Kayal on the Web

செய்திகள்

செய்தி எண் (ID #) 13406

#KOTW13406

செவ்வாய், ஏப்ரல் 1, 2014

மாவட்ட அளவிலான போட்டிகளில் வென்ற தமது அணியினருக்கு ஐக்கிய விளையாட்டு சங்கம் விருந்து!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 2913 முறை பார்க்கப்பட்டுள்ளது | வாசகர் கருத்துக்கள் காண (4) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

மாவட்ட அளவிலான போட்டிகளில் வெற்றிபெற்றமைக்காக, தமது அணியினருக்கு - ஐக்கிய விளையாட்டு சங்கத்தில் விருந்துபசரிப்பு செய்யப்பட்டுள்ளது. இதுகுறித்த செய்திக்குறிப்பு:-

காயல்பட்டினம் ஐக்கிய விளையாட்டுச் சங்க கால்பந்து மற்றும் கிரிக்கெட் அணியினர் இவ்வருடம் நடைபெற்ற மாவட்ட அளவிலான போட்டிகளில் வெற்றிபெற்றமைக்காக, கடந்த ஞாயிற்றுக்கிழமை பின்னேரம் திங்கள் இரவு ஐக்கிய விளையாட்டுச் சங்கத்தின் இரண்டு அணி வீரர்கள் உட்பட அனைத்து அங்கத்தினர்களுக்கும் இரவு உணவு விருந்து வழங்கப்பட்டது.

கடந்த 23ஆம் தேதி ஆதித்தனார் அறிவியல் மற்றும் கலை கல்லூரி மைதானத்தில் நடைபெற்ற மாவட்ட அளவிலான சூப்பர் நாக்கவுட் போட்டியில் தூத்துக்குடி வில்சன் கால்பந்து கழக அணியினருடன் 2-1 என்ற கோல் கணக்கில் வெற்றி பெற்று சாம்பியன் கோப்பை போட்டிக்கு தகுதி பெற்றிருந்தது.

அதுபோன்று கடந்த 29ஆம் தேதி நடைபெற்ற மாவட்ட அளவிலான கிரிக்கெட் லீக் போட்டியின் இறுதி ஆட்டத்தில் தூத்துக்குடி - பேர்ல் சிட்டி அணியினரை 5 விக்கெட்டுகள் வித்தியாசத்தில் USC அணியினர் வெற்றிபெற்றனர்.

இத்தருணத்தில் அனைத்து வீரர்கள் மற்றும் USC-யின் அங்கத்தினர்களுக்கு விருந்து அளித்து கௌரவிக்கப்பட்டது.

கால்பந்து போட்டியில் அதிக கோல் அடித்தமைக்காக USC வீரர் வாஸிஃபிற்கும், கிரிக்கெட்டில் ஒரு போட்டியில் அதிகபட்ச ரன் அடித்தமைக்காக USC வீரர் கோமான் யாஸருக்கும், பூட் மற்றும் ஷூ வழங்கி கௌரவிக்கப்பட்டது.

இந்த விருந்துபசரிப்பில் சுமார் 200-க்கும் அதிகமான விளையாட்டு வீரர்கள் மற்றும் அங்கத்தினர்கள் கலந்து கொண்டனர்.

இவ்வாறு அந்த செய்திக்குறிப்பில் தெரிவிக்கப்பட்டுள்ளது.

தகவல் & படங்கள்:
M.ஜஹாங்கீர்

{TAGS} usc uniteds sports club sports foolball adithanar college district level feast virunthu usc feast usc virunthu

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...
posted by Solukku.ME.Syed Moosa. (QATAR) [01 April 2014]
IP: 176.*.*.*

Qatar | Comment Reference Number: 34086

அஸ்ஸலாமுஅலைக்கும்.நல்ல ஏற்பாடு.மண்ணின் மணம் பரப்பிய வீரர்களுக்கு மரியாதை நிமித்தம் ஏற்பாடு செய்ததை வரவேற்கிறேன்.வாழ்த்துக்கிறேன். முன்னாள் கால் பந்து உறுப்பினர்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:...
posted by தமிழன் முத்து இஸ்மாயில் (காயல்பட்டினம்.) [02 April 2014]
IP: 116.*.*.*

India | Comment Reference Number: 34088

மேலும் மேலும் பெருமை சேர்க்க வாழ்த்துக்கள்...

பயற்சி அளித்த பயற்சியாளருக்கும் பாராட்டுக்கள்..

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. டிப்பர் லாரி
posted by NIZAR (KAYALPATNAM) [02 April 2014]
IP: 117.*.*.*

India | Comment Reference Number: 34089

தூத்துக்குடி மாவட்ட அளவிலான போட்டிகளில் வென்ற தமது அணியினருக்கு காயல்பட்டினம் ஐக்கிய விளையாட்டு சங்கம் விருந்து அளித்து கவ்ரவித்தது. இது வீரர்களுக்கு உற்சாகத்தையும், அளவிலா சந்தோசத்தையும் ஏற்படுத்தியது.

மாவட்டஅளவில் வெற்றிபெறுவது எத்தனை கடினமான விஷயம் என்பதை என்னை போன்ற முன்னாள் வீர்களுக்கு தெரியும்.

விருந்து என்றவுடன் இந்த சங்கத்தின் அணியின் ஒருவனாக 25 வருடத்துக்கு முன்னால் புதக்குடி என்ற ஊரில் விளையாட சென்ற நினைவுகள் என் இதயத்தை தட்டிபார்த்தன.

அன்னவயல் கிராமம்,தெருக்களில் சில வீடுகளின் கம்பீரம் ஊரில் வசதி வழிந்தோடுவதை காட்டின, பெரும்பாலும் மக்கள் நம் ஊரைப்போல் வளைகுடா சிங்கப்பூரில் வணிகம் மற்றும் வேலையில் உள்ளனர்.

போனவுடன் முதல் போட்டியில் எதிர் அணியை துவம்சம் செய்தோம். இனம் இனத்தோடு சேரும் என்பது போல எங்களுக்கு அளப்பரிய ஆதரவும், அவர்கள் காட்டிய அன்புக்கு அலங்காரம் செய்ய என்னிடத்தில் வார்த்தை இல்லை.

மறுநாள் வெள்ளிகிழமை எங்களுக்கு ஜும்மா முடிந்ததும் நெய்சோறு கோழிக்கறி விருந்து படைத்தார்கள்.வீரர்கள் டிப்பர் லாரியில் மண்ணை தட்டுவதுபோல் சோற்றை தட்டி கறியுடன் பூந்து விளையாடினர் .

நான்கு மணிக்கு இரண்டாவது போட்டி ஆரம்பம்.உணவில் மயங்கிய எங்களை லாவகமாக எதிரணியினர் வெற்றி பெற்றனர்.

எங்களுக்கு ஆறுதல் சொன்ன அந்த ஊரு ரசிகர்கள், கவலை படாதீர்கள் இன்னொரு விருந்து சாப்பிடலாம் என்றார்கள்.

நம்ம ஆட்களை திருத்தவே முடியாது என்று உடனே ஊருக்கு பெட்டி காட்டினோம்..

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

4. Re:...
posted by AHAMED SULAIMAN (Dubai) [02 April 2014]
IP: 2.*.*.*

United Arab Emirates | Comment Reference Number: 34099

அஸ்ஸலாமு அலைக்கும்,

இரண்டு அணி வீரர்களுக்கும் நிர்வாகிகளுக்கும் வாழ்த்துக்கள் மற்றும் பாராட்டுகள் .

விருந்துக்கு போடப்பட்ட வாழை இலை இயற்கையான வாழை இலையாக இருந்திருக்கலாம் , அதற்கு கூட பஞ்சம் வந்துவிட்டா ?

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்