{ முகநூல் கருத்துக்கள்}{ட்விட்டர் கருத்துக்கள்}

மே 01 உழைப்பாளர் நாளை முன்னிட்டு, இந்திய யூனியன் முஸ்லிம் லீகின் தொழிலாளர் பிரிவான சுதந்திர தொழிலாளர் யூனியன் சார்பில் காயல்பட்டினத்தில் கொடியேற்றப்பட்டுள்ளது. இதுகுறித்து, அக்கட்சியின் தூத்துக்குடி மாவட்ட செய்தி தொடர்பாளர் எஸ்.கே.ஸாலிஹ் வெளியிட்டுள்ள செய்தியறிக்கை:-

மே 01 உழைப்பாளர் நாளாகும். இதனை முன்னிட்டு, இந்திய யூனியன் முஸ்லிம் லீகின் தொழிலாளர் பிரிவான சுதந்திர தொழிலாளர் யூனியன் சார்பில், தமிழ்நாடு மாநிலம் முழுவதும் அன்றைய நாளில் அதன் கொடியேற்ற நிகழ்ச்சி நடைபெற்றது.

தூத்துக்குடி மாவட்ட சுதந்திர தொழிலாளர் யூனியன் சார்பில், காயல்பட்டினம் பேருந்து நிலையத்தில் மே 01ஆம் நாள் வியாழக்கிழமை 17.30 மணிக்கு கொடியேற்ற நிகழ்ச்சி நடைபெற்றது.

முஸ்லிம் லீக் காயல்பட்டினம் நகர செயலாளர் ஏ.எல்.எஸ்.அபூஸாலிஹ் நிகழ்ச்சிகளை நெறிப்படுத்தினார். அரபி ஷாஹுல் ஹமீத் கிராஅத் ஓதி துவக்கி வைத்தார். நிகழ்ச்சிக்குத் தலைமை தாங்கிய - இந்திய யூனியன் முஸ்லிம் லீக் சுதந்திர தொழிலாளர் யூனியன் தூத்துக்குடி மாவட்ட அமைப்பாளர் ஆர்.பி.ஷம்சுத்தீன் அனைவரையும் வரவேற்றுப் பேசினார்.



முஸ்லிம் லீக் நகர தலைவர் வாவு கே.எஸ்.முஹம்மத் நாஸர், சுதந்திர தொழிலாளர் யூனியன் கொடியேற்றினார்.



எம்.எல்.ஷேக்னா லெப்பை நன்றி கூற, மாவட்ட செய்தி தொடர்பாளர் எஸ்.கே.ஸாலிஹ் துஆவுடன் நிகழ்ச்சி நிறைவுற்றது. இதில் கலந்துகொண்ட அனைவருக்கும் இனிப்பு வழங்கப்பட்டது.



இவ்வாறு அந்த அறிக்கையில் தெரிவிக்கப்பட்டுள்ளது.

இந்திய யூனியன் முஸ்லிம் லீக் - சுதந்திர தொழிலாளர் யூனியன் சார்பில் கடந்தாண்டு நடைபெற்ற கொடியேற்ற நிகழ்ச்சி குறித்த செய்தியைக் காண இங்கே சொடுக்குக!

இந்திய யூனியன் முஸ்லிம் லீக் தொடர்பான முந்தைய செய்தியைக் காண இங்கே சொடுக்குக!