{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் இஸ்லாமிய தமிழிலக்கிய மாமன்றம் சார்பில் மாதந்தோறும் இரண்டாவது சனிக்கிழமைகளில் கலந்துரையாடல் நிகழ்ச்சி நடத்தப்பட்டு வருகிறது. இம்மாத கலந்துரையாடல் நிகழ்ச்சி வரும் 09ஆம் தேதியன்று நடைபெறுகிறது.

இந்நிகழ்ச்சியில் கலந்துகொள்ள அழைப்பு விடுத்து, அதன் அமைப்பாளர் ஏ.எல்.எஸ்.இப்னு அப்பாஸ் வெளியிட்டுள்ள அழைப்பறிக்கை:-

இஸ்லாமிய தமிழ் இலக்கிய மாமன்றம் சார்பில் ஒன்பதாம் மாத கலந்துரையாடல் நடைபெறவுள்ளது.

காயல்பட்;டணம் ரிஸ்வான் சங்க வளாகம் (அரசு நூலகம்) அருகில் இன்ஷாஅல்லாஹ் ஒன்பதாம் மாத கலந்துரையாடல் இஸ்லாமிய தமிழ் இலக்கிய மாமன்றம் சார்பில் 9-11-2013 மாலை 4.45 மணியளவில் நடைபெறவுள்ளது.

சென்ற எட்டாம் மாதம் கலந்து கொண்ட இலக்கிய பிரியர்கள் அனைவர்களுக்கும் நினைவூட்டும் அழைப்புத் தபால் அனுப்பப்பட்டுள்ளது. நீங்கள் உங்கள் நண்பர்களுடன் கலந்து கொள்ள வாரீர்.

இந்த அமைப்பின் முக்கிய நோக்கம் நூலகம் சென்று தின> வார> மாத இதழ்களில் நீங்கள் சுவைத்த பகுதியை இங்கு வந்து பேசலாம். இதனால் படிப்பாற்றல் வளரும்> பேச்சாற்றல் பெருகும்> எழுத்தாற்றலை வளர்த்திட முடியும். பேசாதவர்கள் கேட்டு மகிழலாம். (கட்டணமும் வயது வரம்பும் கிடையாது).

ஒவ்வொரு மாதமும் இரண்டாவது சனிக்கிழமை அரசு விடுமுறை நாட்களில் மட்டும் இவை நடைபெறும். இங்கு நீங்கள் வருவதால் அறிஞர்களின் தொடர்பு கிடைக்கிறது. தகவல்களை பரிமாறிக் கொள்ள முடிகிறது. புதிய நட்பும் கிடைக்கும். உங்கள் பெயர் இங்கு பதிவாகிவிட்டால் மாதம்தோறும் உங்களை நாடி தபால் அட்டை அனுப்பி வைக்கப்படும்.

விடுமுறை நாட்களில் நல்லதொரு பொழுதுபோக்கில் கலந்து கொண்ட மனதிருப்தியை பெற்று செல்வீர்கள். நீங்கள் கொண்டு வரும் நல்ல செய்திகளை நமதூர் இணையதளத்திற்கு தருகிறோம். உங்களை உலகில் வாழும் காயல்வாசிகளும்> தமிழ் பேசும் மக்களும் உங்கள் இலக்கிய ஆற்றலை அறிவைப் புரிந்து கொள்ள முடிகிறது.

சென்னையில் ஒவ்வொரு மாதமும் ஞாயிறு இம்மாதிரி கலந்துரையடால் மெரினா கடற்கரை புல்தரையில் 500க்கு மேற்பட்ட மாதம் தொடர்ந்து நடைபெற்று வருகிறது. இன்ஷாஅல்லாஹ் இதை படித்தநீங்கள் அவசியம் சனிக்கிழமை மாலை 9-11-2013 ல் ரிஸ்வான் சங்க வளாகம் நோக்கி வருகை தரும்படி அன்புடன் கேட்டுக்கொள்கிறேன்.

இவ்வாறு, இஸ்லாமிய தமிழிலக்கிய மாமன்ற அமைப்பாளர் ஏ.எல்.எஸ்.இப்னு அப்பாஸ் தனது அழைப்பறிக்கையில் தெரிவித்துள்ளார்.