{ முகநூல் கருத்துக்கள்}{ட்விட்டர் கருத்துக்கள்}

இறைத்தூதர் முஹம்மத் ஸல்லல்லாஹு அலைஹி வஸல்லம் இறையழைப்பை ஏற்று விண்ணுலகப் பயணம் மேற்கொண்டதை நினைவுகூரும் வகையில் ஆண்டுதோறும் ரஜப் மாதம் 27ஆம் நாளில் காயல்பட்டினத்தில் பல்வேறு நிகழ்ச்சிகள் நடத்தப்படுவது வழமை.

அந்த அடிப்படையில், காயல்பட்டினம் புதுப்பள்ளி சதுக்கையில் அமைந்துள்ள ரிஸ்வான் சங்கம் சார்பில், பாளையம் மஹ்மூத் சுலைமான் லெப்பை ஆலிம் திடலில் மிஃராஜ் நாள் சிறப்பு நிகழ்ச்சி, இம்மாதம் 16ஆம் நாள் சனிக்கிழமையன்று (நேற்று) நடைபெற்றது. அன்று மாலையில் பாளையம் பி.எம்.எஸ்.நஈம் உதுமான் தலைமையில் மவ்லித் மஜ்லிஸ் நடைபெற்றது.

20.30 மணியளவில், மிஃராஜ் சிறப்புரை நடைபெற்றது. இந்நிகழ்ச்சியில், ”வேந்தர் நபியின் விண்ணுலகப் பயணம்” என்ற தலைப்பில், காயல்பட்டினம் ஸெய்யிதினா பிலால் பள்ளியின் இமாம் மவ்லவீ ஹாஃபிழ் நஹ்வீ ஒய்.ஸதக்கத்துல்லாஹ் ஃகைரீ சிறப்புரையாற்றினார்.





புதுப்பள்ளியின் இமாம் ஹாஃபிழ் செய்யித் நூஹ் துஆவுடன் நிகழ்ச்சிகள் நிறைவுற்றன. இந்நிகழ்ச்சியில் நகரின் பல பகுதிகளைச் சார்ந்த பொதுமக்கள் திரளாகக் கலந்துகொண்டனர். அனைவருக்கும் நேர்ச்சை வினியோகிக்கப்பட்டது. நிகழ்ச்சி ஏற்பாடுகளை ரிஸ்வான் சங்க அங்கத்தினர் செய்திருந்தனர்.

படங்கள்:
A.S.அஷ்ரஃப்

ரிஸ்வான் சங்கத்தின் சார்பில் கடந்தாண்டு (ஹிஜ்ரீ 1435) நடத்தப்பட்ட மிஃராஜ் நாள் நிகழ்ச்சிகள் குறித்த செய்தியைக் காண இங்கே சொடுக்குக!