{ முகநூல் கருத்துக்கள்}{ட்விட்டர் கருத்துக்கள்}

தூத்துக்குடி மாவட்டத்தில் கனமழை பெய்து வருவதால் மாவட்டத்தில் பள்ளிகளுக்கு இன்று விடுமுறை அளித்து ஆட்சியர் உத்தரவு பிறப்பித்துள்ளார்.

வங்கக்கடலில் உருவாகியுள்ள குறைந்த காற்றழுத்த தாழ்வு பகுதி காரணமாக தூத்துக்குடி, நெல்லை மாவட்டங்களில் நேற்று இரவு முதல் மழை பெய்து வருகிறது. தூத்துக்குடி மாவட்டத்தில் தூத்துக்குடி, ஸ்ரீவைகுண்டம், திருச்செந்தூர், உடன்குடி, காயல்பட்டினம், ஆத்தூர், கோவில்பட்டி, ஓட்டப்பிடாரம், சாத்தான்குளம் உள்ளிட்ட பகுதிகளில் பலத்த மழை பெய்து வருகிறது.

தூத்துக்குடியில் பெய்து வரும் மழையின் காரணமாக சாலைகளில் வெள்ளம் பெருக்கெடுத்து ஓடுகிறது. தாழ்வான பகுதியில் மழை நீர் குளம் போல் தேங்கியுள்ளது. உப்பளங்கள் நீரில் மூழ்கியுள்ளன. இதனால் இயல்பு வாழ்க்கை பாதிக்கப்பட்டுள்ளது. பலத்த மழை காரணமாக தூத்துக்குடி மாவட்ட பள்ளிகளுக்கு இன்று விடுமுறை அளிக்கப்பட்டுள்ளது. இதற்கான உத்தரவை மாவட்ட ஆட்சியர் ரவிகுமார் அறிவித்துள்ளார்.

தகவல்:
www.tutyonline.com