{ முகநூல் கருத்துக்கள்}{ட்விட்டர் கருத்துக்கள்}

ஐக்கிய அரபு அமீரகம் - அபூதபீ காயல் நல மன்றத்தின் சார்பில், இம்மாதம் 18ஆம் தேதியன்று, இஃப்தார் - நோன்பு துறப்பு நிகழ்ச்சி நடத்தப்படவுள்ளது.

இந்நிகழ்வில் கலந்துகொள்ள அழைப்பு விடுத்து, உறுப்பினர்களுக்கும், அனைத்து காயலர்களுக்கும் அம்மன்றம் விடுத்துள்ள அழைப்பறிக்கை:-

அன்பின் மன்ற உறுப்பினர்கள் அனைவருக்கும் அஸ்ஸலாமு அலைக்கும்.

வல்ல அல்லாஹ்வின் பேரருளால், வரும் 18.07.2013 வியாழக்கிழமையன்று பின்னேரம் (ரமழான் 09ஆம் நாளன்று) மாலையில், நமது மன்றத்தின் சார்பில், அபூதபீ – ஸலாம் தெரு, அல்ஃபிர்தவ்ஸ் டவர் (NATIONAL BANK OF FUJEIRA & OLD TAQREER BUILDING) 3ஆவது மாடியில் வைத்து இஃப்தார் - நோன்பு துறப்பு நிகழ்ச்சி இன்ஷாஅல்லாஹ் நடத்தப்படவுள்ளது என்பதை மிக்க மகிழ்ச்சியுடன் அறியத் தருகிறோம்.

மன்றத்தின் அனைத்து உறுப்பினர்களும், அபூதபீக்கு புதிதாக வந்திருக்கும் காயலர்கள் உள்ளிட்ட அனைத்து காயலர்களும், இச்செய்தியையே அழைப்பாகக் கருதி, தங்கள் குடும்பத்தினருடன் குறித்த நேரத்தில் இஃப்தார் நிகழ்ச்சியில் கலந்துகொள்ள வருமாறு அன்புடன் அழைக்கின்றோம்.

கருணையுள்ள ரஹ்மான் இந்த சங்கை மிகுந்த ரமழானின் பொருட்டால், நமது பாவங்களை மன்னித்து ஈருலக நன்மைகளைத் தந்தருள்வானாக ஆமீன்.

குறிப்பு: அனைவருக்கும் சிறப்பான ஏற்பாடுகளை நிறைவாகச் செய்திடும் பொருட்டு, இந்நிகழ்ச்சிக்கு வரவிருக்கும் உறுப்பினர்கள் 050 8490978 என்ற எண்ணில் தொடர்புகொண்டு தங்கள் வருகையை உறுதி செய்துகொள்ளுமாறு அன்புடன் கேட்டுக்கொள்கிறோம்.

இவ்வாறு அந்த அறிக்கையில் தெரிவிக்கப்பட்டுள்ளது.

தகவல்:
அபூதபீ காயல் நல மன்றம் சார்பாக,
அதன் செய்தி துறை பொறுப்பாளர்.