{ முகநூல் கருத்துக்கள்}{ட்விட்டர் கருத்துக்கள்}

வி-யுனைட்டெட் ஸ்போர்ட்ஸ் க்ளப் சார்பில் ஆண்டுதோறும் - காயல் ப்ரீமியர் லீக் - கே.பி.எல். க்ரிக்கெட் போட்டிகள் நடத்தப்பட்டு வருகிறது. நடப்பாண்டின் போட்டிகள் துவக்கம் இம்மாதம் 22ஆம் தேதிக்கு மாற்றப்பட்டுள்ளது. இதுகுறித்து, வி-யுனைட்டெட் நிறுவனர் அலீ ஃபைஸல் வெளியிட்டுள்ள அறிக்கை வருமாறு:-

ஹாங்காங்கைத் தலைமையிடமாகக் கொண்டு இயங்கி வரும் வி-யுனைட்டெட் ஸ்போட்ர்ஸ் கிளப் சார்பாக, கடந்த மூன்று ஆண்டுகளாக கிரிக்கெட் போட்டிகளும், நான்கு ஆண்டுகளாக கால்பந்து போட்டிகளும் நடத்தப்பட்டு வருகின்றது.

நான்காவது ஆண்டாக, கிரிக்கெட் போட்டிகள் இம்மாதம் 16ஆம் தேதி துவங்கப்படவுள்ளதாக முன்னர் அறிவித்திருந்தோம். தற்போது சில நிர்வாக காரணங்களுக்காக போட்டி நடைபெறும் தேதி மாற்றியமைக்கப்பட்டுள்ளது.

எனவே, வி-யுனைட்டெட் காயல் ப்ரீமியர் லீக் க்ரிக்கெட் போட்டிகள் இன்ஷாஅல்லாஹ் இம்மாதம் 22ஆம் தேதி துவங்கும் என அன்புடன் அறியத் தருகிறோம்.

எனவே, போட்டியில் கலந்து கொள்ள இதுவரை தங்களது பெயரை பதிவு செய்யாதவர்கள், ஏற்கனவே அறிவிக்கப்பட்ட படி தங்கள் பெயர்களைப் பதிவு செய்து, போட்டியில் கலந்துகொள்வதை உறுதிப்படுத்திக்கொள்ள அன்புடன் கேட்டுக்கொள்கிறோம்.

இவ்வாறு, வி-யுனைட்டெட் நிறுவனர் அலீ ஃபைஸல் தனதறிக்கையில் தெரிவித்துள்ளார்.

தகவல்:
தஸ்லீம்
ஹாங்காங்