{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் மஜ்லிஸுல் புகாரிஷ் ஷரீஃப் ஸபையின் 87ஆம் ஆண்டு நிகழ்ச்சிகள், இம்மாதம் 27ஆம் நாள் ஞாயிற்றுக்கிழமையன்று 19.00 மணிக்கு மணிக்கு திக்ர் மஜ்லிஸுடன் துவங்கியது. காயல்பட்டினம் மஸ்ஜிதுல் ஆமீர் - மரைக்கார் பள்ளியின் இமாம் ஹாஜி டி.எம்.கே.முத்து செய்யித் அஹ்மத் திக்ர் மஜ்லிஸுக்கு தலைமை தாங்கி வழிநடத்தினார். துஆவுடன் நிகழ்ச்சி நிறைவுற்றது.

முதல் நாள் சொற்பொழிவு 01.05.2014 வியாழக்கிழமை (நாளை) துவங்குகிறது. நாளை அதிகாலை அல்ஜாமிஉஸ் ஸஹீஹுல் புகாரீ கிரந்தத்தின் முதல் நாள் பாடம் ஓதப்பட்டு, காலை 09.00 மணிக்கு அதற்கான விளக்கவுரை வழங்கப்படுகிறது.

தமிழ்நாடு மாநில ஜமாஅத்துல் உலமா சபையின் தூத்துக்குடி மாவட்ட தலைவரும், அல்ஜாமிஉஸ் ஸகீர் - சிறிய குத்பா பள்ளியின் கத்தீபும், ஜாவியா அரபிக் கல்லூரியின் முதல்வருமான மவ்லவீ எஸ்.எம்.முஹம்மத் ஃபாரூக் அல்ஃபாஸீ விளக்கவுரையாற்றுகிறார்.

மே மாதம் 31ஆம் நாள் சனிக்கிழமையன்று அபூர்வ துஆ பிரார்த்தனையுடன் நிகழ்ச்சிகள் நிறைவுறுகின்றன. மறுநாள் 01.06.2014 அன்று அதிகாலையில் நேர்ச்சை வினியோகம் நடைபெறவுள்ளது.

நிகழ்ச்சி ஏற்பாடுகளை, மஜ்லிஸுல் புகாரிஷ் ஷரீ்ஃப் ஸபை வைபவக் கமிட்டியினர் செய்து வருகின்றனர்.

மஜ்லிஸுல் புகாரிஷ் ஷரீஃப் ஸபையின் 87ஆம் ஆண்டு 30 நாட்களில் நடைபெறும் சொற்பொழிவுகள் அந்நிர்வாகத்தின் சார்பில் அதன் http://www.bukhari-shareef.com/eng/live/ என்ற வலைதள பக்கத்தில் ஒலி நேரலை செய்ய திட்டமிடப்பட்டுள்ளது.

இவ்வாண்டு நிகழ்முறை குறித்து மஜ்லிஸ் நிர்வாகத்தின் சார்பில் வெளியிடப்பட்டுள்ள பிரசுரம் வருமாறு:-



கடந்தாண்டு (ஹிஜ்ரீ 1434) மஜ்லிஸுல் புகாரிஷ் ஷரீஃப் துவக்க நிகழ்ச்சி குறித்த செய்தியைக் காண இங்கே சொடுக்குக!