர்ச்சி உச்சியை தொடட்டும். உன் தாய் தகப்பரின் ஆசிகளுடன்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
5. Re:..வெற்றித் திருமகன்
posted by mackie noohuthambi (kayalpatnam) [28 October 2012]
IP: 117.*.*.* India | Comment Reference Number: 23213

HATS OFF MR MUHAMMAD IBRAHIM. KEEP IT UP.

FROM THE HUTS OF A SMALL VILLAGE OF RAMESWARAM TO HIGH FLATS OF RASHTRAPATHI BHAVAN......

ஒரு சாதாரண குடிமகன் ராமேஸ்வரத்திலிருந்து ராஷ்ட்ரபதி பவனுக்கு ஒரு முதல் குடிமகனாக அப்துல் கலாம் சென்றார்.

FROM THE FLICKER OF A LAMP IN A SMALL BENGAL VILLAGE TO THE CHANDELIERS OF DELHI ஒரு சிறு விளக்கின் குமிழ் சிந்தும் சாதாரண வங்க கிராமத்திலிருந்து டில்லி மாநகரத்தின் உயர்ந்த ஒளி சிந்தும் அலங்கார விளக்கின் உயரத்துக்கு ஒரு முதல் குடிமகனாக பிரணாப் முகெர்ஜி சென்றார்.

FROM THE DOWN TRODDEN CORNER OF THE KAYALPATNAM VILLAGE IN THE SOUTHERN TIP OF INDIA TO HONEYWELL OF THE UNITED STATES OF AMERICA. இந்தியாவின் தென் முனையில் உள்ளகாயல்பட்டினம் கிராமத்தின் ஒரு மூலையில் இருந்து அமெரிக்க ஐக்கிய நாடுகளின் " தேன் கிணற்றில்"(honeywell ) நீந்தி வரும் ஒரு இளையமகனாக ஏற்றம் பெற்று நமதூருக்கு பெருமை சேர்த்து தந்திருக்கிறார் முஹம்மது முஹியிதீன்.அல்ஹம்து லில்லாஹ்.

THERE IS NO SUBSTITUTE TO HARD WORK.......CHOICE FIRST CHANCE NEXT....COMMUNICATION AND ASPIRATION VERY IMPORTANT FOR INNOVATIONS AND INVENTIONS .

இப்படி பல கோணங்களில் தன் வெற்றியின் ரகசியங்களை புன்முறுவலுடன் மாணவர்களுடன் பகிர்ந்துகொண்ட வெற்றி திருமகனின் பாங்கு வியக்க வைத்தது. பார் சிறுத்தலின் படை பெருத்ததோ அன்றி படை பெருத்தலின் பார் சிறுத்ததோ என்பது போல், அவர் கலந்துரையாடிய அறை சிறிதாக இருந்ததால் கூட்டம் பெரிதாக தெரிந்ததா அல்லது கூட்டம் பெரிதாக இருந்ததால் அறை சிறிதாக தெரிந்ததா என்று வியக்கும் அளவுக்கு மாணவ மாணவிகள் குவிந்து இருந்ததை பார்க்க முடிந்தது.

"மாற்று திறனாளி" என்ற நிலையிலிருந்து எதையும்" மாற்றும் திறனாளியாக" தன்னை உயர்த்திக்கொண்ட வழக்கறிஞர் அவர்களின் அறிமுக உரை மெய் சிலிர்க்க வைத்தது. ஆனால் சிறியவயதில் இத்தனை சாதனை புரிந்துள்ள இந்த மண்ணின் மைந்தனை பாராட்ட ஒரு திறந்த வெளி மைதானத்தில் ஊர் திரண்டு வந்து விழா எடுத்திருக்க வேண்டும் என்று தோன்றுகிறது

.மகாத்மா காந்தி அவர்களுக்கு தேச தந்தை என்ற பட்டம் எப்போது கொடுக்கப்பட்டது என்ற கேள்விக்கு விடை தெரியுமா? அப்படி ஒரு பட்டமே அவருக்கு இந்த அரசு கொடுக்கவுமில்லை அப்படி ஒரு பட்டம் கொடுக்க இந்திய அரசியல் சட்டத்தில் இடமும் இல்லை. தகவல் அறியும் சட்டத்தின் மூலம் அரசு கொடுத்த பதில் இது. எனவே நாம் இவருக்கு ஒரு பட்டம் கொடுத்தால் அதுவே அவருக்கு வாழ்த்தாக அமையும்.

" வெற்றி திருமகன்" ......என்று அவரை அழைப்பது பொருத்தம் என்று நினைக்கிறேன். வாழ்த்துக்கள்.......அவரை மேடை ஏற்றி அறிமுகம் செய்த காயல்பட்டினம் சென்னை வழி காட்டு குழுவுக்கும் வாழ்த்துக்கள்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
6. Inspiration...Role Model for Kayal Youth
posted by JAHIR HUSSAIN VENA (Bahrain) [28 October 2012]
IP: 188.*.*.* Bahrain | Comment Reference Number: 23217

இளம் காயல் சாதனையாளர உங்களக்கு எங்கள் நல்வாழ்த்துக்கள்..

நீங்கள் மேலும் பல சாதனை புரிய எல்லாம் வல்ல அல்லாஹ் துணை புரிவானாக ஆமீன் ...........

நம் மக்கள் சாதிக்க பிறந்தவர்கள்....அன்றிலிருந்து ..இன்று வரை....

ஜாகிர் ஹுசைன் V.S.S.
சுலைமான் M.B.S.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
7. தோன்றின் புகழோடு தோன்றுக....!
posted by M.N.L.முஹம்மது ரபீக், (புனித மக்கா.) [29 October 2012]
IP: 188.*.*.* Saudi Arabia | Comment Reference Number: 23223

நிறைகுடம் ததும்பாது எனும் முதுமொழிக்கேற்ப தான் செய்து வரும் சாதனைகளை சொந்த மாமனாருக்கு கூட தெரியப்படுத்தவில்லை! அவரது சாந்தமான முகமும், கண்ணில் தெரியும் ஈர்ப்பும் ஒரு விஞ்ஞானிக்குரிய லட்சணம்தாம்! இன்னும் பல அரிய கண்டுபிடிப்புக்களை உலகிற்கு தந்து பிறந்த மண்ணுக்கும், வாழும் நாட்டிற்கும் பெருமை சேர்க்க வாழ்த்துகின்றேன்.

நம் நகரில் இலைமறை காய்களாக இன்னும் எத்தனையோ திறமைசாளிகள் உள்ளனர். அவர்களைக் கண்டுபிடித்து ஊக்கமும், உதவியும் செய்து இவ்வுலகிற்கு முன் நிறுத்த வேண்டிய கடமை இக்கல்வி நிறுவனங்களுக்கு உள்ளது.

இவருக்கு பொருந்தும் ஒரு குறள்,

“ஈன்ற பொழுதிற் பெரிதுவக்கும் தன்மகனைச்
சான்றோன் எனக்கேட்ட தாய்”,

எனவே பள்ளி மாணவர்கள் இவரைப் போன்று நாமும் சாதிக்க வேண்டும் என உறுதி கொண்டு முயற்சிகள் செய்ய வேண்டும். முயற்சி உடையார் இகழ்ச்சியடையார், முயற்சி திருவினையாக்கும். வாழ்த்துக்கள்....!

-ராபியா மணாளன்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
8. நல்ல ஆரம்பம் , தொடரட்டும் காயலர்களின் சாதனை.....
posted by சொளுக்கு.M.A.C.முஹம்மது நூகு (chennai) [29 October 2012]
IP: 1.*.*.* India | Comment Reference Number: 23231

சகோதரர் இப்ராஹிம் அவர்கள் சென்டிரல் மேல்நிலை பள்ளியின் முன்னாள் மாணவர் என்பதில் நான் பெருமைப்படுகிறேன். அவர் பள்ளியில் படிக்கும் போதே நல்ல மாணவராகவே திகழ்ந்தார். அவர் பல சாதனைகளை படைப்பார் என்று தெரியும் ஆனால் இந்த அளவிற்கு அவர் மிகச்சிறந்த படைப்பாளியாக வருவார் என்று நினைக்கவில்லை அல்ஹம்துலில்லாஹ்.

ஆனால் ஒரே ஒரு வருத்தம் இவருடய சாதனைக்கு உலக அளவில் அங்கீகாரம் எப்போதோ கிடைத்திருந்த போதிலும் உள்ளூரில் இப்போதுதான் கிடைத்திருக்கிறது. இந்த நல்ல முயற்சிக்கு காரணமான KCGC க்கு நாம் அனைவரும் நன்றி சொல்ல வேண்டும்.

இவரைப்போல இன்னும் எத்தனையோ விஞ்ஞானிகள் நமதூரில் பிறந்து உலகில் ஏதோ ஒரு இடத்தில் சாதனைகள் பல புரிந்து கொண்டு இருப்பார்கள் அவர்களையும் இந்த KCGC நமதூருக்கு அடையாளம் காட்ட வேண்டும் மேலும் இது போன்றவர்களை உருவாக்குவதில் முனைப்புடன் செயல்பட வேண்டும்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
9. வாழ்த்துக்கள் நண்பா
posted by Faizal Rahman (Doha - Qatar) [29 October 2012]
IP: 78.*.*.* Qatar | Comment Reference Number: 23233

அஸ்ஸலாமு அழைக்கும் ,

KCGC நடத்திய இந்த விழாவில் சிறப்பு விருதினராக கலந்து கொண்ட நண்பன் இப்ராஹீம்க்கு என் உள்ளங்கனிந்த வாழ்த்துக்கள். உன்னுடைய படைப்புகள் மேலும் உயர்வதற்கு வல்ல இறைவனிடம் துவா செய்கிறேன்.

இப்படிக்கு நண்பன்
பைசல் ரஹ்மான்
தோஹா- கத்தார்


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
10. Re:...
posted by NMZ.Ahamedmohideen (KAYALPATNAM) [29 October 2012]
IP: 117.*.*.* India | Comment Reference Number: 23254

அஸ்ஸலாமு அலைக்கும்.......... வாழ்த்துக்கள் சகோதரா வாழ்த்துக்கள்!!! தொடரட்டும் சாதனை.....வையத்துள் வாழ்வாங்கு துலங்கட்டும் உங்கள் சாதனை ..........சூழட்டும் வெற்றி வாகைகள் ......

வல்ல அல்லாஹ் துணையோடும் ,வள்ளல் நபிகளின் நல்லாசியோடும் என்ரென்றும் " வெற்றி திருமகனாக மிளிர ஆயிரம் ஆயிரம் வாழ்த்துக்கள் !!!மாஷா அல்லாஹ்! !பாரகல்லாஹ் !!!


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
11. முற்றத்து மல்லி மணக்காது?/
posted by MOHAMMED LEBBAI MS (DXB) [29 October 2012]
IP: 92.*.*.* United Arab Emirates | Comment Reference Number: 23262

முற்றத்து மல்லி மணக்காது என்பார்கள்,,,

சகோதரா உங்களை எங்கள் அருகில் வைத்துக்கொண்டு இது வரை நான் அறியாமல் இருந்திருக்கேன்,,,

இத்தனை உயரம் தொட்ட பின்னரும்
பழையதை தொட்ட உமது பெருந்தன்மை,,,
உமது திறமை உமது வீட்டுக்கே தெரியாத உமது பணிவு,,,,
உம்மை போல சாதிக்கணும் மட்டுமல்ல,,,
வாழவும் கற்றுக்கொள்லனும்


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
12. Re:...
posted by Salai.Mohamed Mohideen (USA) [29 October 2012]
IP: 205.*.*.* United States | Comment Reference Number: 23269

Very first thing, I would like to thank KCGC. Its a wonderful idea & going to reap good results for sure. I strongly feel KCGC is maturing day by day & marching towards its goal. Am pretty confident that, they are going to make a big impact / change in kayal by building a strong NextGEN.

Coming to Br. Ibrahim who is my college senior in MSEC & am very proud of his achievements. We all knew him as talented, rank holder, kind, silent, helping ... good human being on this planet. It is so sad that, none of us (including his family members) was not aware of his achievements, what he has been doing or achieving until it came out to the limelight by KCGC.

I would call this as 'communication gap'. Unfortunately guys like Br. Ibrahim was not utilized by us properly to build the strong society. There are many guys like him in our kayal (across various fields) whose values are either overlooked or they distance themselves from the society for some reasons (busy work or shyness).

KCGC, இக்ராஃ போன்ற அமைப்புகளுக்கு எந்த வகையில் துணை நிற்பார் என்று பார்வையாளர் ஒருவர் கேள்வியெழுப்பினார். - Not sure who asked this but its a smart question to thrash responsibilities to the right people which Islam encourages it.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
13. Re:...
posted by K.D.N.MOHAMED LEBBAI (AL-KHOBAR) [29 October 2012]
IP: 37.*.*.* | Comment Reference Number: 23277

அஸ்ஸலாமு அலைக்கும்

யப்பா .....நமக்கே மலைப்பாகவே இருக்கிறது .....நம் ஊரில் இப்படி ஒரு ...'' வைர கல்லா '' என்னால் இன்று வரை நினைத்து ..நினைத்து பெருமை பட்டு கொண்டு இருக்க முடிகிறது.நம் ரத்தம் / நம் துடிப்பு அல்லவா ....இந்த தம்பியை நினைத்து நம்மால் பெருமை படாமல் இருக்க முடிய வில்லை ... மாஷா அல்லாஹ் இவ்வளவு சாதித்தும் ..இந்த தம்பி எவ்வளவு அடக்கமாகவே உள்ளான்.....

நம் ஊர் வைரத்தை நம் ஊர் மக்கள் கண்முன் கொண்டு வந்த '' KCGC ''யை நாம் முதலில் பாராட்டியே ஆகணும் .....KCGC உறுப்பினர்கள் யாவர்களுக்கும் எங்களின் மனம் உகந்த பாராட்டுக்கள் .....

''' இவரைப்போல் நம் இளைய தலைமுறை மாணவர்கள் நாமும் கண்டிப்பாக சாதிக்கனும் என்று தங்களின் மனதில் ஒரு எண்ணத்தை படிய வைக்கணும்...அப்போது தான் அவர்களின் பயணத்தில் அவர்களின் வெற்றி கண் முன் தெரியும் ....

மரியாதைக்குரிய அருமை தம்பி.இப்றாஹீம் அவர்கள் சொன்னது போன்று ...இந்த காலத்தில் நம் ஊர் மக்களுக்கு'' KCGC / இக்ராஃ உள்ளிட்ட பல நல்ல அமைப்புகள் நம் மாணவ மணிகளுக்கு கல்வி வழிகாட்டுவதிலும் மும்முரமாக செயல்பட்டு வரும் இந்த நேரத்தில்......( முழுமையான புல் சப்போட்டு உண்டு )....இதை நம் ஊர் மாணவ மணிகள் மிஸ் பண்ணாமல் நல்ல முறையில் படித்து ...நம் ஊருக்கும் / அவர்களின் குடும்பத்துக்கும் நற் பெயர் .....நம் மரியாதைக்குரிய அருமை தம்பி.இப்றாஹீம் அவர்கள் போன்று ஈட்டி தருவார்கள் என்கிற முழு நம்பிக்கை நமக்கு உண்டு .....

இது போன்று நம் ஊர் மாணவ / மாணவிகளுக்கு. நம் ஊர் '' KCGC / இக்ரா .....போன்ற நல்ல அமைப்புக்கள் தொடர்ந்து விழிப்புணர்வு ஏற்படுத்தி நம் மாணவ கண்மணிகளை தொடர்ந்து ஊக்குவித்து வந்தால் ரொம்பவும் நன்று ......

இப்போதைய கால சூழ் நிலமையில் நம் ஊர் மக்களுக்கு 'கண் ' போன்றது ....கல்விதான் ....நம் மாணவ கண்மணிகளுக்கு இது போன்ற ...ஊக்குவிப்பு கருத்தரங்கத்தை கொடுங்கள் .....என்று KCGC / இக்ரா .....போன்ற நல்ல அமைப்புகளை...தாழ்மையுடன் கேட்டு கொள்கிறோம் ....

நம் மரியாதைக்குரிய அருமை தம்பி.இப்றாஹீம் அவர்களின் வெற்றி தொடரவும் நாம் வாழ்த்தி / துவா செய்வோமாக .....வல்ல இறைவன் எப்போதும் அருமை தம்பிக்கு எப்போதும் துணை நிற்பனாகவும் ஆமீன்.

வஸ்ஸலாம்

K.D.N.MOHAMED LEBBAI
AL-KHOBAR
SAUDI ARABIA


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
14. Service is continous journey
posted by H.M. Shafiullah (Chennai) [30 October 2012]
IP: 122.*.*.* India | Comment Reference Number: 23300

Dear Md. Ibrahim,

You have done a wonderful contribution in the past. This completed 50% of your life achievement. The remaining 50% will fulfill by developing valuable citizens like you from Kayalpattinam. I think that you may agree with my statement.

Regards
Shafiullah
9710008200


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
15. Y???
posted by Mafasz (Kayalpatnam) [10 November 2012]
IP: 117.*.*.* India | Comment Reference Number: 23709

But y u people din't mention about his department???


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்
ட்விட்டர் வழி கருத்துக்கள்

பிற செய்திகள்

காயல்பட்டணம்.காம் இணையதள பக்கங்கள் தமிழ் வழி தேடல்
செய்திகள் ஆங்கில வழி (TAG) தேடல்
குறியீடு எண்கள் (ID #) வழி தேடல்
தேதி வாரியாக செய்தி தேட இங்கு சொடுக்கவும்
Advertisement
Cathedral Road LKS Gold ParadiseFathima Jewellers
AKM JewellersFaams

>> Go to Homepage
செய்திகள்
அண்மைச் செய்திகள்
அதிகம் வாசிக்கப்பட்டவை
அதிகம் கருத்து கூறப்பட்டவை
பரிந்துரைக்கப்பட்டவை
இந்த நாள், அந்த ஆண்டு
நீங்கள் படிக்காதவை
செய்திகளை தேட
தலையங்கம்
அண்மைத் தலையங்கம்
பிற தலையங்கங்கள்

ஆக்கங்கள்
எழுத்து மேடை
சிறப்புக் கட்டுரைகள்
இலக்கியம்
மருத்துவக் கட்டுரைகள்
ஊடகப்பார்வை
சட்டம்
பேசும் படம்
காயல் வரலாறு
ஆண்டுகள் 15
வாசகர் கருத்துக்கள்
செய்திகள் குறித்த கருத்துக்கள்
தலையங்கம் குறித்த கருத்துக்கள்
எழுத்து மேடை குறித்த கருத்துக்கள்
சிறப்புக் கட்டுரைகள் குறித்த கருத்துக்கள்
கவிதைகள் குறித்த கருத்துக்கள்
இணையதள கருத்தாளர்கள்
புள்ளிவிபரம்
சிறப்புப் பக்கங்கள்
புதிய வரவுகள்
நகர்மன்றம்
வீடு, மனை விற்பனை தொழில் (REAL ESTATE)
குடிநீர் திட்டம்
ரயில்களின் தற்போதைய நிலை
ரேஷன் கடைகளில் பொருள்களின் நிலை

EDUCATION
பள்ளிக்கூட கட்டணங்கள்
HSC Results (Since 2007)
Comparative Analysis
Best School Award Rankings
Centum Schools
1000 or above Students
12th Standard Timetable
10th Standard Timetable
தகவல் மையம்
காயல்பட்டினம் தொழுகை நேரங்கள்
சூரிய உதயம் / மறைவு கணக்கிட
சந்திர உதயம் / மறைவு கணக்கிட
ஆபரணச் சந்தை
அரசு விடுமுறை நாட்கள்
நிகழ்வுகள் பக்கம்
தமிழக அமைச்சரவை
காயல்பட்டினம் வாக்காளர் பட்டியல்
Hijri Calendar
Government
OTHER SERVICES
Email Service
Mobile Version
On Twitter
ADVERTISE HERE
Website Traffic
What are GoogleAds?
Advertisement Tariff
ABOUT US
Suggestions
Credits
KOTW Over The Years
About KFT
Recommend This Site
Kayal on the Web is one of several websites managed by The Kayal First Trust, a charitable organisation based in Kayalpatnam, Tuticorin District, Tamil Nadu, INDIA. By accessing and using this website, you are assumed to have read the Terms of service - governing this Website.
Designed for The Kayal First Trust by NetGross

© 1998-2019. The Kayal First Trust. All Rights Reserved