{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் ஐக்கிய விளையாட்டு சங்கத்தின் சார்பில், மவ்லானா அபுல்கலாம் ஆஸாத் நினைவு சுழற்கோப்பைக்கான - அகில இந்திய அளவிலான கால்பந்து சுற்றுப்போட்டிகள் ஆண்டுதோறும் நடத்தப்பட்டு வருகிறது.

50ஆம் ஆண்டு பொன்விழா சுற்றுப்போட்டிகள் இம்மாதம் 06ஆம் நாள் புதன்கிழமை 16.50 மணியளவில், ஐக்கிய விளையாட்டு சங்க மைதானத்தில் துவங்கியது.



மே 13 புதன் கிழமை மாலையில் நடைபெற்ற இரண்டாவது சுற்றுப் போட்டியில், திருவனந்தபுரம் கோஸ்டல் கால்பந்துக் கழக அணியும், சென்னை எம்.சி.யு. அணியும் மோதின.





























ஆட்டம் துவக்கம் முதல் மந்தமாகவே சென்றது. இவ்வாறிருக்க, சென்னை அணி ஒரு கோல் அடித்து முன்னிலை பெற்றது. அதனையடுத்து திருவனந்தபுரம் அணி ஒரு கோல் அடிக்கவே, ஈரணிகளும் சமநிலை பெற்றன. பின்னர், வெற்றி பெறும் முனைப்புடன் ஈரணியினரும் விறுவிறுப்புடன் விளையாடியபோதிலும், ஆட்ட நிறைவு வரை எந்த அணியும் கோல் அடிக்காததால், 1-1 என்ற கோல் கணக்கில் போட்டி சமனில் முடிவுற்றது.















பின்னர் சமனுடைப்பு முறை கையாளப்பட்டதில், 4-3 என்ற கோல் கணக்கில் திருவனந்தபுரம் அணி வெற்றி பெற்று, காலிறுதிப் போட்டியில் விளையாடத் தகுதி பெற்றுள்ளது.

இப்போட்டியை, நகரின் அனைத்துப் பகுதிகளிலிருந்தும் கால்பந்து ரசிகர்கள் திரளாக வந்து பார்த்து ரசித்தனர்.

































மே 14 வியாழக்கிழமை) மாலை நடைபெறும் போட்டியில், இன்றைய போட்டியில் வெற்றிபெற்ற திருவனந்தபுரம் கோஸ்டல் கால்பந்துக் கழக அணியும், நேற்றைய போட்டியில் வெற்றிபெற்ற சென்னை எம்.சி.யு. அணியும் மோதவுள்ளன.

அன்றாடம் நடைபெறும் போட்டிகள் அனைத்தும், www.azadtrophy.com என்ற இணையதளத்தில் நேரலை செய்யப்பட்டு வருகிறது.

தகவல் உதவி:
‘ஆசிரியர்’ கலீஃபா ஸதக்கத்துல்லாஹ்

நடப்பாண்டு கால்பந்துப் போட்டி குறித்த முந்தைய செய்தியைக் காண இங்கே சொடுக்குக!

கடந்தாண்டு நடைபெற்ற ஏழாம் நாள் போட்டி குறித்த செய்தியைக் காண இங்கே சொடுக்குக!