{ முகநூல் கருத்துக்கள்}{ட்விட்டர் கருத்துக்கள்}

நடப்பாண்டு ரமழான் மாதத்தை முன்னிட்டு, காயல்பட்டினம் ஜாவியாவில், கடந்த ஜூலை மாதம் 11ஆம் தேதி முதல் நாள்தோறும் (வெள்ளிக்கிழமை நீங்கலாக) காலை 11.00 மணிக்கு சன்மார்க்க தொடர் சொற்பொழிவு நிகழ்ச்சி நடைபெற்று வருகிறது.

ஜாவியா அரபிக் கல்லூரியின் முதல்வரும், தமிழ்நாடு மாநில ஜமாஅத்துல் உலமா சபையின் தூத்துக்குடி மாவட்ட தலைவரும், காயல்பட்டினம் அல்ஜாமிஉஸ் ஸகீர் - சிறிய குத்பா பள்ளியின் கத்தீபுமான மவ்லவீ எஸ்.எம்.முஹம்மத் ஃபாரூக் அல்ஃபாஸீ, ஜாவியா அரபிக்கல்லூரியின் பேராசிரியரும், மகுதூம் ஜும்ஆ பள்ளியின் கத்தீபுமான மவ்லவீ ஹாஃபிழ் எஸ்.கே.எம்.காஜா முஹ்யித்தீன் காஷிஃபீ, ஹாமிதிய்யா மார்க்கக் கல்வி நிறுவனத்தின் பேராசிரியர் மவ்லவீ ஹாஃபிழ் சாவன்னா பாதுல் அஸ்ஹப் ஃபாஸீ, மவ்லவீ எம்.ஏ.அப்துல் வதூத் ஃபாஸீ உள்ளிட்ட மார்க்க அறிஞர்கள் இந்நிகழ்வில் சொற்பொழிவாற்றி வருகின்றனர்.

ஜூலை 27, 28, 31, ஆகஸ்ட் 03, 04 ஆகிய தேதிகளில் மவ்லவீ ஹாஃபிழ் எஸ்.கே.எம்.காஜா முஹ்யித்தீன் காஷிஃபீ உரையாற்றினார்.

29.07.2013 அன்று மவ்லவீ ஹாஃபிழ் ஏ.எம்.அப்துல்லாஹ் மக்கீ காஷிஃபீ ஃபாழில் தேவ்பந்தீ உரையாற்றினார்.

01.08.2013 அன்று மவ்லவீ ஹாஃபிழ் என்.எஸ்.மாமுனா லெப்பை ஃபாஸீ உரையாற்றினார்.

05.08.2013 அன்று மவ்லவீ எம்.ஏ.அப்துல் வதூத் ஃபாஸீ, 06.08.2013 அன்று மவ்லவீ ஹாஃபிழ் சாவன்னா பாதுல் அஸ்ஹப் ஃபாஸீ ஆகியோர் உரையாற்றினர்.

இன்று (ஆகஸ்ட் 07) மவ்லவீ ஹாஃபிழ் எஸ்.கே.எம்.காஜா முஹ்யித்தீன் காஷிஃபீ உரையாற்றினார். நாளையும் இவரே உரையாற்றுவார் என அறிவிக்கப்பட்டுள்ளது.

வழமையாக நாள்தோறும் காலை 11.00 மணிக்கு துவங்கும் மார்க்க சொற்பொழிவு நிகழ்ச்சி, நாளை (ஆகஸ்ட் 08) கடைசி நாள் என்பதால், காலை 10.45 மணிக்குத் துவங்குகிறது.

மார்க்க சொற்பொழிவைத் தொடர்ந்து, மவ்லவீ அபுல்ஹஸன் ஷாதுலீ ஃபாஸீ நன்றி கூற, துஆவுடன் நாளைய நிறைவு நாள் நிகழ்ச்சிகள் முடிவுறும்.

நாள்தோறும் நடைபெறும் சொற்பொழிவு நிகழ்ச்சிகளின் ஒலி நேரலையை, www.ustream.tv/channel/zaviakayal என்ற இணையதள பக்கத்தில் கேட்கலாம்.

ஜாவியா ரமழான் தொடர் சொற்பொழிவு குறித்த முந்தைய செய்தியைக் காண இங்கே சொடுக்குக!

தகவல்:
M.A.செய்யித் முஹம்மத்