Kayal on the Web

செய்திகள்

செய்தி எண் (ID #) 15952

#KOTW15952

திங்கள், மே 18, 2015

ஆஸாத் கோப்பை பொன்விழா கால்பந்து 2015: KSC அணி அரையிறுதிக்குத் தகுதி! இன்றைய போட்டியில் USC - சென்னை அணிகள் மோதல்!! அன்றாடம் போட்டிகள் இணையத்தில் நேரலை!!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 6661 முறை பார்க்கப்பட்டுள்ளது | வாசகர் கருத்துக்கள் காண (5) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 1)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் ஐக்கிய விளையாட்டு சங்கத்தின் சார்பில், மவ்லானா அபுல்கலாம் ஆஸாத் நினைவு சுழற்கோப்பைக்கான - அகில இந்திய அளவிலான கால்பந்து சுற்றுப்போட்டிகள் ஆண்டுதோறும் நடத்தப்பட்டு வருகிறது.

50ஆம் ஆண்டு பொன்விழா சுற்றுப்போட்டிகள் இம்மாதம் 06ஆம் நாள் புதன்கிழமை 16.50 மணியளவில், ஐக்கிய விளையாட்டு சங்க மைதானத்தில் துவங்கியது.

மே 17 ஞாயிற்றுக்கிழமை மாலையில் நடைபெற்ற போட்டியில், ஹைதராபாத் சிட்டி காலேஜ் அணியும், காயல்பட்டினம் காயல் ஸ்போர்ட்டிங் க்ளப் அணியும் மோதின.

இரு அணிகளுமே வெற்றிபெறும் முனைப்புடன் விளையாடின. ஹைதராபாத் அணியிடம் முந்தைய போட்டியில் காணக் கிடைத்த நேர்த்தி சற்று குறைவாகவே இருந்தது.

ஈரணி வீரர்களும் முழு உத்வேகத்துடன் ஆடியபோதிலும், ஆட்ட நிறைவு வரை எந்த அணியும் கோல் அடிக்காமல், போட்டி சமனில் முடிவுற்றது. சமனுடைப்பில், 5-4 என்ற கோல் கணக்கில் காயல்பட்டினம் காயல் ஸ்போர்ட்டிங் க்ளப் (KSC) அணி வெற்றிபெற்று, அரையிறுதிக்குள் நுழைந்தது.

இப்போட்டியை, நகரின் அனைத்துப் பகுதிகளிலிருந்தும் கால்பந்து ரசிகர்கள் திரளாக வந்து பார்த்து ரசித்தனர். உள்ளூர் அணி (KSC) விளையாடியதால், ரசிகர்களின் ஆதரவு அவ்வணிக்கு ஒட்டுமொத்தமாகக் கிடைத்தது.

இப்போட்டியில், எல்.கே.மேனிலைப்பள்ளி, கே.எம்.டீ. மருத்துவமனையின் தலைவர் டாக்டர் எம்.எஸ்.அஷ்ரஃப் சிறப்பு விருந்தினராகக் கலந்துகொண்டார். இடைவேளையின்போது, அவருக்கு ஈரணியினரும், நடுவர்களும் அறிமுகம் செய்து வைக்கப்பட்டனர்.

மே 18 திங்கட்கிழமை) மாலை நடைபெறும் போட்டியில், காயல்பட்டினம் ஐக்கிய விளையாட்டு சங்க அணியும், சென்னை மாநகர காவல் (சிட்டி பொலிஸ்) அணியும் மோதவுள்ளன.

அன்றாடம் நடைபெறும் போட்டிகள் அனைத்தும், www.azadtrophy.com என்ற இணையதளத்தில் நேரலை செய்யப்பட்டு வருகிறது.

தகவல் உதவி:
‘ஆசிரியர்’ கலீஃபா ஸதக்கத்துல்லாஹ்

நடப்பாண்டு கால்பந்துப் போட்டி குறித்த முந்தைய செய்தியைக் காண இங்கே சொடுக்குக!

கடந்தாண்டு நடைபெற்ற பதினொன்றாம் நாள் போட்டி குறித்த செய்தியைக் காண இங்கே சொடுக்குக!

{TAGS} usc u.s.c. united sports club sports football azad trophy 2015 moulana abul kalam azad trophy 2015 azad trophy 2015 day 11 city college hyderabad kayal sporting club ksc

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. எல்லா புகழும் வல்ல இறைவனுக்கே ...
posted by Kulam mohamed salih (chennai) [18 May 2015]
IP: 182.*.*.*

India | Comment Reference Number: 40630

எல்லா புகழும் வல்ல இறைவனுக்கே ..

இந்த போட்டியை லைவ் ஆகா பார்த்தேன் .. மிக அருமையாக இருந்தது .. நமது அணி வீரர்கள் மிக சிறப்பாக விளையாடினார்கள் ..

இரு அணி வீரர்களுக்கும் மிக கடுமையான போட்டிதான் என்று சொல்லவேண்டும் ,,

சுமார் 28 வருடங்கள் கழித்து மவ்லானா அபுல்கலாம் ஆஸாத் நினைவு சுழற்கோப்பைக்கான - அகில இந்திய அளவிலான கால்பந்து சுற்றுப்போட்டிகலில் நமது KSC அணி விளையாடி அரையிறுதிக்குத் தகுதி பெற்றுள்ளது என்பதை நினைக்கும் போது மிக சந்தோசமாக உள்ளது..

இன்ஷா அல்லாஹ் வருகின்ற போட்டியில் இன்னும் மிக சிறப்பாக விளையாடி கோப்பையை தட்டி செல்ல வல்ல இறைவனை வேண்டுகிறேன் ..

இந்த சுட்டறு போட்டியில் எங்கள் அணியை விளையாட அனுமதி வழங்கிய USC நிர்வகதிருக்கும் எங்கள் சார்பில் இந்த நல்ல நேரத்தில் நன்றியினை தெரிவித்து கொள்கிறோம் ..

இன்ஷா அல்லாஹ் இன்று நடை பெரும் போட்டியில் எங்கள் சகோதர அணியான USC அணி வெற்றி பெற வாழ்த்துக்கள் ..

என்றும் அன்புடன்,
குளம் முஹம்மத் சாலிஹ் கே.கே.எஸ்
EC - மெம்பெர் காயல் ச்போர்டிங் கிளப் ,
சென்னை