Kayal on the Web

செய்திகள்

செய்தி எண் (ID #) 13727

#KOTW13727

வியாழன், மே 15, 2014

பன்னிரண்டாம் வகுப்பு அரசு பொது தேர்வுகளின் மாநில முதல் மாணவி - சந்தியுங்கள் மாநிலத்தின் முதல் மாணவரை நிகழ்ச்சியில் கலந்துக்கொள்ள - ஜூன் மாதம் காயல்பட்டினம் வருகிறார்!

செய்தி: காயல்பட்டணம்.காம்
இந்த பக்கம் 3766 முறை பார்க்கப்பட்டுள்ளது | வாசகர் கருத்துக்கள் காண (4) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

மார்ச் மாதம் நடைபெற்ற பன்னிரண்டாம் வகுப்புக்கான அரசு பொது தேர்வு முடிவுகள் மே 9 அன்று வெளியாகின. 8 லட்சம் மாணவர்களுக்கும் மேற்பட்டோர் எழுதிய இத்தேர்வுகளில் - மாநில அளவில் முதல் மதிப்பெண்ணை ஊத்தங்கரை - ஸ்ரீ வித்தியா மந்திர் மெட்ரிகுலேசன் மேல்நிலைப்பள்ளி மாணவி சுஷாந்தி பெற்றார்.

கிருஷ்ணகிரி நகரை சார்ந்த இவர் - உயிரியல், இயற்பியல், கணிதம் பாடங்களில் 200க்கு 200 மதிப்பெண்களும், வேதியல் பாடத்தில் 200க்கு 199 மதிப்பெண்ணும், தமிழில் 200க்கு 198 மதிப்பெண்ணும், ஆங்கிலத்தில் 200க்கு 196 மதிப்பெண்ணும் பெற்று - மொத்தம் 1200 மதிப்பெண்களுக்கு, 1193 மதிப்பெண்கள் பெற்றுள்ளார்.

இவரின் தந்தை சிவபிரகாஷ் - கிருஷ்ணகிரி அருகே குந்தரப்பள்ளி என்ற ஊரில் உள்ள அரசு உயர்நிலைப்பள்ளியில் உடற்பயிற்சி ஆசிரியராக உள்ளார். இவரின் தாயார் தெய்வநாயகி - இல்லத்தரசி.

சுஷாந்தி - மண்டல அளவில், பாட்மிண்டன் விளையாட்டு போட்டிகளில் பரிசுகள் பல பெற்றுள்ளார். மேலும் - இவரின் - 8ம் வகுப்பு பயிலும் சகோதரர் மித்திரன், தேதிய அளவில், ஜூனியர் பிரிவில், பாட்மிண்டன் விளையாட்டு போட்டிகளில் பல பரிசுகளையும் பெற்றுள்ளார் என்பது குறிப்பித்தக்கது.

காயல்பட்டினம் பள்ளிக்கூட மாணவர்களை கல்வியில் ஊக்குவிக்க - சந்தியுங்கள் மாநிலத்தின் முதல் மாணவர்களை (MEET THE STATE TOPPERS) என்ற நிகழ்ச்சி காயல்பட்டினத்தில் நடத்தப்பட்டு வருகிறது. இந்த நிகழ்ச்சியை - 2006ம் ஆண்டு முதல், தி காயல் ஃபர்ஸ்ட் ட்ரஸ்ட் அமைப்பு, இக்ராஃ கல்விச் சங்கத்துடன் இணைந்து நடத்தி வருகிறது.

9வது ஆண்டு நிகழ்ச்சிகள் ஜூன் மாதம் காயல்பட்டினத்தில் நடத்தப்பட உள்ளன. இந்த நிகழ்ச்சியில் - மாநில முதல் மாணவி எஸ். சுஷாந்தி கலந்துக்கொள்கிறார்.

சந்தியுங்கள் மாநிலத்தின் முதல் மாணவர்களை நிகழ்ச்சியில் - மாநிலத்தின் முதல் மாணவர் மற்றும் உள்ளூர் பள்ளிகளில் இருந்து எதிர்வரும் கல்வியாண்டில் பன்னிரண்டாம் வகுப்பு அரசு பொது தேர்வு எழுதவுள்ள மாணவர்களுடனான கலந்துரையாடல் இடம்பெறும்.

மேலும் உள்ளூர் பள்ளிக்கூடங்களில் பயின்று பன்னிரண்டாம் மற்றும் பத்தாம் வகுப்பு அரசு பொது தேர்வுகளில் அதிகம் மதிப்பெண்கள் பெற்ற மாணவர்களும் கௌரவிக்கப்பட உள்ளனர்.

நிகழ்ச்சி குறித்த கூடுதல் விபரங்கள் விரைவில் வெளியிடப்படும்.

தனது பெரியம்மா மகன் ரேஸ்வர், தந்தை சிவ பிரகாஷ், தாயார் தெய்வநாயகியுடன் மாநிலத்தின் முதல் மாணவி சுஷாந்தி...

தனது பெரியம்மா மகன் ரேஸ்வர், தந்தை சிவ பிரகாஷ், பெரியம்மா சசிகலா, தாயார் தெய்வநாயகி, பாட்டி முனியம்மாள் ஆகியோருடன் மாநிலத்தின் முதல் மாணவி சுஷாந்தி...

{TAGS} plus two twelfth tenth sslc public exam state topper kayal first trust mtst meet the state topper iqra sushanthi

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...நமது ஊருக்கு எப்போது கிடைக்குமோ !!!!!!!!..
posted by ceylon fancy kazhi (Thiru valla , kerala) [15 May 2014]
IP: 180.*.*.*

India | Comment Reference Number: 34968

மாநிலத்தின் முதல் மாணவர் அல்லது மாணவி என்ற அந்தஸ்த்து நமது ஊருக்கு எப்போது கிடைக்குமோ !!!!!!!!.. மாணவர்களை கல்வியில் ஊக்குவிக்க - சந்தியுங்கள் மாநிலத்தின் முதல் மாணவர்களை என்ற நிகழ்ச்சி 9 ஆண்டுகளை கடந்து விட்டது ..இனி 10 ஆவது ஆண்டிலாவது இன்ஷாஅல்லாஹ் ,மாநிலத்தின் முதல் மாணவர் அல்லது மாணவி என்ற அந்தஸ்த்து நமது ஊருக்கு கிடைக்க எல்லாம் வல்ல அல்லாஹ்வை பிராத்தனை செய்வோமாக ....

ஆதங்கத்துடன் ,
சிலோன் பேன்சி காழி ,
திருவல்லா,
கேரளா ..

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:...முதல் மாணவி பற்றிய சர்ச்சை
posted by mackie noohuthambi (chennai) [15 May 2014]
IP: 116.*.*.*

India | Comment Reference Number: 34980

இன்றைய நாளிதழ் ஒன்றில் மாநிலத்தில் முதல் மாணவியாக தேர்வு பெற்றுள்ள சகோதரி அவர்களின் தந்தை ஒரு அரசு பள்ளியில் ஆசிரியராக பணியாற்றுகிறார். அவரே தனது மகளை தனியார் பள்ளிக்கு அனுப்பி அதில் அதிக மதிப்பெண்கள் பெற்றிருக்கிறார். அப்படியானால் அரசு பள்ளிக் கூடங்கள் தனியார் பள்ளிக் கூடங்களைவிட தரம் குறைந்தவை என்பதை அம்மாணவியின் தந்தையே ஒப்புக் கொள்கிறார். இதை பற்றி நீங்கள் என்ன நினைக்கிறீர்கள் என்ற கேள்வியையும் சகோதரியிடம் இந்த நிகழ்ச்சியை நடத்துபவர்கள் கேட்க வேண்டும் என்று அரசு பள்ளிக் கூடங்களில் கல்வி கற்கும் மாணவ மாணவிகள் சார்பாக கேட்கும்படி வேண்டிக் கொள்கிறேன்.

அந்த இருட்டுக்கும் பார்க்கின்ற விழி இருக்கும் - எந்த சுவருக்கும் கேட்கின்ற செவி இருக்கும்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:...
posted by ummuhani kareem (kayalpatnam) [15 May 2014]
IP: 123.*.*.*

India | Comment Reference Number: 34983

யாருக்குமே வராத யோசனை கருத்து எல்லாம் மக்கி மாமாவுக்கு தான் வருகிறது .

நீங்கள் ஏதாவது செய்யும் போது gov't ஹாஸ்பிடல் செல்வீர்களா? அல்லது private ஹாஸ்பிடல் செல்வீர்களா?

அந்த கணக்கு தான் இதுவும். இதையெல்லாம் பெரிதாக எடுத்து கொள்ளாமல் விட்டு தள்ளுங்கள்.

கருணாநிதிக்கும் அவரது குடும்பத்தினருக்கும் ஹிந்தி நல்லா தெரியும்.ஆனால் நம்மை படிக்க விட்டாரா? ஹஜ்ஜுக்கு சென்றிருக்கும் போது ஹிந்தி தெரியாமல் எவ்வளவு கஷ்டப்பட்டோம்? என்று அங்கு சென்று வருகின்றவர்களுக்கு மட்டும் தான் தெரியும் அந்த கணக்கு தான் இதுவும். டேக் இட் ஈஸி

உம்முஹானி கரீம் .

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

4. Re:...
posted by S.S.JAHUFER SADIK (JEDDAH - K.S.A) [15 May 2014]
IP: 188.*.*.*

Saudi Arabia | Comment Reference Number: 34986

நடைபெற இருக்கும் நிகழ்வுகள் சிறப்பாக அமைய வாழ்த்துக்கள்!

நமது மாணவ மாணவிகள் அதிவிரைவில் மாநில அளவில் இல்லாவிடினும் மாவட்ட அளவில் முத்திரை பதிப்பார்கள்.

படிப்படியாக முன்னேறுவார்கள் என்ற நம்பிக்கை பெற்றோர்களாகிய நம்மிடம் உண்டு.

கடத்த வருடங்களிலும் இந்த வருடமும் ஒருசில பாடத்தில் முத்திரை பதித்தது இதற்கு எடுத்துக்காட்டு.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்