{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் ஐக்கிய விளையாட்டு சங்கம் சார்பில், மவ்லானா அபுல் கலாம் ஆஸாத் நினைவு சுழற்கோப்பைக்கான அகில இந்திய கால்பந்துப் போட்டிகள், இம்மாதம் 12ஆம் தேதி (இன்று) துவங்கி, 30ஆம் தேதி வரை நடைபெறுகிறது.



மே 20ஆம் தேதி திங்கட்கிழமை (நேற்று) மாலையில் நடைபெற்ற போட்டியில், கொச்சி போர்ட் ட்ரஸ்ட் அணியும், தூத்துக்குடி ப்ரெஸிடென்ட் லெவன் அணியும் மோதின.

ஆட்டம் துவங்கியது முதல், மிகுந்த உற்சாகத்துடன் இரு அணிகளும் விளையாடியது ரசிகர்களின் கண்களுக்கு விருந்து படைப்பதாய் இருந்தது.

ஆட்டத்தின் முதற்பாதியிலும், இரண்டாவது பாதியிலும் இரு அணிகளும் தலா இரண்டு கோல்கள் அடித்து சமநிலையிலிருந்தன. இதன் காரணமாக, போட்டி நிறைவு நேரத்தின்போது கூடுதல் வேகம் காணப்பட்டது.

இறுதியில், கொச்சி போர்ட் ட்ரஸ்ட் அணி மூன்றாவது கோலை அடித்து வெற்றி பெற்றது. இந்த வெற்றியையடுத்து. இன்று மாலை நடைபெறும் போட்டியில், இந்த அணி விசாகப்பட்டினம் கோஸ்டல் ஆந்திரா அணியை எதிர்த்தாடவுள்ளது.