{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் ஐக்கிய விளையாட்டு சங்கம் சார்பில், மவ்லானா அபுல் கலாம் ஆஸாத் நினைவு சுழற்கோப்பைக்கான அகில இந்திய கால்பந்துப் போட்டிகள், இம்மாதம் 12ஆம் தேதி துவங்கி, 30ஆம் தேதி வரை நடைபெறுகிறது.

இதுகுறித்து, ஐக்கிய விளையாட்டு சங்க செயலாளர் பி.எஸ்.எம்.இல்யாஸ் இன்று வெளியிட்டுள்ள அறிக்கை வருமாறு:-

எமது ஐக்கிய விளையாட்டு சங்கத்தின் மூலம் ஆண்டுதோறும் நடத்தப்பட்டு வரும் மவ்லானா அபுல் கலாம் ஆஸாத் நினைவு சுழற்கோப்பைக்கான அகில இந்திய கால்பந்து சுற்றுப்போட்டியின் நடப்பாண்டு போட்டிகள், இம்மாதம் 12ஆம் தேதி துவங்கி, 30ஆம் தேதி வரை, கீழ்க்காணும் நிரல் படி நடைபெறுகிறது:-



தூத்துக்குடி மாவட்ட கால்பந்துக் கழகம் (TDFA) ஆதரவுடனும், தமிழ்நாடு கால்பந்துக் கழகம் (TNFA) மற்றும் அனைத்திந்திய கால்பந்து சம்மேளனம் (AIFF) ஆகியவற்றின் அனுமதியோடும் நடைபெறவிருக்கும் இச்சுற்றுப்போட்டியில், தமிழ்நாடு, கேரளா, கர்நாடகா, மஹாராஷ்ட்ரா மாநிலங்களைச் சேர்ந்த தலைசிறந்த கால்பந்து அணிகள் பல கலந்துகொள்கின்றன.

நடைபெறும் போட்டிகளைக் கண்டுகளிக்க, அனைவரும் ஆர்வத்துடன் வருகை தருமாறு உங்கள் யாவரையும் அன்புடன் அழைக்கின்றோம்.

இவ்வாறு, ஐக்கிய விளையாட்டு சங்க செயலாளர் பி.எஸ்.எம்.இல்யாஸ் தனதறிக்கையில் கேட்டுக்கொண்டுள்ளார்.