Kayal on the Web

செய்திகள்

செய்தி எண் (ID #) 10191

#KOTW10191

செவ்வாய், பிப்ரவரி 12, 2013

IUDM திட்டத்தின் கீழான Dumper Placer வாகனம் நகராட்சி வந்தடைந்தது!

செய்தி: காயல்பட்டணம்.காம்
இந்த பக்கம் 2865 முறை பார்க்கப்பட்டுள்ளது | வாசகர் கருத்துக்கள் காண (7) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 1)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

தமிழக அரசின் IUDM திட்டத்தின் கீழ் (2011-12) காயல்பட்டின நகராட்சியில் - 50 லட்ச ரூபாய் மதிப்பீட்டிலான திடக்கழிவு மேலாண்மை குறித்த டெண்டர் மார்ச் 2012 இறுதியில் அறிவிக்கப்பட்டது. ஏப்ரல் மாதம் 10 ஆம் தேதி திறக்கப்படும் என்று முதலில் அறிவிக்கப்பட்ட அந்த டெண்டர் அறிவிப்பில் பல விதிமுறைகள் பின்பற்றப்படவில்லை. அதனால் பலமுறை ஒத்திவைக்கப்பட்ட டெண்டர், இறுதியாக மே 23, 2012 அன்று நடந்தது.

இத்திட்டம் மூலமாக கீழ்க்காணும் பொருட்கள் கொள்முதல் செய்ய - நகர்மன்றம் மூலம் - முன்னரே அனுமதி வழங்கப்பட்டிருந்தது.

1. டம்பர் பிளேசர் தொட்டி 45 எண்ணம் வாங்குதல் - ரூ.24,75,000 (ஓர் எண்ணம் – ரூ 55,000)

2. புஷ்காட் 48 எண்ணம் வாங்குதல் - ரூ.7,08,000 (ஓர் எண்ணம் – ரூ 14,750)

3. டம்பர் பிளேசர் வாகனம் 1 எண்ணம் வாங்குதல் - ரூ.8,50,000

4. டம்பர் பிளேசர் வாகனம் பொருத்த இகாமட் வாகனம் 1 எண்ணம் வாங்குதல் - ரூ.9,67,000

மொத்தம் ரூ.50,00,000

டம்பர் பிளேசர் வாகனம் பொருத்த இகாமட் வாகனம் (Chassis) தவிர அனைத்து பொருட்களுக்கும் டெண்டர் விடப்பட்டது. இறுதியாக பெறப்பட்ட ஒப்பந்தபுள்ளிகள் - மதிப்பீட்டை விட 12 லட்சம் ரூபாய்க்கு குறைவாக அமைந்தன.

இடையில் மூன்று மாதங்கள் நகர்மன்றக் கூட்டங்கள் நடைபெறாததால் - ஒப்பந்தபுள்ளிகளுக்கு, அக்டோபர் மாதம் நடந்த சாதாரண கூட்டத்தில் ஒப்புதல் வழங்கப்பட்டது.

நகராட்சி பொறியாளரால் ரூபாய் 8,50,000 என மதிப்பிடப்பட்ட Vehicle Body Building, மகாவிஷ்ணு லேசர் இண்டஸ்ட்ரீஸ், கோயம்பத்தூர் நிறுவனத்தால் 499,000 ரூபாய்க்கு டெண்டர் எடுக்கப்பட்டது.

9,67,000 ரூபாய் என மதிப்பிடப்பட்ட டம்பர் பிளேசர் பொருத்த இகாமட் வாகனம் 9,16,000 ரூபாய்க்கு அரசு Directorate General of Supplies & Disposals (DGS&D) கட்டணத்தில் வாங்கப்பட்டுள்ளது.

தற்போது முழுவதுமாக பொருத்தப்பட்ட இந்த வாகனம் நகராட்சி வந்தடைந்துள்ளது.

{TAGS} iudm swm solid waste management dumper placer vehicle tender

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. விபத்துகள் ஏற்பட்டுவிடக்கூடாதே...
posted by N.S.E. மஹ்மூது ( காயல்பட்டணம் ) [13 February 2013]
IP: 117.*.*.*

India | Comment Reference Number: 25488

அஸ்ஸலாமு அலைக்கும் (வரஹ்).

டம்பர் பிளேசர் வாகனம் நகராட்சிக்கு வந்துவிட்டது என்பது நல்ல செய்திதான்.

டம்பர் பிளேசர் தொட்டி 45 எண்ணம் வந்துவிட்டதா ? அல்லது எப்போது வரும்! – விரைவில் வருமா?

------------------------------------

மக்களுக்கு நல்ல சேவை செய்யவேண்டும் – ஊர் சுத்தமாக இருக்க வேண்டும் என்பதற்காக அதிக செலவில் இந்த வாகனமும் , தொட்டிகளும் வாங்கப்படுகிறது – இது நல்ல விசயம்தான் அதில் குறைகூற ஏதுமில்லை.

ஆனால் இந்த வாகனத்தை இயக்குவதற்கு தேர்ச்சிப் பெற்றவர்கள் இருக்கிறார்களா – தேர்ச்சி பெறாதவர் எவரும் இந்த வாகனத்தை இயக்குவது முறையன்று.

என்னுடைய முதலாவது கவலை வாகனம் நாசமாகிவிடுமே என்பதல்ல – விபத்துகள் ஏற்பட்டுவிடக்கூடாதே என்பதுதான் இரண்டாவது கவலை வாகனத்தை பற்றியது.

------------------------------------------

தேர்ச்சி பெறாதவர்கள் அல்லது கவனக்குறைவாக இயக்கினால் இந்த டம்பர் பிளேசர் தொட்டி தவறி விழுந்து உயிர் பலி ஏற்படும் என்பதை எச்சரிக்கை செய்ய விரும்புகிறேன்.

மேலும் இந்த டம்பர் பிளேசர் தொட்டிகளை அவசியப்பட்ட / தேவையான / பொருத்தமான இடங்களில்தான் வைக்க வேண்டுமே தவிர – வேண்டப்பட்டவர்கள் / விருப்பப்பட்டவர்கள் என்பதற்காக அவர்கள் இடத்தில் வைப்பது முறையாகாது.

அந்த வாகனத்தை நிறுத்தி அந்த தொட்டிகளை ஏற்ற, இறக்க வசதிகளையும் போக்குவரத்துக்கு வழிவகைகளையும் செய்ய வேண்டி இருப்பதால் , அவைகளுக்கு தக்கவாறு இடங்களை தேர்ந்தெடுத்து வைப்பதே நன்மையை தரும்.

---------------------------------------------------

நகர்மன்ற நிர்வாகத்தினர் இந்த வாகனத்தை உபயோகப்படுத்துவதில் அவசரப்பட வேண்டாம். தேர்ச்சிப் பெற்ற ஆப்பரேட்டர்கள் கிடைக்கும் வரை காத்திருந்து, கிடைத்த பின் அந்த வாகனத்தை உபயோகப்படுத்துவது நன்று. வஸ்ஸலாம்.