Kayal on the Web

செய்திகள்

செய்தி எண் (ID #) 10013

#KOTW10013

வியாழன், ஐனவரி 24, 2013

இந்திய ஹஜ் குழு மூலம் வாழ்நாளில் ஒருமுறைதான் ஹஜ் பயணம்; இவ்வாண்டுக்கான விண்ணப்பங்கள் பிப்ரவரி 6 முதல் விநியோகம்!

செய்தி: காயல்பட்டணம்.காம்
இந்த பக்கம் 3691 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

இந்திய ஹஜ் குழு மூலம் ஹஜ் பயணம் மேற்கொள்ள விரும்புவோர் - ஒரு முறைதான் பயணம் மேற்கொள்ள முடியும். இந்திய வெளியுறவுத்துறை அமைச்சகத்தின் அறிவுரையை தொடர்ந்து இந்திய ஹஜ் குழு, இந்த முடிவை எடுத்துள்ளது. ஐந்தாண்டுக்கு ஒருமுறை என்றிருந்த விதிமுறை தற்போது இவ்வாறு மாற்றப்பட்டுள்ளது. இந்த முடிவினால் - இந்திய அரசாங்கத்தின் மானியம் ஒருவருக்கு ஒரு முறை தான் சென்றடையும். மேலும் - புதிதாக பலருக்கு ஹஜ் பயணம் மேற்கொள்ள வாய்ப்பு கிடைக்கும் என இந்திய ஹஜ் குழு சார்பில் தெரிவிக்கப்பட்டுள்ளது.

இவ்வாண்டிற்கான (1434/2013) ஹஜ் பயண விண்ணப்பங்கள் - பிப்ரவரி 6 முதல் மார்ச் 20 வரை மாநில ஹஜ் குழுக்கள் மூலம் வழங்கப்படவுள்ளது. குறிப்பிடப்பட்டுள்ள தேதிகளில் காலை 10 மணி முதல் மாலை 3 மணி வரை நிரப்பப்பட்ட விண்ணப்பங்கள் பெறப்படும்.

அனைத்து விண்ணப்பதாரர்களுக்கும் பாஸ்போர்ட் அவசியம் என அரசு அறிவித்துள்ளது. மேலும் - ஹஜ் 1434/2013 க்கு விண்ணப்பம் செய்வோரின் பாஸ்போர்ட் மார்ச் 31, 2014 வரை செல்லத்தக்கதாக இருக்க வேண்டும் எனவும் அறிவுறுத்தப்பட்டுள்ளது.

விண்ணப்பத்துடன் அடையாள அட்டை (விலாசத்துடன்) நகல், IFS Code கொண்ட ரத்து செய்யப்பட்ட காசோலை, 300 ரூபாய் செலுத்தியதற்கான SBI வங்கி ரசீது, மருத்துவ சான்றிதழ்கள் ஆகியவை இணைக்கப்படவேண்டும்.

[செய்தி திருத்தப்பட்டது @ 22:00/24.01.2012]

{TAGS} haj hcoi haj committee hijri 1434

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...ஹஜ் புனித பயணம் ஆயுளில் ஒரு murai
posted by mackie noohuthambi (kayalpatnam) [24 January 2013]
IP: 117.*.*.*

India | Comment Reference Number: 25206

ஆயுளில் ஒருமுறையாவது செல்ல வேண்டும் என்றுதான் இஸ்லாம் சொல்கிறது. ஆயுளில் ஒருமுறைதான் செல்ல வேண்டும் என்று ஹஜ் கமிட்டியோ இந்திய அரசோ சொன்னால் அது ஷரீஅதுக்கு மாற்ற மானதல்லாவா? சவுதி அரசு 5 வருடத்துக்கு ஒருமுறைதான் வரவேண்டும் என்று சொல்வதும்கூட, மக்களுக்கு எல்லா வசதிகளும் செய்து கொடுக்க சிரமமாக இருக்கிறது என்பதால்தான். அதுவும் சவுதி அரசு செய்வதெல்லாம் இஸ்லாமிய ஷரியத்படிதான் நடக்கிறது என்று சொல்லிவிடவும் முடியாது.

சமீபத்தில் இலங்கை சகோதரிக்கு நடந்தது ஷரியத் சட்டப்படி என்று வாதிட முடியாது. இப்படி மனிதன் என்ற நிலையில் பல விஷயங்கள் பலஹீனமாக உள்ளது. கூட்டி கழித்து பார்த்தால் ஆட்சியாளர்கள் கையில் மார்க்கம் சிக்கி கொண்டது. அவர்கள் நினைத்ததை நடத்தி முடிக்கிறார்கள்.

மறுபக்கம் பொது மக்களும் அடிக்கடி ஹஜ் செய்வதை இப்போது ஒரு உல்லாச பயணம்போல் ஆக்கி, அதற்கு நிறைய ஏஜண்டுகளும் வந்து மார்கெட்டில் வியாபாரம் கொடி கட்டி பறக்கிறது, ஏமாற்று வேலைகள் அல்லாஹ்வின் பெயரால், ஹஜ்ஜின் பெயரால் அரங்கேறி கொண்டிருக்கிறது. இறை நம்பிக்கை. இறை அச்சம் எல்லோரிடமும் காணாமல் போய்விட்டதால் இந்த நிலை ஏற்பட்டுள்ளது. அல்லாஹ் போதுமானாவன்.அவனே மிக அறிந்தவன்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. ஷரீஅத்துக்கு மாற்றமில்லை.
posted by Kona Shamsuddeen (Pallavaram, Chennai) [25 January 2013]
IP: 89.*.*.*

Qatar | Comment Reference Number: 25208

இந்திய ஹஜ் குழு (அரசு ஹஜ் கமிட்டி) ""மூலம்"" (குறைந்த செலவில் ஹஜ் யாத்திரை மானியத்துடன்) வாழ்நாளில் ஒரு முறை தான் ஹஜ் செய்ய அனுமதி. தனியார் ஹஜ் குழு மூலம் எத்தனை முறை வேண்டுமானாலும் ஹஜ் செய்யலாம். தடை இல்லை.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. மாற்றபட்டுள்ளதே!
posted by ஹைதுரூஸ் ஆதில் (கோழிக்கோடு-கேரளா) [20 March 2013]
IP: 122.*.*.*

India | Comment Reference Number: 26375

பூர்த்தி செய்த விண்ணப்பங்களை கொடுக்க கடைசி நாள் இன்று என்று இருந்தது. அது கேரளத்தில் 30-03-2013 என்று மாற்றபட்டுள்ளதே. தமிழகத்தில் அப்படி இல்லையா? விசாரித்து கொள்ளுங்கள்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்