Kayal on the Web

செய்திகள்

செய்தி எண் (ID #) 15971

#KOTW15971

வெள்ளி, மே 22, 2015

அதிமுக சட்டப்பேரவைக்குழு தலைவராக தேர்வு! முதல்வராகிறார் ஜெயலலிதா!!

செய்தி: காயல்பட்டணம்.காம்
இந்த பக்கம் 2914 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

அதிமுக சட்டப்பேரவை உறுப்பினர்கள் கூட்டம் சென்னை ராயப்பேட்டையில் உள்ள அதிமுக தலைமை அலுவலகத்தில், இன்று வெள்ளிக்கிழமை காலை 7 மணிக்கு கழக அவைத் தலைவர் மதுசூதனன் தலைமையில் நடைபெற்றது.

இந்தக் கூட்டத்தில் அதிமுக சட்டப்பேரவைக்குழு தலைவராக ஜெயலலிதா ஒருமனதாகத் தேர்வு செய்யப்பட்டுள்ளார்.

இதில், முதல்வர் ஓ. பன்னீர்செல்வம், அமைச்சர்கள், சட்டப்பேரவை உறுப்பினர்கள், தேமுதிக அதிருப்தி சட்டப்பேரவை உறுப்பினர்களான பாண்டியராஜன், சுந்தரராஜன் உள்ளிட்ட 5 பேரும் பங்கேற்றனர்.

அதிமுக சட்டப்பேரவைக்குழு தலைவராக ஜெயலலிதா ஒருமனதாகத் தேர்வு செய்யப்பட்டதைத் தொடர்ந்து, தமிழக முதல்வர் பதவியை ஓ.பன்னீர்செல்வம் ராஜிநாமா செய்தார்.

சென்னை போயஸ் தோட்ட இல்லத்தில் ஜெயலலிதாவை சந்தித்த பிறகு, ஓ.பன்னீர் செல்வம், கிண்டியில் உள்ள ஆளுநர் மாளிகைக்கு சென்றார். அங்கு, தமிழக ஆளுநர் ரோசய்யாவை சந்தித்த முதல்வர் ஓ.பன்னீர்செல்வம். தமது முதல்வர் பதவி விலகலுக்கான கடிதத்தை வழங்கினார்.

முதல்வர் பதவியிலிருந்து ஓ. பன்னீர்செல்வம் ராஜிநாமா செய்ததைத் தொடர்ந்து, தமிழகத்தில் ஆட்சியமைக்க அதிமுக பொதுச் செயலாளர் ஜெயலலிதாவுக்கு ஆளுநர் ரோசய்யா அழைப்பு விடுத்துள்ளார்.

புதிய அமைச்சர்களின் பட்டியலை வழங்குமாறு ஜெயலலிதாவை ஆளுநர் ரோசய்யா கேட்டுக் கொண்டுள்ளார்.

இதனையடுத்து அதிமுக பொதுச்செயலாளர் ஜெயலலிதா தனது தலைமையிலான அமைச்சரவையை அமைப்பதற்கும், பேரவை கட்சித் தலைவராக, தான் தேர்ந்தெடுக்கப்பட்ட கடிதத்தையும் அவர் ஆளுநரிடம் அளித்து அனுமதி கோருகிறார்.

இதன்பின்னர் நாளை 5-வது முறையாக ஜெயலலிதா தமிழக முதல்வராக மீண்டும் பதவியேற்கிறார்.

தகவல்:
தினமணி

{TAGS} jayalalitha admk cm chief minister jj governor swearing in corruption disproportionate asset case

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. காலத்தின் கோலம்..
posted by K.J.Kalifa Seyed Mohamed (Chennai) [22 May 2015]
IP: 182.*.*.*

India | Comment Reference Number: 40683

ஊரை ஏய்த்து உலையில் போட்டவர்கள். மத்தியிலும் மாநிலத்திலும் 2 க(ஆ)ட்சிகளை தவிர வேறு நல்ல தலைமை கிடையாதா? இப்போதுள்ள மக்கள்(விரோத) ஆட்சியை விட அப்போதைய மன்னராட்சி எவ்வளவோ மேல்.

[Administrator: Comment edited]

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:...உன் கால் பட்ட இடமெல்லாம் மலராக....
posted by mackie noohuthambi (kayalpatnam) [22 May 2015]
IP: 163.*.*.*

Japan | Comment Reference Number: 40686

பூ மழை தூவி வசந்தங்கள் வாழ்த்த ஊர்வலம் நடக்கின்றது.

உன் கால் பட்ட இடமெலாம் மலராக கைபட்ட பொருளெல்லாம் பொன்னாகணும். உன் கண் பட்டு வழிகின்ற நீரெல்லாம் ஆனந்த கண்ணீரே என்றாகணும் என்ற வாழ்த்துப் பாடல் தமிழகமெங்கும் ஒலிக்கிறது.

நமது நாட்டில் தீர்ப்புக்கள் தாமதமாகலாம் தீர்ப்புக்கள் திருத்தப் படலாம் வழங்கப் பட்ட தீர்ப்பா வாங்கப்பட்ட தீர்ப்பா என்ற விவாதங்கள் நடக்கலாம் விமர்சனங்கள் தொடரலாம் ஆனாலும் தீர்ப்புக்களை நடை முறைப் படுத்தியே ஆக வேண்டும். நாம் நினைத்தது நடக்கவில்லையே என்று ஆதங்கப் பட்டுக் கொண்டிருப்பதைவிட நிதர்சன உண்மைகளை ஜீரணித்துக் கொள்ள வேண்டும்.

அகவை 91 முடிந்த கலைஞர் அவர்களுக்கு இந்த விஷயத்தில் இன்னும் நிதானம் தேவை. நெருப்பாற்றில் நீந்தி வந்தவர் நீறுபூத்த நெருப்பிலிருந்து சிலிர்த்து எழுந்து வந்த பீனிக்ஸ் பறவை போன்றவர் வெற்றியின் உச்சத்தையும் பார்த்தவர் தோல்வியின் அதல பாதாளத்தையும் அளந்தவர்....மனசே ரிலாக்ஸ் ப்ளீஸ்..

TAKE IT EASY 2016 IS NOT FAR AWAY

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. வெளிச்சம் கொடு நீதிதேவதை வருகிறாள்!.
posted by முஹம்மது ஆதம் சுல்தான் (yanbu) [22 May 2015]
IP: 128.*.*.*

Romania | Comment Reference Number: 40688

சமாதானமடை சாமானியனே, சமாதானமடை..காசேதான் கடவுளடா என்ற சித்தாந்தவாதிகளுக்கு இது தேன்போன்ற செய்தி. சிந்தை குளிரும் நிகழ்வு.!

காசைவைத்து எந்த கயமைத்தனத்தையும் வாங்கியபின் அதன் மூலம் கிடைக்கும் வெற்றி இந்த உலகம் போற்றும்தெய்வத்தன்மையாகிவிடுகிறது. இதை எதிர்ப்பவர்களுக்கு கிடைக்கும் பட்டமோ எதிர்காலத்தில் கம்பியெண்ண காத்திருக்கும் கயவர்கள், திருடர்கள், ஊரைவிட்டு துரத்தப்படவேண்டியவர்கள்!

எவர்களுக்கும் எங்கள் பத்திரமாற்று தங்கத்தாயை பற்றி இமியளவு குறைகூற எந்த அருகதையும் கிடையாது. எங்கள் தங்கத்தை அவர்களுக்கா பிராத்தித்த அத்தனை தெய்வசக்தியும் காப்பாற்றிவிட்டது. அந்த தெய்வ சக்தியாலும் ,எல்லாம் வல்ல இறைவனுடன் தொடர்புள்ள சக்தியின் பொருட்டாலும்தான் இப்படியொரு மகிழ்வுறும் முடிவு எங்கம்மாவிவிற்கு கிடைத்துள்ளது!.

நீதிதேவதை நெஞ்சார வாழ்த்தி நெஞ்சுடன் கட்டித்தழுவி நீ புடம்போட்ட கட்டித்ததங்கத்தாய், கறைபடியா கன்னித்தாய் உன்கரம் எப்படியோ அப்படியே உன் ஆட்சி அதிகாரத்திலுள்ளவர்களும் அத்தனை பேர்களும் புண்ணியம் செய்கின்ற பத்திரைமாற்று மாணிக்கங்கள் அவர்கள் அனைவர்களுடன் அருமையான அமைதியான அழுக்கற்ற ஆட்சியையை மேலும் தொடர்ந்திடுவாயாக, என்று நீதிதேவதை வாழ்த்தி வழியனுப்பி வைத்திருக்கிறாள்!

வாழ்க நீதிதேவதையின் வாழ்த்து! வாழ்க நடுநிலைமை! வாழ்க நடுநாயக ஆளுமை சக்தியாளர்களின் நீதி! வாழ்க இதையெல்லாம் வாழ்த்தும் தன்னை நடுநிலையானவர்கள் என்று கூறிக்கொள்ளும் நெஞ்சங்கள்!

அல்லாஹ் அனைத்தும் அறிந்தவன்!

அன்புடன்,
முஹம்மது ஆதம் சுல்தான்!

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்