{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் மழ்ஹருல் ஆபிதீன் சன்மார்க்க ஸபை சார்பில், இம்மாதம் 16ஆம் நாளன்று இஃப்தார் - நோன்பு துறப்பு நிகழ்ச்சி நடத்தப்பட்டுள்ளது. இதுகுறித்து, அந்நிறுவனத்தின் சார்பில் வெளியிடப்பட்டுள்ள அறிக்கை வருமாறு:-

காயல்பட்டினம் மஸ்ஜித் அல்ஜதீத் - புதுப்பள்ளி வளாகத்தில், பள்ளிக்கூடம் செல்லும் மாணவர்களுக்கு - அவர்களது வார விடுமுறை நாட்களில் இஸ்லாமிய மார்க்க அடிப்படைக் கல்வி பயிற்றுவிப்பதற்காக இயங்கி வரும் நிறுவனம் - மழ்ஹருல் ஆபிதீன் சன்மார்க்க ஸபை.

இந்நிறுவனத்தின் சார்பில், அங்கு பயிற்றுவிக்கும் ஆசிரியர்கள், பயிலும் மாணவர்கள், பயின்ற முன்னாள் மாணவர்கள் உள்ளிட்ட அங்கத்தினர் பங்கேற்கும் வகையில், ஆண்டுதோறும் ரமழான் 17ஆம் நாள் - பத்ர் ஸஹாபா நினைவு நாளன்று இஃப்தார் - நோன்பு துறப்பு நிகழ்ச்சி நடத்தப்படுவது வழமை.

அந்த அடிப்படையில், நடப்பாண்டு, பத்ரு ஸஹாபா நினைவு நாளான புனித ரமழான் மாதம் பிறை 17 அன்று (ஜூலை 16) இஃப்தார் - நோன்பு துறப்பு நிகழ்ச்சி நடைபெற்றது.



இந்நிகழ்ச்சியில், அனைவருக்கும் பேரீத்தம்பழம், கேக், சம்ஸா, கட்லெட், மத்ரஸா இயங்கி வரும் புதுப்பள்ளி நிர்வாகத்தின் சார்பில் கறி கஞ்சி, குளிர்பானம் ஆகியன பரிமாறப்பட்டன.



இந்நிகழச்சியில் மத்ரஸா மாணவர்களும், முன்னாள் மாணவர்களும், மத்ரஸா நிர்வாகிகளான ஹாஃபிழ் பாளையம் நயீம் உதுமான், கே.வி. ஹபீப் முஹம்மத், ஸாலிஹ் ஹாஜி, அப்துல் அஜீஸ் லெப்பை, கலீஃபா சதக்கத்துல்லாஹ், முஹம்மத் அலீ ஸாஹிப், இசட்.ஏ. சேக் அப்துல் காதிர், சேக் அப்துல் காதர் ஸூஃபீ, மரைக்கார் ஆகியோரும், தாய்லாந்து காயல் நல மன்ற (தக்வா) உறுப்பினர் அபுல் மஆலி, மத்ரஸா ஆசிரியர் ஹாஃபிழ் எம்.டி.முஹம்மத் அப்துல் காதிர் ஆலி்ம் உள்ளிட்ட பலரும் கலந்துகொண்டனர்.



இவ்வாறு, மழ்ஹருல் ஆபிதீன் சன்மார்க்க சபையின் சார்பில் வெளியிடப்பட்டுள்ள அறிக்கையில் தெரிவிக்கப்பட்டுள்ளது.

மழ்ஹருல் ஆபிதீன் சன்மார்க்க சபை சார்பில் கடந்தாண்டு (ஹிஜ்ரீ 1434) நடத்தப்பட்ட இஃப்தார் - நோன்பு துறப்பு நிகழ்ச்சி தொடர்பான செய்தியைக் காண இங்கே சொடுக்குக!

மழ்ஹருல் ஆபிதீன் சன்மார்க்க சபை தொடர்பான முந்தைய செய்தியைக் காண இங்கே சொடுக்குக!