ரமழான் மாதம் 17ஆம் நாளில் பத்ருப் போர் நடைபெற்றதை நினைவுகூரும் வகையில் பத்ரு ஸஹாபாக்கள் நினைவு நாள் சிறப்பு நிகழ்ச்சிகள் ஆண்டுதோறும் காயல்பட்டினம் காதிரிய்யா கொடிமர சிறுநெய்னார் பள்ளியில் நடத்தப்பட்டு வருகிறது.

இவ்வாண்டு பத்ரு ஸஹாபாக்கள் நினைவு தினத்தையொட்டி நேற்றிரவு (ஜூலை 26 - வெள்ளிக்கிழமை) 11.30 மணிக்கு, காதிரிய்யா கொடிமர சிறுநெய்னார் பள்ளியில் சிறப்பு நிகழ்ச்சி நடைபெற்றது.



பள்ளியின் இமாம் ஹாஃபிழ் வி.எஸ்.முஹம்மத் அப்துல் காதிர் தலைமையில் நடைபெற்ற இந்நிகழ்ச்சியில், காயல்பட்டினம் அல்ஜாமிஉல் கபீர் - பெரிய குத்பா பள்ளியின் கத்தீபும், முஅஸ்கர் மகளிர் அரபிக் கல்லூரிகளின் நிறுவனருமான மவ்லவீ ஹாஃபிழ் எச்.ஏ.அஹ்மத் அப்துல் காதிர் மஹ்ழரீ பத்ரு போர்க்கள சரித்திரத்தை உள்ளடக்கி, சிறப்புரையாற்றினார்.



பின்னர், பத்ரு ஸஹாபாக்கள் திருநாமம் படிக்கப்பட்டு, துஆ - பிரார்த்தனை செய்யப்பட்டது. மவ்லவீ எம்.இசட்.அப்துல் காதிர் மஸ்லஹீ இந்நிகழ்ச்சியை வழிநடத்தினார்.





நிகழ்ச்சிகளனைத்திலும், காதிரிய்யா கொடிமர சிறுநெய்னார் பள்ளி மஹல்லா ஜமாஅத்தினர் உள்ளிட்ட பொதுமக்கள் திரளாகக் கலந்துகொண்டனர்.





[ஒரு படம் கூடுதலாக இணைக்கப்பட்டது @ 01:59 / 28.07.2013]

படங்களில் உதவி:
ஷெய்கு அப்துல் காதிர் ஸூஃபீ