இறைத்தூதர் நபிகள் நாயகம் ஸல்லல்லாஹு அலைஹி வஸல்லம் அவர்களின் பிறந்த நாளை முன்னிட்டு, காயல்பட்டினம் மஹ்ழரத்துல் காதிரிய்யா சபையின் மீலாது விழாக்குழு சார்பில் ஆண்டுதோறும் மீலாத் விழா கொண்டாடப்பட்டு வருகிறது.

நடப்பாண்டு விழா இம்மாதம் 15ஆம் தேதி நடைபெற்றது. அன்று காலை 07.00 மணியளவில், ஃபர்ஸன்ஜி மவ்லித் மஹ்ழரா வளாகத்தில் ஓதப்பட்டது.

மாலை 16.45 மணிக்கு மீலாது பெருவிழா சிறப்புக் கூட்டம் மஹ்ழராவுக்கு வெளியே - அம்பல மரைக்காயர் தெருவில் அமைக்கப்பட்டிருந்த மேடையில் நடைபெற்றது. மஹ்ழரா குர்ஆன் மத்ரஸா ஆசிரியர் ஹாஃபிழ் சொளுக்கு முஹ்யித்தீன் அப்துல் காதிர் தவ்ஹீத் கிராஅத் ஓத, அதனைத் தொடர்ந்து ‘அஹ்மதுல்லாஹ்’ பைத் அனைவராலும் நின்று பாடப்பட்டது.

கூட்டத்திற்குத் தலைமை தாங்கிய - மஹ்ழரா அரபிக்கல்லூரியின் முதல்வரும், தமிழக அரசின் தூத்துக்குடி மாவட்ட காழீயுமான மவ்லவீ எஸ்.டி.அம்ஜத் அலீ மஹ்ழரீ ஃபைஜீ தலைமையுரையாற்றினார். அத்துடன் மாலை அமர்வு நிறைவுற்றது.

இரவு அமர்வு, 18.50 மணிக்கு, மஹ்ழரா குர்ஆன் மத்ரஸா மாணவர்களின் சன்மார்க்கப் பாடலுடன் துவங்கியது. இந்நிகழ்ச்சியில் சிறப்பு அழைப்பாளர்களுள் ஒருவராகக் கலந்துகொண்ட - கன்னியாகுமரி மாவட்டம் குளச்சல் மாலிக் தீனார் ஜும்ஆ மஸ்ஜித் தலைமை இமாம் மவ்லவீ எம்.அப்துல் ஸலாம் ஜமாலீ சிறப்புரையாற்றினார்.



அதனைத் தொடர்ந்து, இந்த மீலாத் விழாவை முன்னிட்டு,

இம்மாதம் 04ஆம் தேதியன்று - காயல்பட்டினம் சதுக்கைத் தெரு ஜன்னத்துல் காதிரிய்யா பெண்கள் தைக்காவில் நடைபெற்ற மகளிருக்கான பேச்சுப்போட்டி,

05ஆம் தேதியன்று அதே இடத்தில் நடைபெற்ற மகளிருக்கான திருக்குர்ஆன் மனனப் போட்டி,

07, 08 தேதிகளில் நடைபெற்ற மஹ்ழரா குர்ஆன் மத்ரஸா மாணவர்களுக்கான சன்மார்க்கப் போட்டி,

12ஆம் தேதியன்று நடைபெற்ற மஹ்ழரா அரபிக்கல்லூரி மாணவர்களுக்கான பேச்சுப் போட்டி

ஆகிய போட்டிகளில் வெற்றிபெற்ற மாணவர்களுக்கு, மஹ்ழரா மீலாதுர் ரஸூல் கமிட்டியின் சார்பில், அதன் தலைவர் மவ்லவீ பி.எம்.ஆர்.எஸ்.முஹ்யித்தீன் இஸ்மாஈல் மஹ்ழரீ மற்றும் நகரப் பிரமுகர்கள் பரிசுகளை வழங்கினர். பரிசு பெற்றோர் விபரப் பட்டியலும், பரிசு பெற்ற காட்சிகளும் வருமாறு:-















தொடர்ந்து, விழாவின் மற்றொரு சிறப்பழைப்பாளராகக் கலந்துகொண்ட - சென்னை பல்கலைக் கழகத்தின் விரிவுரையாளரும், தமிழ்நாடு மாநில ஜமாஅத்துல் உலமா சபையின் சென்னை மாவட்ட செயலாளரும், சென்னை - பெரம்பூர் ரஹ்மானிய்யா ஜும்ஆ மஸ்ஜித் இமாமுமான மவ்லவீ ஹாஃபிழ் முனைவர் வி.எஸ்.அன்வர் பாதுஷாஹ் உலவீ சிறப்புரையாற்றினார்.



மஹ்ழரத்துல் காதிரிய்யா சபையின் துணைச் செயலாளர் ஹாஜி ‘ஜெஸ்மின்’ ஏ.கே.கலீலுர்ரஹ்மான் நன்றி கூற, மஹ்ழரா அரபிக்கல்லூரியின் பேராசிரியர் மவ்லவீ ஹாஃபிழ் நஹ்வீ எஸ்.எம்.பி.செய்யித் ஹாமித் ஸிராஜீ துஆவுடன் விழா நிகழ்ச்சிகள் யாவும் நிறைவுற்றன. காயல் எஸ்.இ.அமானுல்லாஹ் நிகழ்ச்சிகளை நெறிப்படுத்தினார்.

அனைத்து நிகழ்ச்சிகளிலும், நகரின் அனைத்துப் பகுதிகளைச் சேர்ந்த பொதுமக்கள் திரளாகக் கலந்துகொண்டனர். நிறைவில் அனைவருக்கும் ‘தபர்ருக்’ எனும் நேர்ச்சை வினியோகிக்கப்பட்டது.



















படங்களில் உதவி:
A.R.ஷேக் முஹம்மத்

மஹ்ழரா மீலாதுர் ரஸூல் கமிட்டி சார்பில் கடந்தாண்டு நடத்தப்பட்ட மீலாத் விழா குறித்த தகவல்களடங்கிய செய்தியைக் காண இங்கே சொடுக்குக!