Kayal on the Web

செய்திகள்

செய்தி எண் (ID #) 13729

#KOTW13729

வியாழன், மே 15, 2014

அதிமுகவில் இருந்து மலைச்சாமி நீக்கம்: ஜெயலலிதா நடவடிக்கை!

செய்தி: காயல்பட்டணம்.காம்
இந்த பக்கம் 3106 முறை பார்க்கப்பட்டுள்ளது | வாசகர் கருத்துக்கள் காண (4) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

தேர்தலுக்கு பிந்தைய கூட்டணி குறித்து கருத்து தெரிவித்த முன்னாள் எம்.பி கே.மலைச்சாமி, அதிமுகவிலிருந்து அதிரடியாக நீக்கப்பட்டார்.

இது தொடர்பாக அதிமுக பொதுச் செயலர் ஜெயலலிதா இன்று வெளியிட்ட அறிக்கையில்,

"கழகத்தின் கொள்கை - குறிக்கோள்களுக்கும் கோட்பாடுகளுக்கும் முரணான வகையில் செயல்பட்டதாலும், கழகத்தின் கண்ணியத்திற்கு மாசு ஏற்படுத்தும் வகையில் நடந்துகொண்டதாலும், கழகக் கட்டுப்பாட்டை மீறி கழகத்திற்கு களங்கமும் அவப் பெயரும் உண்டாகும் விதத்தில் செயல்பட்ட காரணத்தினாலும், தென் சென்னை வடக்கு மாவட்டத்தைச் சேர்ந்த டாக்டர் கே.மலைச்சாமி (ஓய்வுபெற்ற ஐஏஸ்) இன்று முதல் கழகத்தின் அடிப்படை உறுப்பினர் பொறுப்பு உட்பட அனைத்து பொறுப்புகளில் இருந்தும் நீக்கி வைக்கப்படுகிறார்.

கழக உறுப்பினர்கள் யாரும் இவருடன் எவ்வித தொடர்பும் வைத்துக்கொள்ளக் கூடாது எனக் கேட்டுக் கொள்கிறேன்" என்று அந்த அறிக்கையில் ஜெயலலிதா கூறியுள்ளார்.

முன்னதாக, தனியார் தொலைக்காட்சிக்கு அளித்த பேட்டியில், "நரேந்திர மோடி தலைமையிலான தேசிய ஜனநாயக முன்னணி பெரும்பான்மை பெறத் தவறும் நிலையில், அது வெளியில் இருந்து கட்சிகளின் ஆதரவை நாடினால், அதற்கு ஆதரவு தருவது குறித்து முதல்வர் ஜெயலலிதா முடிவெடுப்பார்" என்று பேட்டியளித்திருந்தார்.

மேலும், மோடி பிரதமர் ஆவதற்கு முதல்வர் ஜெயலலிதா அதரவு அளிப்பார் என்றும் அவர் தனது பேட்டியில் குறிப்பிட்டிருந்தார்.

இந்தப் பேட்டியின் எதிரொலியாகவே, அதிமுகவில் இருந்து மலைச்சாமியை அதிரடியாக நீக்கியிருக்கிறார், அக்கட்சியின் பொதுச் செயலர் ஜெயலலிதா.

தகவல்:
தி இந்து

{TAGS} elections 2014 jayalalitha malaisamy expulsion admk bjp nda post-poll alliance anti party

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...BBC பேட்டி எதிரொலி
posted by mackie noohuthambi (chennai) [15 May 2014]
IP: 116.*.*.*

India | Comment Reference Number: 34982

நான் நேற்றிரவு bbc தமிழோசை நிகழ்ச்சியில் மயில்சாமி அவர்களின் பேட்டியை கேட்டேன்.

அவர் தவறாக ஒன்றும் பேசவில்லை என்றாலும் கட்சி தலைவி ஒன்றும் சொல்லாமல் அமைதியாக ராஜதந்திரமாக, "தேர்தல் முடிவுகள் வெளிவரும் வரை காத்திருங்கள்" என்று சொல்லும்போது, இவர் முந்திக் கொண்டு அபிப்பிராயங்கள் சொல்வது கட்சி தலைமைக்கு ஒரு சவால்தான்.

எல்லா கட்சியிலும் இந்தமாதிரி ஒரு தலைமை இருக்க வேண்டியது அவசியம். காங்கிரஸ் தோல்விக்கு, மன்மோகன் சிங் தோல்விக்கு இது ஒரு காரணம்.

கட்சி கட்டுப்பாடு என்பது மிக முக்கியம். திமுகவின் தலைமைகூட ஆட்டம் கண்டிருப்பதால்தான் அங்கும் பிரச்சினை ஏற்பட்டுள்ளது.அந்த வகையில் அம்மா அவர்களின் துணிச்சலான முடிவு பாராட்ட தக்கதே. மற்றப்படி மயில்சாமியின் மீது வேறு குற்றச்சாட்டுக்கள் இருக்கிறதா என்பது தெரியவில்லை.

நாளை ஒரு பொழுது பொறுத்திருக்க முடியாதா, ஆக்க பொறுத்தவனுக்கு ஆற பொறுக்கவில்லையே..நாளை எத்தனை பேருடைய கனவுகள் சிதைந்து சின்னாபின்னமாகப்போகிறதோ யார் அறிவார் , அந்த இறைவனே மிக அறிந்தவன்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:...
posted by Abdul Wahid S. (Kaayalpattinam) [15 May 2014]
IP: 115.*.*.*

India | Comment Reference Number: 34989

தி மு க விலிருந்து எவரையாவது விளக்க வேண்டும் என்றால் ரூம் போட்டு யோசித்து முடிவு எடுக்கிறார்கள். உதாரணத்திற்கு அழகிரியை வெளியேற்ற பல நாட்கள் எடுத்தார்கள்.

இந்த அம்மாவின் முடிவு INSTANT .

"முந்திரிக்கொட்டை" என்பதன் இலக்கணம் மலைச்சாமி ?

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:...
posted by சாளை S.I.ஜியாவுத்தீன் (அல்கோபார் ) [15 May 2014]
IP: 37.*.*.*

Saudi Arabia | Comment Reference Number: 34990

நுணலும் தன் வாயால் கெடும்.

அம்மா தி.மு.க வில் அம்மாவை தவிர யாரும் வாயை திறக்கலாமோ..!!!

சாளை S.I.ஜியாவுத்தீன், அல்கோபார்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

4. தலை இருக்கும் போது வாலு ஆடகூடாதுடோய்......!!!
posted by s.s.md meerasahib (TVM) [15 May 2014]
IP: 106.*.*.*

India | Comment Reference Number: 34991

அம்மாவின் அதிரடி இவரை பொருத்தவரை சரியானதே.,........ அதே...... சமயம் அம்மா என்னும் முந்திரி கொட்டை நான் இருக்கும் போது நீ எப்படி முந்திரி கொட்டையாவது? என்ற பிரஷ்டிஜும்தான். எப்படி இருந்தாலும் எங்களுக்கு டபுள் ஓகே. மலைச்சாமி அதிமுக வில் ஆண் மகன் இருப்பதை நிருபித்து இருக்கிறார். ஆனால் சாதிக்க முடியவில்லை. மற்ற அதிமுக செயற்குழு எல்லாவரும் ஆண் மகன்கள் இருப்பதை நிரூபியும்கள் தையிரியம் இருந்தால்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்