Kayal on the Web

செய்திகள்

செய்தி எண் (ID #) 9755

#KOTW9755

வெள்ளி, டிசம்பர் 7, 2012

DCW ஆலையின் விதிமீறல்களுக்கெதிரான போராட்டம்: விழிப்புணர்வு பொதுக்கூட்ட தீர்மானங்கள் மாவட்ட ஆட்சியர், மாசுக்கட்டுப்பாட்டு வாரியத்திடம் சமர்ப்பிப்பு!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 2606 முறை பார்க்கப்பட்டுள்ளது | வாசகர் கருத்துக்கள் காண (4) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் நகராட்சி எல்லைக்குள் இயங்கி வரும் DCW தொழிற்சாலையின் மாசு நிறைந்த அமிலக் கழிவுநீர் - அரசு சட்ட விதிகளுக்கு மாற்றமாக பன்னெடுங்காலமாக காயல்பட்டினம் கடற்பரப்பில் கலக்கப்பட்டு வருகிறது. நகரில் புற்றுநோயாளிகளின் எண்ணிக்கை நாளுக்கு நாள் அதிகரிப்பதற்கும், பலர் உயிரிழப்பதற்கும் இத்தொழிற்சாலையின் மாசுகளே முக்கிய காரணமாக இருக்கக் கூடும் என்று அஞ்சப்படுகிறது.

அரசின் மாசுக்கட்டுப்பாடு சட்ட விதிகளுக்கு மாற்றமாக செயல்பட்டு வரும் இத்தொழிற்சாலையின் சில பகுதிகளை மூடுமாறு, தூத்துக்குடி மாவட்ட மாசு கட்டுப்பாட்டு வாரியம் - தமிழ்நாடு மாசு கட்டுப்பாட்டு வாரியத்திற்கு பரிந்துரை செய்தும், இதுவரை அதன் மீது நடவடிக்கை எடுக்கப்படாததைக் கண்டித்தும், அரசின் மாசு கட்டுப்பாடு சட்ட விதிகளுக்கு மாற்றமாக செயல்பட்டு வரும் இத்தொழிற்சாலையைக் கண்டித்தும், அதன் மீது தகுந்த நடவடிக்கை எடுப்பது குறித்து மத்திய - மாநில அரசுகளின் கவனத்தை ஈர்க்கும் வகையிலும், நகரின் அனைத்து ஜமாஅத்துகள் - பொதுநல அமைப்புகள் - புறநகர் ஊர் நலக் கமிட்டியினர் ஆதரவுடன்,

29.11.2012 வியாழக்கிழமையன்று (நேற்று), காயல்பட்டினத்தில் ஒருநாள் அடையாள முழு கடையடைப்பு நடத்திடவும், காயல்பட்டினம் வள்ளல் சீதக்காதி திடலில் அன்று மாலை 04.30 மணிக்கு கண்டன ஆர்ப்பாட்டமும், இரவு 07.00 மணிக்கு பொதுக்கூட்டமும் நடத்திட தீர்மானிக்கப்பட்டிருந்தது. அதனடிப்படையில், அன்று காலை 06.00 மணி முதல் மாலை 06.00 மணி வரை காயல்பட்டினத்தில் முழு கடையடைப்பும், அதனைத் தொடர்ந்து, அன்று மாலை 04.30 மணியளவில் காயல்பட்டினம் வள்ளல் சீதக்காதி திடலில் கண்டன ஆர்ப்பாட்டமும், அன்று மாலை 06.00 மணியவில் செய்தியாளர் சந்திப்பு நிகழ்ச்சியும், அன்றிரவு 07.00 மணியளவில், காயல்பட்டினம் வள்ளல் சீதக்காதி திடலில் விழிப்புணர்வு பொதுக்கூட்டமும் நடைபெற்றது.

அதனைத் தொடர்ந்து, அடுத்தகட்ட நடவடிக்கைகள் குறித்து கலந்தாலோசிப்பதற்காக, 02.12.2012 அன்று நடைபெற்ற KEPAவின் பொதுக்குழுக் கூட்டத்தில், விழிப்புணர்வு பொதுக்கூட்டத்தின்போது நிறைவேற்றப்பட்ட தீர்மானங்களை, தூத்துக்குடியிலுள்ள மாவட்ட மாசு கட்டுபாட்டு வாரிய அலுவலகத்திலும், தூத்துக்குடி மாவட்ட ஆட்சியரிடமும் நேரில் சமர்ப்பிக்க தீர்மானிக்கப்பட்டிருந்தது.

அதனடிப்படையில், காயல்பட்டினம் சுற்றுச்சூழல் பாதுகாப்பு அமைப்பின் தலைவர் ஹாஜி எஸ்.எம்.எம்.ஸதக்கத்துல்லாஹ் என்ற ஹாஜி காக்கா தலைமையில், KEPA நிர்வாகிகள் மற்றும் அங்கத்தினர் அடங்கிய குழுவினர், 05.12.2012 புதன்கிழமையன்று மாலை 04.00 மணியளவில், தூத்துக்குடியிலுள்ள தமிழ்நாடு மாசு கட்டுப்பாட்டு வாரியத்தின் மாவட்ட அலுவலரிடம் தீர்மானங்களை சமர்ப்பித்தனர்.

அதனைத் தொடர்ந்து, அன்று மாலை 05.00 மணியளவில், தூத்துக்குடி மாவட்ட ஆட்சியரகத்தில், மாவட்ட ஆட்சியர் ஆஷிஷ் குமாரை - KEPA குழுவினர் நேரில் சந்தித்து, தீர்மான நகல்களை சமர்ப்பித்தனர்.

படங்கள்:
ஹாஃபிழ் M.M.முஜாஹித் அலீ,
துணைச் செயலாளர், KEPA.

{TAGS} kepa dcw factory agitation procession pollution shop close bandh strike kadaiyadaippu kadai adaippu aarppaattam collector ashish kumar pollution control board tnpcb

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...
posted by Vilack SMA (Nha Be , Vietnam) [07 December 2012]
IP: 14.*.*.*

Vietnam | Comment Reference Number: 24409

கேட்பாரற்று கிடந்த DCW பிரச்சினை , இப்போது KEPA மூலம் அனைத்து மட்ட அதிகாரிகளும் கேட்கும்படியாக ஆகியிருக்கிறது

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. நடிகை காலில் சிறு முள் குத்தியது படபிடிப்பு ரத்து...!
posted by நட்புடன் - தமிழன் முத்து இஸ்மாயில் (KAYALPATNAM ) [07 December 2012]
IP: 117.*.*.*

India | Comment Reference Number: 24410

நடிகை காலில் சிறு முள் குத்தியது படபிடிப்பு ரத்து...! இந்த செய்திகள் எல்லாம் நாளிதழ்களில் வருகிறது... ஒரு மாவட்டமே இந்த DCW வின் அமில கழிவால் அழிய தடுப்பதை மாவட்ட ஆட்சியர் அலுவலகம் சென்று புகார் மனு குறித்த தகவல்கள் நாளிதழ்களில் வருவது கிடையாதா... ? இதுவே நகர் மக்களின் கேள்வியாக உள்ளது...!

ஆட்சியர் அலுவலகம் சென்று புகார் மனு அளித்து வந்த நல் உள்ளம் கொண்ட அணைத்து சகோதரர்களுக்கும் வல்ல இறைவனின் சாந்தியும் சமாதானமும் உண்டாகட்டுமாக...

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:...
posted by K.D.N.MOHAMED LEBBAI (AL-KHOBAR) [07 December 2012]
IP: 46.*.*.*

Saudi Arabia | Comment Reference Number: 24413

அஸ்ஸலாமு அலைக்கும்

மாஷா அல்லாஹ்.. நம் ஊர் மக்களின் தீவீரமான எதிர்ப்பின் பலன் படிப்படியாக தமிழக அதிகாரிகளுக்கும் .....வெளி உலக மக்களுக்கும் தெரிய ஆரபித்து விட்டது. இதுவே நமக்கு முதல் வெற்றி தான்.....நமக்கு வெற்றின் விளிம்பு கண்முன் தெரிய ஆரபித்து விட்டது.

வல்ல இறைவன் இந்த >>KEPA <<அமைப்பின் அனைத்து உள்ளங்களையும் நலத்துடன் ...சிறப்பாகி வைத்து ....அவர்கள் ...>>DCW <<தொழிற்சாலை மீது எடுக்க கூடிய அனைத்து காரியங்களிலும் துணை நிர்பானாகவும் ஆமீன்....>>KEPA <<யுடன் நம் ஊர் மக்கள் + ஊர் அனைத்து நல்ல பெரிய உள்ளங்களும் / ஊர் அனைத்து அமைப்பு / ஜாமத்துக்களும் ......அரசியல் கட்சி நம் ஊர் தலைவர்களும் ஏன் இன்னும் >>KEPA << அமைப்புடன் ஓன்று சேர்ந்து ...கைகோர்த்து செல்லாமல் ...தயங்குவதற்கான காரணம் தான்....நமக்கு புரிவது இல்லை ??

இந்த கொடிய விஷம் கொண்ட >>DCW <<தொழிற்சாலையை ஒழிப்பதற்கு ...முதலில் நம்மிடம் கண்டிப்பாகவே ஒற்றுமை தேவை ...நாம் மற்ற மனஸ்தாபங்களை எல்லாம் ...நாம் மனதில் கொள்ளாமல் ...ஒற்றுமையுடன் ஓன்று சேர்ந்து போராடுவது தான் சால சிறந்தது...இந்த தலைமுறை .....அடுத்த தலைமுறைக்காவது நாம் ஓன்று பட்டு செயல் பட வேண்டாமா....

நம் மரியாதைக்குரிய >>KEPA << அமைப்பினர்களுக்கு தாழ்வான ஒரு வேண்டு கோள்... தங்களின் தீவிரமான செயல் பாட்டுக்கு நன்றி ...தாங்கள் இன்னும் நம் ஊர் & நம்மை சுற்றி உள்ள பகுதிகளிலும் ....மக்களிடம் விழிப்புணர்வை ....கடுமையாக்க வேணும்

நம் ஊரின் முக்கியமான அமைப்பான >>ஐக்கிய பேரவை << யின் தலைமையின் ஒத்துளைப்பையையும் தாங்கள் நாடுவதும் ரொம்பவும் நல்லதே.

இந்த போராட்டத்துக்கு நாம் நம் ஊரின் ''' அனைத்து கைகளையும் கோர்த்து ''' செல்வது தான்...சரி ...

தங்களின் அடுத்த கட்ட செயல் பாட்டின் வெற்றியை எதிர் நோக்கி உள்ளோம் ............. வஸ்ஸலாம்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

4. டிசம்பர் மாத பாட்டொலி காதுகளில் விழ துவங்கி விட்டது...!
posted by M.N.L.முஹம்மது ரபீக். (புனித மக்கா.) [08 December 2012]
IP: 176.*.*.*

Saudi Arabia | Comment Reference Number: 24423

எங்கிருந்தோ தொலைவில் ஒரு பாட்டு ஒலி என் காதுகளில் மெல்ல விழுகின்றது...தட்டுங்கள் திறக்கப்படும் கேளுங்கள் கொடுக்கப்படும் தேடுங்கள் கிடைக்குமென்றார்....கேளுங்கள் கிடைக்குமென்றார். ஓஹோ இது டிசம்பர் மாசமோ அப்ப கேட்கத்தான் செய்யும்! வரும் புத்தாண்டு பரிசாக நம் தூத்துக்குடி தென் பகுதி மக்களுக்கு நல்ல சேதி விரைவில் கிடக்கும். -ராபியா மணாளன்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்