{ முகநூல் கருத்துக்கள்}{ட்விட்டர் கருத்துக்கள்}

இந்தியாவின் 64ஆவது குடியரசு தினம், இம்மாதம் 26ஆம் தேதி சனிக்கிழமை நாடெங்கும் கொண்டாடப்படுகிறது.

குடியரசு தினத்தையொட்டி, காயல்பட்டினம் நகராட்சியில், நகர்மன்றத் தலைவர் ஐ.ஆபிதா ஷேக் தேசிய கொடியேற்றுகிறார்.

அதுபோல, காயல்பட்டினத்திலுள்ள கல்லூரி மற்றும் பள்ளிக்கூடங்களிலும், இந்திய யூனியன் முஸ்லிம் லீக் காயல்பட்டினம் நகர கிளை அலுவலகமான தியாகி பி.எச்.எம்.முஹம்மத் அப்துல் காதிர் மன்ஸிலிலும், நகர பொதுநல அமைப்புகள் சிலவற்றின் அலுவலகங்களிலும் - குடியரசு தினத்தை முன்னிட்டு தேசிய கொடி ஏற்றப்படவுள்ளது.

காயல்பட்டினம் மகாத்மா காந்தி ஞாபகார்த்த வளைவு அருகில் குடியரசு தினத்தன்று காலையில் கராத்தே சாகச நிகழ்ச்சி நடைபெறவுள்ளது. இந்நிகழ்ச்சியையொட்டி, மகாத்மா காந்தி ஞாபகார்த்த வளைவு வண்ண மின் விளக்குகளால் அலங்கரிக்கப்பட்டுள்ளது.