Kayal on the Web

செய்திகள்

செய்தி எண் (ID #) 12855

#KOTW12855

வெள்ளி, ஐனவரி 24, 2014

திமுகவில் இருந்து மு.க.அழகிரி தற்காலிகமாக நீக்கம்!

செய்தி: காயல்பட்டணம்.காம்
இந்த பக்கம் 2587 முறை பார்க்கப்பட்டுள்ளது | வாசகர் கருத்துக்கள் காண (6) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 3)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

திமுகவில் இருந்து தென் மண்டல அமைப்புச் செயலாளர் மு.க.அழகிரி தற்காலிகமாக நீக்கப்படுவதாக கட்சியின் பொதுச் செயலாளர் அன்பழகன் அறிவித்துள்ளார்.

மு.க. அழகிரி இனியும் தொடர்ந்து கழகத்தில் நீடிப்பது முறையல்ல என்ற காரணத்தாலும், அது கழகத்தின் கட்டுப்பாட்டை மேலும் குலைத்து விடும் என்பதாலும், அவர், தி.மு.கழக உறுப்பினர் பொறுப்பு உட்பட கழகத்தின் அனைத்துப் பொறுப்புக்களிலிருந்தும் தற்காலிகமாக நீக்கி வைக்கப்படுகிறார் என்று கழக அறிக்கையில் தெரிவிக்கப்பட்டுள்ளது.

இது தொடர்பாக திமுக கட்சித் தலைமையகம் வெளியிட்டுள்ள அறிக்கையில்,

"கட்சிக்குள் ஏற்படும் அபிப்பிராயப் பேதங்கள், கோபதாபங்கள் இவைகளைப் பற்றி முறையிட, கட்சிக்குள்ளேயே முறையாகத் தேர்ந்தெடுக்கப்பட்ட அமைப்புகள் தலைமைக் கழகத்தில் இருக்கின்றது.

இந்த நிலையில், தங்கள் எண்ணங்களை வெளியிடவும், கட்சியின் கட்டுப்பாட்டைக்குலைக்காமல் காப்பாற்றவும், பிரச்சினைகளுக்கு தீர்வு காணவும் முறைப்படியுள்ள கழக அமைப்புகளைக் கலந்து பேசாமலும், அந்த அமைப்புகளை மதிக்காமலும், வேண்டுமென்றே திட்டமிட்டு, கழக அணியோடு கூட்டணி சேர நினைக்கின்ற கட்சிகளின் தலைமையைப் பற்றி அவதூறு கூறி கூட்டணி ஏற்படுவதைக் குலைக்க முயற்சித்தும், திராவிட இயக்கம் தொடக்க முதல் இதுவரையில் விரும்பாததும், வெறுத்து ஒதுக்குவதுமான சாதிச்சச்சரவுகள்; இயக்கத்திற்குள் ஏற்பட்டிருப்பது போன்ற ஒரு தோற்றத்தை உருவாக்கி; தங்கள் ஆத்திரத்தைத் தீர்த்துக் கொள்ள வேண்டுமென்றே திட்டமிட்டு ஒரு சிலர் குறிப்பாக மதுரை மாவட்டத்தில் தி.மு. கழகத் தோழர்கள் சிலர் மீது பி.சி.ஆர் எனும் வன்கொடுமைத் தடுப்புச் சட்டத்தைத் தவறாகப் பயன்படுத்தி, நடவடிக்கை எடுக்க, துணை போகிற துரோகச் செயலில் ஈடுபட்ட சிலர் மீதெல்லாம் ஒழுங்கு நடவடிக்கை எடுக்கப்பட்டிருக்கிறது.

இவ்வாறு துரோகச் செயலில் ஈடுபட்டவர்கள் மீது எடுக்கப்பட்ட ஒழுங்கு நடவடிக்கையை கடுமையாக விமர்சித்தும், முறையற்ற விவாதங்களில் நேரிடையாகவே ஈடுபட்டும், கழகச் செயல் வீரர்களை தொடர்ந்து பணியாற்ற வேண்டாமென்று கூறியும், குழப்பம் விளைவிக்க முயன்ற தென் மண்டலக் கழக அமைப்புச் செயலாளர் மு.க. அழகிரி இனியும் தொடர்ந்து கழகத்தில் நீடிப்பது முறையல்ல என்ற காரணத்தாலும், அது கழகத்தின் கட்டுப்பாட்டை மேலும் குலைத்து விடும் என்பதாலும், அவர், தி.மு. கழக உறுப்பினர் பொறுப்பு உட்பட கழகத்தின் அனைத்துப் பொறுப்புக்களிலிருந்தும் தற்காலிகமாக நீக்கி வைக்கப்படுகிறார்.

கழகத்தின் நன்மைக்காக தெரிவித்துள்ள முடிவான இந்தக் கருத்தினை,கழக உடன்பிறப்புகள் அனைவரும் ஏற்று, ஒற்றுமை யோடும், கட்டுப்பாட்டோடும் கழகம் நடப்பதற்கு உடன்பிறப்புகள் அனைவரும் துணை நிற்க வேண்டுமென்று கேட்டுக் கொள்ளப்படுகிறார்கள்"

என்று அந்த அறிக்கையில் தெரிவிக்கப்பட்டுள்ளது.

தகவல்:
தி இந்து

{TAGS} dmk karunanidhi alagiri stalin anbazhagan anti party disciplinary action

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. எங்கே வாரிசு அரசியல்?
posted by முஹம்மது ஆதம் சுல்தான் (YANBU) [24 January 2014]
IP: 188.*.*.*

Saudi Arabia | Comment Reference Number: 32672

அண்மையில் நாடாளுமன்ற தேர்தல் நெருங்கும் வேளையில் அனைத்து உறுப்பினர்களின் ஒற்றுமையை ஒட்டுமொத்தமாக பெற்று வெற்றி வழியை தேடும் இத்தருணத்தில், தென் மண்டல சிங்கம் என்று வர்ணிப்புக்குள்ளான வலிமை மிகு தலைகளில் ஒருவரான அழகிரியை நீக்கியது ஒரு துணிச்சலான நடவடிக்கை!

ஐந்து பேர் கொண்ட கட்சியானாலும் தலைமைக்கு கட்டுபடுபவர்தான் கட்சியின் கொள்கையை காப்பாற்றியவராவார்!

தலைமையை தூக்கிஎறிவது என்பது,தோணியின் துடுப்பை தவிர்ப்பதற்கு சமமாகும்,துடிப்பில்லாத் தோணி எக்காலத்தில். எந் திசையில் கரையை எட்டும் என்று எவராலும் சொல்ல முடியாது!

கொள்கை கோபுரத்தில் பிரகாசித்துக்கொண்டிருக்கும் தி.மு.க வில் அவ்ஒளியை மங்க செய்யும் முயற்சியில் முனைவது தன்மகனாக இருந்தாலும் எடுத்தெறிய தயங்கோம் என்ற இலக்கணத்திற்கு எடுத்துக்காட்டாய் திகழ்வதுதான் தி.மு.க.

துணிச்சலான நடவடிக்கை,தன் இனம் என்று பாராமல் தன் தனையனுக்கெதிரான தன்னலமற்ற தலைமையின் இம்முடிவிலிருந்து வாரிசுகளுக்கே தி.மு.க வை தாரைவார்த்து விட்டார் என்று இதுவரைபழித்தவர்கள் இப்போதாவது சற்று விழிப்பார்களா?

அல்லாஹ் அனைத்தும் அறிந்தவன்,
அன்புடன்,
முஹம்மது ஆதம் சுல்தான்!