Kayal on the Web

செய்திகள்

செய்தி எண் (ID #) 9730

#KOTW9730

திங்கள், டிசம்பர் 3, 2012

DCW ஆலையின் அத்துமீறல் குறித்து சென்னையிலுள்ள மாசு கட்டுப்பாட்டு வாரிய தலைமை அலுவலகத்தில் - டிசம்பர் 10 அன்று - காயலர்கள் திரண்டு சென்று மனு அளிக்க ஏற்பாடு! காயலர்களுக்கு KEPA அழைப்பு!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 3931 முறை பார்க்கப்பட்டுள்ளது | வாசகர் கருத்துக்கள் காண (10) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

DCW தொழிற்சாலையின் அத்துமீறலுக்கெதிராக நடவடிக்கை எடுக்குமாறு கோரி, காயல்பட்டினம் சுற்றுச்சூழல் பாதுகாப்பு அமைப்பு - KEPA சார்பில், இம்மாதம் 10ஆம் தேதியன்று சென்னையிலுள்ள தமிழ்நாடு மாசு கட்டுப்பாட்டு வாரிய தலைமை அலுவலகத்தில் - காயலர்களை திரளாக அழைத்துச் சென்று மனு அளிக்க தீர்மானிக்கப்பட்டுள்ளது.

இந்நிகழ்வில் கலந்துகொள்ள காயலர்களுக்கு அழைப்பு விடுத்து, அவ்வமைப்பின் சார்பில் வெளியிடப்பட்டுள்ள அறிக்கை பின்வருமாறு:-

காயல்பட்டினம் நகராட்சி எல்லைக்குள் இயங்கி வரும் DCW தொழிற்சாலையின் மாசு நிறைந்த அமிலக் கழிவுநீர் - அரசு சட்ட விதிகளுக்கு மாற்றமாக பன்னெடுங்காலமாக காயல்பட்டினம் கடற்பரப்பில் கலக்கப்பட்டு வருகிறது. நகரில் புற்றுநோயாளிகளின் எண்ணிக்கை நாளுக்கு நாள் அதிகரிப்பதற்கும், பலர் உயிரிழப்பதற்கும் இத்தொழிற்சாலையின் மாசுகளே முக்கிய காரணமாக இருக்கக் கூடும் என்று அஞ்சப்படுகிறது.

அரசின் மாசுக்கட்டுப்பாடு சட்ட விதிகளுக்கு மாற்றமாக செயல்பட்டு வரும் இத்தொழிற்சாலையின் சில பகுதிகளை மூடுமாறு, தூத்துக்குடி மாவட்ட மாசு கட்டுப்பாட்டு வாரியம் - தமிழ்நாடு மாசு கட்டுப்பாட்டு வாரியத்திற்கு பரிந்துரை செய்தும், இதுவரை அதன் மீது நடவடிக்கை எடுக்கப்படாததைக் கண்டித்தும், அரசின் மாசு கட்டுப்பாடு சட்ட விதிகளுக்கு மாற்றமாக செயல்பட்டு வரும் இத்தொழிற்சாலையைக் கண்டித்தும், அதன் மீது தகுந்த நடவடிக்கை எடுப்பது குறித்து மத்திய - மாநில அரசுகளின் கவனத்தை ஈர்க்கும் வகையிலும், நகரின் அனைத்து ஜமாஅத்துகள் - பொதுநல அமைப்புகள் - புறநகர் ஊர் நலக் கமிட்டியினர் ஆதரவுடன்,

29.11.2012 வியாழக்கிழமையன்று (நேற்று), காயல்பட்டினத்தில் ஒருநாள் அடையாள முழு கடையடைப்பு நடத்திடவும், காயல்பட்டினம் வள்ளல் சீதக்காதி திடலில் அன்று மாலை 04.30 மணிக்கு கண்டன ஆர்ப்பாட்டமும், இரவு 07.00 மணிக்கு பொதுக்கூட்டமும் நடத்திட தீர்மானிக்கப்பட்டிருந்தது. அதனடிப்படையில், அன்று காலை 06.00 மணி முதல் மாலை 06.00 மணி வரை காயல்பட்டினத்தில் முழு கடையடைப்பும், அதனைத் தொடர்ந்து, அன்று மாலை 04.30 மணியளவில் காயல்பட்டினம் வள்ளல் சீதக்காதி திடலில் கண்டன ஆர்ப்பாட்டமும், அன்று மாலை 06.00 மணியவில் செய்தியாளர் சந்திப்பு நிகழ்ச்சியும், அன்றிரவு 07.00 மணியளவில், காயல்பட்டினம் வள்ளல் சீதக்காதி திடலில் விழிப்புணர்வு பொதுக்கூட்டமும் நடைபெற்றது.

விழிப்புணர்வு பொதுக்கூட்டத்தின் நிறைவில் நிறைவேற்றப்பட்ட தீர்மானங்களில்,

“டி.சி.டபிள்யு நிறுவனத்தின் சுற்றுச்சூழல் விதிமீறல்கள், விரிவாக்கத் திட்டம் குறித்த அச்சங்கள் ஆகியன குறித்து எடுத்துக் கூற, சென்னையில் உள்ள தமிழ்நாடு மாசு கட்டுப்பாட்டு வாரியத்தின் தலைமை நிலையத்தில் காயலர்கள் பெருந்திரளாகச் சென்று மனு அளிப்பதென இக்கூட்டம் தீர்மானிக்கிறது.”

என்று 7ஆவதாக தீர்மானம் நிறைவேற்றப்பட்டிருந்தது. இத்தீர்மானத்தின் அடிப்படையில், இன்ஷாஅல்லாஹ் இம்மாதம் 10ஆம் தேதி - திங்கட்கிழமையன்று காலையில், சென்னை கிண்டியிலுள்ள தமிழ்நாடு மாசு கட்டுப்பாட்டு வாரியத்தின் தலைமை அலுவலகத்திற்கு, காயலர்களை பெருந்திரளாக அழைத்துச் சென்று கோரிக்கை மனுவை அளிப்பதென, காயல்பட்டினம் சுற்றுச்சூழல் பாதுகாப்பு அமைப்பு - KEPA சார்பில் முடிவு செய்யப்பட்டுள்ளது.

இந்நிகழ்வில், சென்னையிலுள்ள காயலர்கள் உட்பட - வர வாய்ப்புள்ள அனைத்து காயலர்களும் பெருந்திரளாகக் கலந்துகொண்டு, நமது உரிமைக்காக குரல் கொடுக்க வருமாறு அன்போடு அழைக்கின்றோம். இந்நிகழ்ச்சி குறித்த விரிவான விபரங்கள் விரைவில் அறியத்தரப்படும்.

இவ்வாறு, காயல்பட்டினம் சுற்றுச்சூழல் பாதுகாப்பு அமைப்பு - KEPA சார்பில் வெளியிடப்பட்டுள்ள அறிக்கையில் தெரிவிக்கப்பட்டுள்ளது.

{TAGS} kepa dcw factory agitation procession pollution shop close bandh strike kadaiyadaippu kadai adaippu aarppaattam press meet public meeting resolutions tnpcb pollution control board chennai appeal to kayalites

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. ஒன்றாய் இணைந்து நின்று நம் கோரிக்கையை வெல்வோம்,.............
posted by SK Shameemul Islam (Chennai) [03 December 2012]
IP: 122.*.*.*

India | Comment Reference Number: 24335

ஒரு நல்ல முடிவு.

என்னையும் இம்மனுவளிப்பு நிகழ்வுக்குச் சேர்த்துக் கொள்ளுங்கள்.

ஒன்றாய் இணைந்து நின்று நம் கோரிக்கையை வெல்வோம், மாசற்ற, நோயற்ற, சுகாதாரமான காயலை உருவாக்குவோம். இன்ஷா அல்லாஹ்.