{ முகநூல் கருத்துக்கள்}{ட்விட்டர் கருத்துக்கள்}

01.01.2013-ஐ தகுதியேற்படுத்தும் நாளாகக் கொண்டு இறுதி வாக்காளர் பட்டியல் ஜனவரி 10 அன்று அனைத்து வாக்காளர் பதிவு அதிகாரிகளாலும் வெளியிடப்பட்டது. தூத்துக்குடி மாவட்டத்தின் வாக்காளர் விபரத்தை மாவட்ட ஆட்சியர் ஆசிஸ் குமார் IAS வெளியிட்டார்.

1.1.2013-ஐ தகுதியேற்படுத்தும் நாளாகக் கொண்டு சட்டப்பேரவைத் தொகுதி வாக்காளர் பட்டியல்களின் சிறப்புச் சுருக்கமுறை திருத்தத்தினை இந்தியத் தேர்தல் ஆணையம் - தமிழகம் முழுவதும் அக்டோபர் 1 அன்று துவங்கியது. வெளிநாட்டில் வாழும் இந்தியக் குடிமக்களின் பெயர்கள் வாக்காளர் பட்டியலில் சேர்க்கப்பட, சம்பந்தப்பட்ட வாக்காளர் பதிவு அதிகாரியிடம் படிவம் 6A நேரில் அளிக்கப்படவேண்டும் என்றும் அறிவிக்கப்பட்டிருந்தது.

ஜனவரி 10 அன்று வெளிவந்த வாக்காளர் பட்டியலில் - துபையில் பணிபுரியும் அப்பாபள்ளி தெருவை சார்ந்த காயலரின் பெயரும் (பிரிவு 99 இன் கீழ்) இடம்பெற்றுள்ளது.



திருச்செந்தூர் சட்டமன்ற தொகுதி - காயல்பட்டினம் வாக்காளர் பட்டியலின் முழு விபரம் - 23 பாகங்களாக காயல்பட்டணம்.காம் இணையதளத்தின் பிரத்தியேக பக்கத்தில் (தகவல் மையம்) - வெளியிடப்பட்டுள்ளது. அதனை காண இங்கு அழுத்தவும் >>

இவ்வசதி மூலம் காயல்பட்டினம் வாக்காளர்கள் - தங்கள் பெயர் இணைக்கப்பட்ட, நீக்கபப்ட்ட, திருத்தப்பட்ட விபரங்களை காணலாம்.