{ முகநூல் கருத்துக்கள்}{ட்விட்டர் கருத்துக்கள்}

ஆறுமுகநேரி காவல் நிலையத்திலிருந்து ஏரலுக்கு பணியிட மாறுதலாகிச் செல்லும் காவல் ஆய்வாளர் டி.பார்த்திபனுக்கு வழியனுப்பு நிகழ்ச்சி நடைபெற்றது.

ஆறுமுகநேரி காவல் நிலைய புதிய ஆய்வாளர் கோ.பாலமுருகன் முன்னிலை வகித்தார். போக்குவரத்து காவல் ஆய்வாளர் ஈஸ்வரமூர்த்தி வரவேற்றுப் பேசினார்.

இந்நிகழ்ச்சிக்குத் தலைமை தாங்கிய தூத்துக்குடி மாவட்ட காவல்துறை கூடுதல் கண்காணிப்பாளர் ஞானசேகரன் வாழ்த்துரை வழங்கியதோடு, பணிவிடை பெற்றுச் செல்லும் காவல் ஆய்வாளர் டி.பார்த்திபனுக்கு நினைவுப் பரிசும் வழங்கினார்.



ஆறுமுகநேரி பேரூராட்சித் தலைவர் அ.கல்யாணசுந்தரம், அதன் துணைத்தலைவர் ஆர்.ரவிச்சந்திரன், உறுப்பினர்கள் எம்.மகாராஜன், சோ.வெங்கடேசன், செய்தியாளர் ச.பார்த்திபன், அதிமுக ஆறுமுகநேரி கிளை பொருளாளர் பி.ராமதுரை, திருச்செந்தூர் காவல் ஆய்வாளர் பத்மநாபபிள்ளை, காவல் சிறப்பு துணை ஆய்வாளர்களான ராமசுப்பிரமணியன், மனோகரன், முத்துசாமி, சக்திவேல் உட்பட பலர் இந்நிகழ்ச்சியில் கலந்துகொண்டு, வாழ்த்திப் பேசினர்.



ஏரலுக்கு பணியிட மாறுதலாகிச் செல்லும் காவல் ஆய்வாளர் டி.பார்த்திபன் ஏற்புரையாற்றினார்.



ஆறுமுகநேரி காவல் துணை ஆய்வாளர் சுப்புலெட்சுமி நன்றி கூற, விருந்துபசரிப்புடன் நிகழ்ச்சி நிறைவுற்றது.

தகவல் & படங்கள்:
ச.பார்த்திபன்
செய்தியாளர்