{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் குத்துக்கல் தெருவில் இயங்கி வரும் ரஹ்மத்துன் லில் ஆலமீன் மீலாது பேரியம் மற்றும் பொதுநலப் பேரவையின் சார்பில் வரும் ஜூன் மாதம் 12ஆம் தேதியன்று மீலாத் விழா நடத்தவும், அவ்விழாவில் சன்மார்க்கப் போட்டிகள் நடத்தி - அதில் பங்கேற்றோருக்கு பரிசுகள் வழங்கவும், இக்ராஃ கல்விச் சங்கம் மூலம் 4 மாணவர்களுக்கு கல்வி உதவித்தொகை வழங்கவும் தீர்மானிக்கப்பட்டுள்ளது.

இதுகுறித்து அவ்வமைப்பின் சார்பில் வெளியிடப்பட்டுள்ள அறிக்கை வருமாறு:-

பேரன்புடையீர்,அஸ்ஸலாமு அலைக்கும்

எமது ரஹ்மத்துன்-லில் ஆலமீன் மீலாது பேரியத்தின் வருடாந்திர பொதுக்குழு கூட்டம், 26.02.2012 செவ்வாய்க்கிழமை இஷாவிற்கு பின் சென்னை,மண்ணடி,ஈத்கா பள்ளி சமீபம்,சுல்தான் தெருவில் உள்ள மூத்த உறுப்பினர் ஹாஜி,பாலப்பா,ஏ.கே.முஹம்மது யாசின் இல்லத்தில் வைத்து நடைபெற்றது.



ஜனாப்,தோல்ஷாப்,எம்.எல்.செய்யது உமர் கூட்டத்திற்குத் தலைமை தாங்கினார். ஹாஜி,பாலப்பா,ஏ.கே.முஹம்மது யாசின் முன்னிலை வகித்தார்.

ஹாஜி,தோல்ஷாப்,எம்.எல்.முஹ்யித்தீன் அப்துல் காதிர் கிராஅத் ஓதி கூட்டத்தைத் துவக்கி வைத்து அனைவரையும் வரவேற்றதோடு, அமைப்பின் செயல்பாடுகள் குறித்து விளக்கிப் பேசினார்.

மேலும் வெளியூர்,வெளிநாடுகளிலுள்ள அமைப்பின் நிர்வாகிகள் மற்றும் ஆர்வலர்களிடம் அலைபேசிகள் மூலம் கருத்துக்கள் கேட்டறியப்பட்டது.

வெளிநாடுகளிலிருந்து நல்லமுறையில் நல்லாதரவுகள் தொடர்ந்து அளித்து வரும் எமது பேரியத்தின் செயற்குழு உறுப்பினர்களான அன்புக்குரிய

சிங்கப்பூர்--பொறியாளர்கள்,ஹாஜி,எம்.எம்.மொஹ்தூம் முஹம்மது,ஹாஜி,எம்.எ.கே.ஷேக்னா லெப்பை,
ஹாங்காங்--ஹாஜி,எம்.எ.கே.அப்துல் பத்தாஹ், ஹாஜி கூஸ்,பி.அப்துல் காதர்,
பாங்காங்--ஜனாப்,வி.எஸ்.எஸ்.பஜுல் கரீம்,
துபாய்--ஹாஜி கே.எஸ்.டிஅஹ்மது லெப்பை, ஜனாப்,எஸ்.எம்.டி.முஹம்மது ஹசன்,
அபுதாபி--ஜனாப்,வாவு.எஸ்.ஐ.முஹம்மது ஹசன்,

பஹ்ரைன்--ஹாஜி,வி.எஸ்.எஸ்.ஜாகிர் ஹுசைன்
குவைத்--ஜனாப்,எஸ்.எம்.டி.மொஹ்தூம் முஹம்மது.
ஜித்தா--ஹாஜி,சட்னி,எஸ்.எ.கே.முஹம்மது உமர் ஒலி, ஹாஜி,கே.எஸ்.டி.முஹம்மது அஸ்லம்,
புனிதமக்கா--ஹாஜி,விளக்கு எம்.டி.முஹம்மது அலி (வி.பி) மற்றும்
அமெரிக்கா--ஜனாப்,கே.எஸ்.டி.யாசர் அரபாத்,

மற்றும் உறுப்பினர்கள் அனைவர்களுக்கும் நல்லாதரவும்,ஆலோசனைகளும் வழங்கி வரும் உள்ளூர், வெளியூர் மற்றும் வெளிநாடுகளில் வாழும் கொடையுள்ளம் கொண்ட தயாளர்கள்,பெரியோர்கள் மற்றும் நண்பர்களுக்கும் மனமார்ந்த நன்றிகளை தெரிவித்தும் இதுபோல் தொடர்ந்து தங்களது பங்களிப்பை தாராளமாக செய்வதுடன் இனிய இவ்விழாவில் கலந்து சிறப்பித்து தருமாறும் மிக்க அன்புடன் வேண்டி விரும்பி அழைக்கின்றோம்.

அகிலத்திற்கோர் அருட்கொடை அண்ணலெம் பெருமானார் முஹம்மது நபி ஸல்லல்லாஹு அலைஹிவஸல்லம் அவர்களின் பிறந்ததின மீலாது பெருவிழா மற்றும் பேரியத்தின் 29-ஆம் ஆண்டு விழாவை, இன்ஷாஅல்லாஹ் எதிர்வரும் 12-06-2013 (ஹிஜ்ரி1434 ஷஃபான் 02) புதன்கிழமையன்று கீழ்க்காணும் நிகழ்முறை விளக்கப்படி நனிசிறப்புடன் நடத்திட ஒருமனதாக இக்கூட்டத்தில் முடிவு செய்யப்பட்டது:-

காலை 07: 00 ,மணி, கிராஅத் அடுத்து சுன்னத் எனும் கத்னா வைபவம்.
08:00 மணி, பூமான் நபியின் புகழ் கூறும் புனித மவ்லிது மஜ்லிஸ்.
10:00 மணி, இளம் ஹாபிழ்களுக்கான இனிய ஹிஃப்ழ் போட்டி.
மாலை 05:00 மணி, இளம் மாணவர்களுக்கான இனிய சன்மார்க்க பேச்சுப்போட்டி.
இரவு 07:00 மணி முதல் இஸ்லாமிய சன்மார்க்க சிறப்பு சொற்பொழிவு மஜ்லிஸ்

நிகழ்வில் நாடறிந்த நாவலரும்,தலைசிறந்த சொற்பொழிவாளரும், சென்னை அடையாறு ஜும்ஆ பள்ளியின் இமாமுமான மவ்லவீ அல்ஹாஜ் ஸதீதுத்தீன் ஆலிம் பாக்கவீ அவர்களும் சிறப்புரையாற்றிட உள்ளர்கள்.

பின்னர் போட்டிகளில் கலந்து வெற்றி பெற்ற மற்றும் இதற்கு முனைந்த அனைவருக்கும் கண்கவர் பரிசுகளின் பரிசளிப்பு நிகழ்ச்சியும்,எமது பேரியத்தின் முத்தாய்ப்பு நிகழ்வான உயர் கல்விக்கான உதவித்தொகை கடந்த ஆண்டுகளைப் போல் இந்த வருடமும் உலக காயல்நல மன்றங்களின் கல்வித்துறை கூட்டமைப்பான இக்ராஃ கல்விச் சங்கத்தின் மூலமாக தலா ஐந்து ஆயிரம் ரூபாய் வீதம் நான்கு பயனாளிகளுக்கு மொத்தம் இருபது ஆயிரம் ரூபாய் இந்நிகழ்ச்சியில் வழங்கப்படவுள்ளது.

பாத்திஹா துஆவுடன் இப்புனிதமிகு நிகழ்வு இனிதே நிறைவு பெறும், இன்ஷாஅல்லாஹ்.

விழாவிற்கான ஏற்பாடுகள் அனைத்தும் இப்பொழுதிலிருந்தே துவக்கி சிறப்புற செய்திட கூட்டத்தில் பங்கேற்ற அனைவராலும் தீர்மானிக்கப்பட்டது. நிகழ்ச்சியின் நிகழ்முறை விளக்க நோட்டீஸ் விழா நெருக்கத்தில் வெளியிடப்படும்.

ஜனாப்,பாலப்பா,எம்.எஸ்.கே.முஹம்மது இப்றாஹீம் நிறைவாக நன்றி நவில ஹாஜி தோல்ஷாப் எம்.எல்.முஹ்யித்தீன் அப்துல் காதிர் பாத்திஹா துஆ ஸலவாத்துடன் அமைப்பின் வருடாந்திர பொதுக்குழுக் கூட்டம் இனிதே நிறைவுற்றது.அல்ஹம்துலில்லாஹ்.

கூட்ட ஏற்பாடுகளை ஜனாப்,பாலப்பா,ஏ.கே.மெய்தீன் அப்துல் காதிர், ஜனாப்,ஹனீபா ஆகியோர் சிறப்புற செய்திருந்தனர்.

இதனை தொடர்ந்து புனிதமிகு மக்கா நகரில் அசிசியா பகுதியில் உள்ள ஹாஜி,விளக்கு,எம்.டி.முஹம்மது அலி (வி பி) இல்லத்தில் வைத்து கடந்த 08-03-13 வெள்ளி ஜும்மாவிற்கு பின் பொது நலச்சேவகர் ஹாஜி.எ.கே.கலீல் ஜெஸ்மின் அவர்களின் முன்னிலையில் பேரிய உறுப்பினர்களின் கலந்துரையாடல் நிகழ்வு நடைபெற்றது.



சென்னையில் நடைபெற்ற கூட்டத்தில் முடிவு செய்துள்ளபடி இவ்வருடத்தின் நிகழ்ச்சியை மிகசிறப்புடன் நடத்திடவும், இதனை அடுத்து வரும் பேரியத்தின் 30-ஆவது ஆண்டு விழாவை இன்ஷா அல்லாஹ் மிகவிமரிசையாக நடத்திட முழு ஒத்துழைப்பும், ஆதரவும் அளித்திடவும்,எல்லா வகைகளிலும் தொடர்ந்து எங்களை ஊக்குவித்து வரும் அனைத்து நல்லுள்ளங்களுக்கும் நெஞ்சம் நிறைந்த நன்றிகளை தெரிவித்து கொண்டார்கள்.

இனிய இந்நிகழ்வில் ஹாஜி,சட்னி,எஸ்.எ.கே.செய்யது மீரான், ஹாஜி,விளக்கு எம்.டி.முஹம்மது அலி (வி.பி) ஹாஜி,சட்னி,எஸ்.எ.கே.முஹம்மது உமர் ஒலி, ஹாஜி,கே.எஸ்.டி.முஹம்மது அஸ்லம், மற்றும் ஜனாப்,வாவு.எஸ்.ஐ.ஹசன் ஆகியோர் கலந்து கொண்டார்கள்.

இவ்வாறு ரஹ்மத்துன் லில் ஆலமீன் மீலாது பேரியம் மற்றும் பொதுநலப்பேரவை சார்பாக வெளியிடப்பட்டுள்ள அறிக்கையில் தெரிவிக்கப்பட்டுள்ளது.

தகவல் & படங்கள்:
சட்னி S.A.K.செய்யது மீரான்,
ஆசிரியர்.Z.A.செய்கு அப்துல் காதர்.

[செய்தியில் சிறு திருத்தம் செய்யப்பட்டுள்ளது @ 12:44 / 13.03.2013]