{ முகநூல் கருத்துக்கள்}{ட்விட்டர் கருத்துக்கள்}

இன்ஸ்டிடியூட் ஆப் தஜ்வீதுல் குர்-ஆன் மகளிருக்கான விசேச தஜ்வீத் வகுப்புகள் நடத்த திட்டமிட்டுள்ளது. இது குறித்து அவ்வமைப்பு சார்பாக வெளியிடப்பட்டுள்ள செய்திக்குறிப்பு வருமாறு:

அருளாளன் அல்லாஹ்வின் திருப் பெயரால் ...

அன்றாட வாழ்வில் அல் -குர்ஆனோடு தொடர்பைப் பேணி, அதனை அனு தினமும் இறை அச்சத்தோடு ஓதி வருபவர்களாலும், இறை மறையை மனனமிட்டுள்ள கண்ணியத்துக்குரிய ஹாபிழ்களாலும் தஜ்வீத்தின் தேவையும்,அவசியமும் உணரப்பட்டுள்ள இந்தக் காலச் சூழலில் -

அல் -குர்ஆனை அழகிய முறையில் அதன் தஜ்வீத் சட்டங்களை கற்றறிந்து சரியான உச்சரிப்போடு இனிமையாக ஓதிட, ஆர்வமும் ஆசையும் உள்ள மகளிருக்குக்கான ஓர் அரிய வாய்ப்பு...!

இன்ஷா அல்லாஹ் இன்ஸ்டிடியூட் ஆப் தஜ்வீதுல் குர்-ஆன் கல்வி நிறுவனத்தால் மகளிருக்காக பிரத்யோகமான விசேட தஜ்வீத் வகுப்புகள் நவீன தொழில் நுட்பத்துடன் விரைவில் துவங்கப்பட உள்ளது. அல்ஹம்துலில்லாஹ்!

இந்த தஜ்வீத் வகுப்புகளில் ஹாபிழாக்கள், இல்லத்தரசிகள், பள்ளி - கல்லூரி படிப்பை முடித்துள்ளவர்கள், மற்றும் 15 வயதுக்கு மேற்பட்ட எந்த வயதினரும் அல்- குர் ஆனை ஓதத் தெரிந்தது மட்டுமல்லாமல் தஜ்வீத் சட்டங்களை கற்றறிந்து அதனைப் பேணி ஓதி வர வேண்டும் என்கிற ஆவலும் ஆசையும் உள்ள அனைத்து மகளிரும் இணைந்து கொள்ள விண்ணப்பிக்கலாம்.

இன்ஷா அல்லாஹ் தஜ்வீத் வகுப்புகள் இலகுவான முறையில் தேர்ச்சி பெற்ற ஆசிரியையால் கற்றுத்தரப்படும் .முதலாவது குழுவில் 20 பேர் மட்டுமே சேர்த்துக் கொள்ளப் படுவார்கள், முதலில் விண்ணப்பிப்போருக்கே முன்னுரிமை வழங்கப்படும வாரத்தில் 4 நாட்கள் வகுப்புகள் நடத்தப்பட்டு 2 மாதங்களில் பாடங்கள் நிறைவு செய்ப்பபடும்.இறுதியில் தேர்வு நடத்தப்பட்டு சான்றிதழ்கள் வழங்கப்படும்.

மேலதிக விபரங்கள் /விண்ணப்பங்கள் பெற்றுக்கொள்ள -

இன்ஸ்டிடியூட் ஆப் தஜ்வீதுல் குர்-ஆன்,
ப.எ 143/ பு.எ.21,மொகுதூம் தெரு,
காயல்பட்டணம்.

கைபேசி :9003709782 / 9976941511.

இவ்வாறு அச்செய்திக்குறிப்பில் தெரிவிக்கப்பட்டுள்ளது.

தகவல்:
எஸ்.ஐ. புஹாரி