Kayal on the Web

செய்திகள்

செய்தி எண் (ID #) 12073

#KOTW12073

ஞாயிறு, அக்டோபர் 13, 2013

அல்ஜாமிஉல் அஸ்ஹர் நிர்வாகக் குழு தேர்தல் 2013: வாக்கு பதிவு முடிந்தது! (திருத்தப்பட்ட செய்தி!!)

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 3379 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 2)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் அல்ஜாமிஉல் அஸ்ஹர் ஜும்ஆ மஸ்ஜிதுக்கு புதிய நிர்வாகக் குழுவைத் தேர்ந்தெடுப்பதற்கான தேர்தல், அறிவிக்கப்பட்ட படி, இன்று காலை 09.00 மணிக்குத் துவங்கியது. துவக்கத்தில் மந்தமாக இருந்த வாக்குப்பதிவு, காலை 11.00 மணியளவில் சூடு பிடித்தது.

மொத்த வாக்காளர்களின் (பொதுக்குழு உறுப்பினர்களின்) எண்ணிக்கை 1374. A,B,C,D என நான்கு வாக்குச்சாவடிகள் பிரிக்கப்பட்டிருந்தது.

வாக்குச்சாவடி ‘A’-இல் 0001 முதல் 0349 வரை வரிசை எண்ணைக் கொண்ட வாக்காளர்களும்,
வாக்குச்சாவடி ‘B’-இல் 0350 முதல் 0686 வரை வரிசை எண்ணைக் கொண்ட வாக்காளர்களும்,
வாக்குச்சாவடி ‘C’-இல் 0687 முதல் 1026 வரை வரிசை எண்ணைக் கொண்ட வாக்காளர்களும்,
வாக்குச்சாவடி ‘D’-இல் 1027 முதல் 1374 வரை வரிசை எண்ணைக் கொண்ட வாக்காளர்களும்
வாக்குப்பதிவு செய்ய வசதிகள் செய்யப்பட்டிருந்தது.

தமிழ்நாடு வக்ஃப் வாரியத்தின் திருநெல்வேலி மண்டல கண்காணிப்பாளர் வஸீர் அஹ்மத் தலைமையில் தேர்தல் அதிகாரிகளும், அலுவலர்களும் தேர்தல் வாக்குப்பதிவுகளை முறைப்படுத்தி நடத்தி வருகின்றனர். அவரவர் நிழற்படங்கள் பதிக்கப்பட்ட - அடையாள அட்டைகளைக் கொண்டு, வாக்காளர்கள் உறுதி செய்யப்பட்டு, முகவர்களின் ஒப்புதலுடன் வாக்களிக்க அனுமதிக்கப்பட்டனர்.

காலை 10.00 மணி நிலவரப்படி 168 பேரும்,
காலை 11.00 மணி நிலவரப்படி 344 பேரும்,
நண்பகல் 12.00 மணி நிலவரப்படி 478 பேரும்,
மதியம் 01.00 மணி நிலவரப்படி 563 பேரும்,
மதியம் 02.00 மணி நிலவரப்படி 609 பேரும்,
மதியம் 03.00 மணி நிலவரப்படி 650 பேரும்,
மதியம் 04.00 மணி நிலவரப்படி 673 பேரும்,
வாக்களித்தனர்.

இயலா நிலையிலுள்ளோருக்காக சர்க்கர நாற்காலி, தமுமுக நகர கிளை சார்பில் ஏற்பாடு செய்யப்பட்டிருந்தது. இயலாநிலை வாக்காளர்களின் பொறுப்பாளர்கள் அவர்களை நாற்காலிகளில் வைத்து வாக்குப்பதிவுக்கு அழைத்துச் சென்றனர்.

தேர்தலை முன்னிட்டு, பள்ளி வளாகத்தைச் சுற்றி குறிப்பிட்ட தொலைவு வரை எல்லைக்கோடுகள் அனைத்திடங்களிலும் குறிக்கப்பட்டுள்ளது. ஆறுமுகநேரி காவல்துறையினர் பாதுகாப்புப் பணியில் ஈடுபட்டுள்ளனர்.

வேட்பாளர்கள் சார்பாக, வாக்குச்சாவடி எல்லைக்கு வெளியே ஆங்காங்கே மேஜைகள் போடப்பட்டு, தேர்தல் வழிகாட்டுப் பணிகள் செய்யப்பட்டது.

மாலை 04.00 மணிக்கு வாக்குப்பதிவு நிறைவுற்றது. 4 வாக்குப் பெட்டிகளையும் மூடி முத்திரையிட்ட பின்னர் - வேட்பாளர்கள், அவர்களது முகவர்கள், செய்தியாளர்கள் முன்னிலையில் பேசிய தேர்தல் அதிகாரி வஸீர் அஹ்மத், வாக்குப்பதிவின் முடிவில், மொத்தமுள்ள 1374 வாக்காளர்களில் 673 பேர் வாக்களித்துள்ளதாக முறைப்படி அறிவித்தார். இது 48.98 சதவிகித வாக்குப்பதிவாகும்.

வாக்குச்சாவடி வாரியாக, ஒவ்வொரு மணி நேரத்திலும் பதிவான வாக்குகளின் விபரப் பட்டியல்:-

இத்தேர்தல், பார்ப்பதற்கு நகரில் பாராளுமன்ற - சட்டமன்ற - உள்ளாட்சித் தேர்தல்கள் நடப்பது போன்ற தோற்றத்தை ஏற்படுத்தியுள்ளது.

வாக்களிக்க வந்தோரும், வாக்களித்துச் சென்றோரும் பள்ளி வளாகத்தைச் சுற்றி ஆங்காங்கே குழுக்குழுவாக நின்றவாறு, வெற்றிவாய்ப்புகள் குறித்து பரபரப்புடன் விவாதித்து வருகின்றனர்.

மாலை 05.00 மணிக்கு வாக்குகள் எண்ணப்பட்டு, நிறைவில் முடிவுகள் அறிவிக்கப்படும். தேர்தல் முடிவுகளின் படி அல்ஜாமிஉல் அஸ்ஹர் ஜும்ஆ மஸ்ஜித் நிர்வாகத்திற்கு, புதிதாக 55 நிர்வாகக் குழு உறுப்பினர்கள் தேர்ந்தெடுக்கப்படுவர். அவர்கள் தமக்குள் ஆலோசனைக் கூட்டம் நடத்தி, பள்ளியின் தலைவர், செயலாளர், பொருளாளர், துணை நிர்வாகிகள் உள்ளிட்ட பொறுப்புகளுக்கு பொறுப்பாளர்களைத் தேர்ந்தெடுப்பர்.

களத்தொகுப்பு:
‘நெட்காம்’ புகாரீ

படங்கள்:
ஹிஜாஸ் மைந்தன்
செய்தியாளர் - காயல்பட்டணம்.காம்
மற்றும்
A.K.இம்ரான்

[செய்தியில் கூடுதல் தகவல்கள், படங்கள், அசைபடம் இணைக்கப்பட்டது @ 17:02 / 13.10.2013]

{TAGS} ajajm al jamiul azher jumma masjid azhar azher election 2013 azhar election 2013 polling azher polling azher election polling

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...
posted by Cnash (Makkah ) [13 October 2013]
IP: 212.*.*.*

Switzerland | Comment Reference Number: 30713

இன்று காலை 09.00 மணிக்குத் துவங்கியது. துவக்கத்தில் மந்தமாக இருந்த வாக்குப்பதிவு, காலை 11.00 மணியளவில் சூடு பிடித்தது.

############# எதுக்கு இவ்வளவு பில்ட்-அப் எதோ பார்லிமென்ட் எலக்ஷன் ரேஞ்சிக்கு ..உங்களுக்கே இது ஓவரா தெரிய வில்லையா#######

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. .ஜனநாயக முறைப்படி ஒரு ஒழுங்கிய நிர்வாகம்!
posted by முஹம்மது ஆதம் சுல்தான்! (YANBU) [13 October 2013]
IP: 188.*.*.*

Saudi Arabia | Comment Reference Number: 30715

ஜனநாயக முறைப்படி ஒரு ஒழுங்கிய நிர்வாகம் நடைபெறுகிறது என்பதற்கோர் எழுச்சிமிகு எடுத்துகாட்டு எது என்றால் அது அல்ஜாமிவுல் அஸ்ஹர் ஜூம்ஆ மஸ்ஜித் நிர்வாகமே என்பதை இப்புகைபடத்தை பார்க்கும் மனசாட்சியுள்ள அனைவரும் ஏற்றுக்கொள்வார்கள்!

இத்தேர்தல் இனிதே முடிந்து,ஏற்றுக்கொள்ளப்பட்ட 55 அன்பு சகோதரர்களும் அல்லாஹ்வின் வீட்டை அழகிய முறையில் எல்லோரும் ஏற்றுக்கொள்ளும் நடுநிலையான நிர்வாகத்தால் கொண்டுசென்று அந்த அல்லாஹ்விற்கும்,அவனுடைய அடியார்களுக்கும் அன்புடையவர்களாகத் திகழ எல்லாம் வல்ல இறைவனிடம் இருகரம் ஏந்தி இறைஞ்சுகிறேன்!

ஆமா... மெய்னாக்க்காரு உனக்கும் ஓட்டு இருக்கா? உன்னுடைய நிர்வாக அறிவுக்கு நீயெல்லாம் நிர்வாகத்தில் பங்குபெற வேண்டியவராயிற்றே ஏன் தேர்தலில் வேட்ப்பாளராக நிற்கவில்லை?

அல்லாஹ் அனைத்தும் அறிந்தவன்,

அன்புடன்.
முஹம்மது ஆதம் சுல்தான்!

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re
posted by P.S. ABDUL KADER (KAYALPATNAM) [13 October 2013]
IP: 117.*.*.*

India | Comment Reference Number: 30716

2 தினம்களுக்கு முன் வீடு தேடி, நண்பர்கள் பிட் நோட்டீஸ் கொண்டு எனது வீட்டுக்கு வந்தார்கள். நானும் அதை எடுத்துக்கொண்டு வாக்களிக்க மதியம் 3 மணிக்கு போனபோது எனது பெயரை ஜாபிதாவில் இருந்து நீக்கி விட்டார்கள்- எனது தம்பி ஓட்டை போட முயன்றபோது சுற்றிவளைத்தார்கள் நண்பர்கள் சமூகம். ஒரு ஓட்டை கொண்டு நண்பர்கள் பகை வேண்டாம் என்று வீடு திரும்பினேன்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்