{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் மஜ்லிஸுல் புகாரிஷ் ஷரீஃப் வளாகத்தில் இயங்கி வரும் மத்ரஸத்துல் ஹாமிதிய்யாவின் அறமார்க்க விழாக்கள் இம்மாதம் 04, 05, 06 தேதிகளில் நடைபெறுகிறது.

இன்று, மே 04ஆம் தேதி அதிகாலையில், மத்ரஸா மாணவர்களின் முதற்கட்ட நகர்வலத்துடன் மத்ரஸாவின் அறமார்க்க விழா துவங்கியது.

இன்று அதிகாலை 06.20 மணியளவில் மஜ்லிஸ் மைதானத்தில் கொடியேற்றப்பட்டது. அதன் தொடர்ச்சியாக, காலை 07.00 மணியளவில், மாணவர் பேரணி நகர்வலமாகக் கிளம்பியது.

காயல்பட்டினம் முத்துவாப்பா தைக்கா தெருவிலிருந்து கிளம்பிய பேரணி, ஸீ-கஸ்டம்ஸ் சாலை, மேல சித்தன் தெரு, நெய்னார் தெரு, சதுக்கைத் தெரு, ஆறாம்பள்ளித் தெரு, குறுக்கத் தெரு, குத்துக்கல் தெரு, பஞ்சாயத்து வீதி, காட்டு தைக்கா தெரு, புதுக்கடைத் தெரு, தைக்கா தெரு, மகுதூம் தெரு, முஹ்யித்தீன் தெரு, பிரதான வீதி, தீவுத்தெரு ஆகிய தெருக்கள் வழியாக, காலை 09.15 மணியளவில் மத்ரஸாவை வந்தடைந்தது.























மாணவர் நகர்வலம் சென்ற இடங்களிலெல்லாம், ஹாமிதிய்யா தீனிய்யாத் மற்றும் திருக்குர்ஆன் மனன (ஹிஃப்ழு)ப் பிரிவு முன்னாள், இந்நாள் மற்றும் வருங்கால மாணவர்களின் இல்லங்கள் சார்பில் மத்ரஸாவிற்கு அன்பளிப்புப் பொருட்கள் வழங்கி வரவேற்பளிக்கப்பட்டது.

தீவுத்தெருவில், மர்ஹூம் ‘முத்துச்சுடர்’ நூஹுத்தம்பி ஆலிம் ஜுமானீ, மர்ஹூம் எஸ்.கே.ஷெய்கு அப்துல்லாஹ் ஆலிம் ஜுமானீ ஆகியோர் நினைவுத் திடலில், மாணவர்களுக்கு வரவேற்பளிக்கப்பட்டமை குறிப்பிடத்தக்கது.

இன்று காலை 10.15 மணியளவில் மாணவர்களுக்கான போட்டிகள் துவங்கியுள்ளன. காலை அமர்வில், மத்ரஸாவின் ரவ்ழா, அவ்வல் வகுப்பு மாணவர்களுக்கான நபிமொழி (ஹதீது) மனனப் போட்டி, ஜுனைனா வகுப்பு மாணவர்களுக்கான அல்அஸ்மாஉல் ஹுஸ்னா போட்டி, அவ்வல் வகுப்பு மாணவர்களுக்கான பைத் போட்டி ஆகியன நடைபெறவுள்ளன.

மாலையில், தானீ - தாலித் வகுப்பு மாணவர்களுக்கான பேச்சுப்போட்டியும், அதனைத் தொடர்ந்து. வரும் 06ஆம் தேதியன்று, ஹாமிதிய்யா திருக்குர்ஆன் ஹிஃப்ழு மத்ரஸாவின் மூலம் ‘ஹாஃபிழுல் குர்ஆன்’ பட்டச் சான்றிதழ் பெறவுள்ள மாணவர்கள் பங்கேற்கும் திருக்குர்ஆன் மனன (ஹிஃப்ழு)ப் போட்டியும் நடைபெறவுள்ளது.

இவ்வாறாக, இன்றைய முதல் நாள் நிகழ்ச்சிகள் அமையவுள்ளன.

தகவல்:
ஹாஃபிழ் நஸீம் காதிர் ஸாஹிப்
ஆசிரியர்
ஹாமிதிய்யா திருக்குர்ஆன் ஹிஃப்ழுப் பிரிவு