{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் மஹ்ழரா அரபிக்கல்லூரியின் முதல்வர் மவ்லவீ எஸ்.எஸ்.கலந்தர் மஸ்தான் ரஹ்மானீ காதிரீ (மஸ்தான் ஹஸ்ரத்) - இன்று நள்ளிரவு 02.00 மணியவில் சென்னையில் காலமானார். அவருக்கு வயது 72.

21.12.2012 வெள்ளிக்கிழமை (இன்று) காலை 09.00 மணியளவில் கடையநல்லூர் புதுப்பள்ளியில் ஜனாஸா தொழுகை நடத்தப்பட்டு, அதன் பின்னர் அன்னாரின் ஜனாஸா நல்லடக்கம் செய்யப்பட்டது.

அன்னாரின் மறைவை முன்னிட்டு, காயல்பட்டினம் நஸூஹிய்யா மத்ரஸாவில் 22.12.2012 சனிக்கிழமை மாலை 04.30 மணியளவில் இரங்கல் கூட்டம் நடத்தப்பட்டது.

அஹ்மத் நெய்னார் பள்ளியின் முத்தவல்லி ஹாஜி எஸ்.கே.இசட்.ஆப்தீன் தலைமை தாங்கினார். மஹ்ழரா அரபிக்கல்லூரி - மஹ்ழரத்துல் காதிரிய்யா சபையின் செயலாளர் ஹாஜி எம்.ஏ.எஸ்.அபூதல்ஹா முன்னிலை வகித்தார்.

கத்தீப் மவ்லவீ ஹாஃபிழ் கே.ஏ.அஹ்மத் அப்துல் காதிர் மஹ்ழரீ இரங்கல் உரையாற்றினார். நஸூஹிய்யா மத்ரஸாவின் ஒருங்கிணைப்பாளர் ஹாஜி எம்.எல்.ஷேக்னா லெப்பை நன்றி கூற, துஆவுடன் கூட்டம் நிறைவுற்றது.

இந்நிகழ்ச்சியில் சுமார் 50 பெண்கள் கலந்துகொண்டனர். முன்னதாக, கத்முல் குர்ஆன் ஓதப்பட்டு, மறைந்த மார்க்க அறிஞரின் பெயரில் ஈஸால் தவாப் செய்யப்பட்டது.