{ முகநூல் கருத்துக்கள்}{ட்விட்டர் கருத்துக்கள்}

மவ்லானா அபுல் கலாம் ஆஸாத் நினைவு சுழற்கோப்பைக்கான அகில இந்திய கால்பந்து சுற்றுப்போட்டியின் - நேற்று (மே 16) நடைபெற்ற இரண்டாவது சுற்றுப்போட்டியில், காயல்பட்டினம் ஐக்கிய விளையாட்டு சங்க அணி வெற்றி பெற்று காலிறுதிக்குள் நுழைந்துள்ளது. விரிவான விபரம் வருமாறு:-

காயல்பட்டினம் ஐக்கிய விளையாட்டு சங்கத்தின் சார்பில், மவ்லானா அபுல்கலாம் ஆஸாத் நினைவு சுழற்கோப்பைக்கான - அகில இந்திய அளவிலான கால்பந்து சுற்றுப்போட்டிகள் ஆண்டுதோறும் நடத்தப்பட்டு வருகிறது. 49ஆம் ஆண்டு சுற்றுப்போட்டிகள் மே 08ஆம் நாளன்று துவங்கியது. மே 16 அன்று இரண்டாவது சுற்றுப்போட்டி 16.40 மணிக்குத் துவங்கியது. இதில், நெல்லை மாவட்ட கால்பந்துக் கழக அணியும், காயல்பட்டினம் ஐக்கிய விளையாட்டு சங்க அணியும் மோதின.











ஆட்டத்தின் துவக்கம் முதல் இறுதி வரை ஈரணிகளும் சம பலத்துடன் விளையாடியபோதிலும், காயல்பட்டினம் அணியின் ஆமிர் சுஹைல் (2 கோல்கள்), வாஸிஃப் ஆகியோர் தமக்குக் கிடைத்த வாய்ப்புகளை அழகாகப் பயன்படுத்தி கோலாக்கினர். நெல்ழை அணியினர் கோல் எதுவும் அடிக்காததால், 3-0 என்ற கோல் கணக்கில் காயல்பட்டினம் அணியினர் வெற்றி பெற்று, இம்மாதம் 18ஆம் நாளன்று நடைபெறவுள்ள மூன்றாவது காலிறுதிப் போட்டியில், இன்று (மே 17) விளையாடி வெற்றி பெறும் அணியுடன் களம் காணவுள்ளனர்.





இன்றைய போட்டியை, நகரின் அனைத்துப் பகுதிகளைச் சேர்ந்த கால்பந்து ஆர்வலர்கள் கண்டு களித்தனர்.































இன்றைய போட்டியில், மஹாராஷ்ட்டிர மாநிலம் புனே நகரின் ஷரத் சாக்கர்ஸ் அணியினரை எதிர்த்து, கேரள மாநிலம் கொச்சி போர்ட் ட்ரஸ்ட் அணியினர் களம் காணவுள்ளனர்.

போட்டி நிரல் வருமாறு:-



மவ்லானா அபுல் கலாம் ஆஸாத் நினைவு சுழற்கோப்பைக்கான அகில இந்திய கால்பந்துப் போட்டி தொடர்பான முந்தைய செய்தியைக் காண இங்கே சொடுக்குக!

கடந்தாண்டு (2013) மவ்லானா அபுல் கலாம் ஆஸாத் நினைவு சுழற்கோப்பைக்கான அகில இந்திய கால்பந்து 09ஆம் நாள் போட்டி குறித்த செய்தியைக் காண இங்கே சொடுக்குக!