Kayal on the Web

செய்திகள்

செய்தி எண் (ID #) 14122

#KOTW14122

சனி, ஜுலை 19, 2014

ரமழான் 1435: அல்ஜாமிஉல் அஸ்ஹர், மகுதூம் ஜும்ஆ பள்ளி, அப்பா பள்ளி, ஜாமிஉத் தவ்ஹீத் பள்ளிவாசல்களில் கியாமுல் லைல், இஃதிகாஃப் சிறப்பு வழிபாடுகள்!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 3479 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 1)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

ரமழான் மாதத்தின் கடைசி பத்து நாட்கள் மிகுந்த மகத்துவமிக்கதாகும் என நபிகள் நாயகம் அவர்களால் கற்றுத் தரப்பட்டுள்ளது. அதன் காரணமாக, மற்ற நாட்களைக் காட்டிலும் அந்நாட்களில் இரவு நேரங்களில் வழிபாடுகள் அதிகளவில் நடைபெறும். இரவில் நீண்ட நேரம் தொழுதல், திக்ர் - தஸ்பீஹாத் உள்ளிட்டவற்றில் ஈடுபடல், நன்மையை நாடி - கடைசி பத்து நாட்களில் இஃதிகாஃப் எண்ணத்துடன் பள்ளிவாசலிலேயே தரித்திருத்தல் உள்ளிட்டவை அந்நாட்களில் செய்யப்படும் வழிபாடுகளில் குறிப்பிடத்தக்கவை.

நடப்பு ரமழான் மாதத்தை முன்னிட்டு காயல்பட்டினம் அல்ஜாமிஉல் அஸ்ஹர் ஜும்ஆ மஸ்ஜித், ஜாமிஆ மகுதூம் (மகுதூம் ஜும்ஆ பள்ளி), அப்பா பள்ளி, ஜாமிஉத் தவ்ஹீத் ஆகிய பள்ளிவாசல்களில், கடைசி 10 நாட்களையொட்டி, இஃதிகாஃப் - பள்ளியில் தரித்திருத்தல், கியாமுல் லைல் - இரவு நீண்ட நேரம் தொழுதல் ஆகிய வழிபாடுகளுக்காக சிறப்பு ஏற்பாடுகள் செய்யப்பட்டுள்ளன.

அல்ஜாமிஉல் அஸ்ஹர் ஜும்ஆ மஸ்ஜிதில், இஃதிகாஃப் நேற்றுடன் (ஜூலை 18 பின்னிரவு) துவங்கியது. நள்ளிரவு 02.45 மணி முதல் 03.45 மணி வரை கியாமுல் லைல் தொழுகையும் நடத்தப்பட்டு வருகிறது.

ஜாமிஆ மகுதூம் – மகுதூம் ஜும்ஆ பள்ளியில் இன்று (ஜூலை 19) பின்னிரவுடன் இஃதிகாஃப் துவங்குகிறது. கியாமுல் லைல் நேற்று இரவிலிருந்து துவங்கியுள்ளது. 23.45 மணிக்கு கியாமுல் லைல் தொழுகை துவங்குகிறது. இத்தொழுகையில், திருமறை குர்ஆனிலிருந்து ஒரு நாளுக்கு 3 ஜுஸ்உகள் வீதம் 10 நாட்களில் முழு குர்ஆனும் ஓதி முடிக்கப்படவுள்ளது.

நகரின் பல்வேறு பகுதிகளைச் சேர்ந்த - திருமறை குர்ஆனை மனனமிட்டுள்ள ஹாஃபிழ்கள் இத்தொழுகையை வழிநடத்துகின்றனர்.

இப்பள்ளிகள் தவிர, தீவுத்தெரு பெண்கள் தைக்கா, குத்துக்கல் தெரு யாக்கூத்துல் அர்ஷ் பெண்கள் தைக்கா உள்ளிட்ட - பெண்கள் தொழும் தைக்காக்களிலும் ரமழான் கடைசி பத்து நாட்களில் கியாமுல் லைல் தொழுகை நடத்தப்பட்டு வருகிறது.

தகவல் உதவி:
K.S.முஹம்மத் யூனுஸ்

கடந்தாண்டு (ஹிஜ்ரீ 1435) நடைபெற்ற இஃதிகாஃப், கியாமுல் லைல் வழிபாடுகள் குறித்த செய்திகளைக் காண இங்கே சொடுக்குக!

[கூடுதல் தகவல்கள் இணைக்கப்பட்டன @ 19:49 / 19.07.2014]

{TAGS} ramadhan 1435 ramadhan magudhoom jumma masjid mjp mjm qiyaamul lail 1435 qiyaamul lail ajajm al jamiul azher jumma masjid azhar azher itiqaaf 1435 ithiqaaf 1435

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...
posted by hasan (kayal) [19 July 2014]
IP: 117.*.*.*

India | Comment Reference Number: 36022

அப்பா பள்ளியிலும் கடந்த மூன்று ஆண்டுகளாக கியாமுல் லைல் தொழுகை நடைபெற்று வருகிறது.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. எல்லாப்பள்ளிகளிலும் இத் தொழுகையினைத் தொடரப்படவேண்டும்!
posted by முஹம்மது ஆதம் சுல்தான்! (yanbu) [19 July 2014]
IP: 188.*.*.*

Saudi Arabia | Comment Reference Number: 36026

ஹம்திலில்லாஹ்! சிரமம் இருந்தாலும் சிறப்புக்குறிய தொழுகையாக நடுநிசியில் நீண்டநேரம் நின்று நிறைவேற்றப்படும் வணக்கமாகும்! இவ் வணக்கவழிபாடு முடிந்து அமர்ந்திருக்கும் வேளையில் ஒட்டுமொத்த உடலும் உள்ளமும் ஒரு இனந்தெரியாத ஆத்மசுகத்தை அனுபவிப்பது போன்ற உணர்வு உடலெங்கும் வியாபித்திருப்பதை உணரலாம்!.

பள்ளியை விட்டு வெளியில் வரும்பொழுது அந்இரவு முடியும் நேரத்தில் வீசும் ஜில்லென்ற குளிர் காற்றில் நம் தேகம் முழுமையும் நினயும்போழுது உச்சிமுதல் உள்ளங்கால்வரை குளுமை மிகு மகிழ்ச்சியில் மிதந்து செல்ல்வதுபோன்ற மகிழ்வை பலதடவை அனுபவித்து இருக்கிறேன்!

மாஷா அல்லாஹ்! நானறிய நம்மூரில் முதன்முதல் அல்ஜாமிஉல் அஸ்ஹர் ஜும்ஆ மஸ்ஜிதில்தான் கியாமுல் லைல் தொழுகை நடத்தப்பட்தாகும். அல்லாஹ்வின் பெருங்கிருபையினால் தற்போது பல பள்ளிகளிலும் பரவி தொழுது வருவதாக அறிகிறேன். இன்ஷா அல்லாஹ் எதிர்வரும் காலங்களில் எல்லாப்பள்ளிகளிலும் இத் தொழுகையினைத் தொடரப்படவேண்டுமென்ற ஆவலில் உள்ளேன்! அல்லாஹ் அனைத்தும் அறிந்தவன்!

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:...நீக்கமற நிறைந்த்ருக்கும் நல அமல்
posted by mackie noohuthambi (chennai) [19 July 2014]
IP: 180.*.*.*

India | Comment Reference Number: 36027

கியாமுல் லைல் என்ற இரவு நேரத் தொழுகை மிக்க உன்னதமானது என்பதை அன்னை ஆயிஷா நாயகி அவர்கள் அறிவிப்பின் மூலம் அறிகிறோம். நபிகள் நாயகம் அவர்கள் பிந்திய பத்தில் வரிந்து கட்டிக்கொண்டு இந்த தொழுகையில் ஈடுபட்டது மட்டுமல்ல தன் மனைவிமார்களையும் அப்படி தொளுகும்படி ஊக்கப்படுத்தி வற்புறுத்தி தொழுக செய்திருக்கிறார்கள் என்று உலமாக்கள் சொல்கிறார்கள்.

இந்த தொழுகையை பொறுத்தவரை கருத்து வேறுபாடுகள் இல்லை . எனவே , எல்லா பள்ளிகளிலும் இந்த தொழுகை தொழுவதற்கு ஏற்பாடு செய்யும்படி நமதூரில் கிழக்கு மேற்கு தெற்கு வடக்கு என்று எல்லா திசைகளிலும் உள்ள எல்லா பள்ளிகள்ளிலும் தொழுவதற்கு உலமாக்கள் மக்களை ஊக்கப் படுத்த வேண்டும் என்று வேண்டிக் கொள்கிறேன். இதனால் அந்தந்த முஹல்லாக்களுக்கு அல்லாஹ்வின் ரஹ்மத் இறங்கும்.அருள் பொங்கும். நோய் நொடிகள் நீங்கி நிம்மதியாக வாழ வழி பிறக்கும்.

ALAA BI THIKRILLAAHI THATHMAINNAL QULOOB..

அல்லாஹ் எல்லா முஸ்லிம்களுக்கும் இந்த இரவு நேர தொழுகை தொழும் பாக்கியத்தை கொடுத்தருள்வானாக, ஆமீன்.l

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்