{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் சதுக்கைத் தெரு - பெரிய சதுக்கை வளாகத்திலியங்கி வரும் அல்அமீன் இளைஞர் நற்பணி மன்றத்தின் 25ஆம் ஆண்டு வெள்ளி விழாவை முன்னிட்டு, வரும் மார்ச் மாதம் 03ஆம் தேதியன்று, சிறுவர்களுக்கான பேச்சுப்போட்டி நடைபெறுமென அறிவிக்கப்பட்டுள்ளது.

இதுகுறித்து, அவ்வமைப்பின் சார்பில் இன்று வெளியிடப்பட்டுள்ள அறிக்கை வருமாறு:-

அன்புடையீர், அஸ்ஸலாமு அலைக்கும் வரஹ்...

எமது அல்அமீன் இளைஞர் நற்பணி மன்றத்தின் வெள்ளி விழா நிகழ்ச்சிகளின் முதல் நிகழ்ச்சியாக, ‘மாநபியின் மாண்புகள்’ என்ற தலைப்பில், 15 வயதுக்குட்பட்ட சிறுவர்களுக்கான (ஆண்கள்) பேச்சுப்போட்டி, 03.03.2013 ஞாயிற்றுக்கிழமையன்று மதியம் 02.00 மணியளவில், அல்அமீன் இளைஞர் நற்பணி மன்ற வளாகத்தில் நடைபெறவுள்ளது.

இப்போட்டியில், ஆர்வமுள்ள சிறுவர்கள் அனைவரும் பங்கேற்க வருமாறு அன்புடன் அழைக்கிறோம். போட்டியில் பங்கேற்கும் அனைத்து சிறுவர்களுக்கும் பரிசுகள் உண்டு என்பதையும் மகிழ்வுடன் அறியத் தருகிறோம்.

இப்போட்டியில் கலந்துகொள்வதற்கான விண்ணப்பப் படிவங்களை, சதுக்கைத் தெருவிலுள்ள அல்அமீன் மினி மார்க்கெட்டில் அணுகி பெற்றுக்கொள்ளலாம்.

பெண்களுக்கான பேச்சுப்போட்டி குறித்த அறிவிப்பு இன்ஷாஅல்லாஹ் விரைவில் அறிவிக்கப்படும்.

இவ்வாறு, அல்அமீன் இளைஞர் நற்பணி மன்றத்தின் சார்பில் வெளியிடப்பட்டுள்ள அறிக்கையில் தெரிவிக்கப்பட்டுள்ளது.

தகவல்:
வாவு K.A.ஷாஹுல் ஹமீத்
செய்தித் தொடர்பாளர்
அல்அமீன் இளைஞர் நற்பணி மன்றம்
காயல்பட்டினம்

Administrator: செய்தி திருத்தப்பட்டது @ 6:05pm/26.2.2013