{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் ஐக்கிய விளையாட்டு சங்கத்தின் சார்பில், மவ்லானா அபுல்கலாம் ஆஸாத் நினைவு சுழற்கோப்பைக்கான - அகில இந்திய அளவிலான கால்பந்து சுற்றுப்போட்டிகள் ஆண்டுதோறும் நடத்தப்பட்டு வருகிறது. 50ஆம் ஆண்டு பொன்விழா சுற்றுப்போட்டிகள் இம்மாதம் 06ஆம் நாள் துவங்கியது.

ஆஸாத் கோப்பை போட்டிகளில் இன்று இரண்டாவது அரை இறுதி போட்டி நடைபெறுகிறது. இன்று (23-05-2015) இரவு 8:15 மணிக்கு நடைபெறும், போட்டியில் - சென்னை MSU அணியும், பெங்களூரு ASC அணியும் மோதுகின்றன.

கூடுதல் சேவையாக இந்த போட்டிகளின் ஆடியோ நேரலையை ஒலிபரப்ப காயல்பட்டணம்.காம் ஏற்பாடு செய்துள்ளது. காயல்பட்டினம் மரைக்கார் பள்ளி தெருவை சார்ந்தவரும், கால்பந்து ஆர்வலருமான சல்மான் பாரிஸ் நேரடி வர்ணனை செய்ய உள்ளார்.

மேலும் அரை இறுதி போட்டிகளுக்கும், இறுதி போட்டிக்கும் என - கூடுதலாக www.Kayalpattinam.com என்ற ஒரு இணையதளத்தை காயல்பட்டணம்.காம் உருவாக்கியுள்ளது.

அதில் - வீடியோ மற்றும் ஆடியோ நேரலையும், TWITTER சேவைகள் மூலமான கோல் நிலவரம், உடனடி புகைப்படங்களும், FACEBOOK மூலமான கருத்து பரிமாற்ற வசதியும் ஏற்பாடு செய்யப்பட்டுள்ளது.

இப்போட்டிகளின் வீடியோ நேரலை ஐக்கிய விளையாட்டு சங்கத்தின் அதிகாரப்பூர்வ இணையதளம் - www.AzadTrophy.com - வழியாக செய்யப்படுகிறது.

ஆட்டத்தின் போது - இடைவிடாது நிலவரங்களை அறிந்திட - கூடுதல் வசதியாக, Twitter சேவையின் #azadtrophy வசதி மூலம் - கோல் விபரங்கள், புகைப்படங்கள் ஆகியவற்றை உடனடியாக வழங்கிட ஏற்பாடு செய்யப்பட்டுள்ளது.

இச்சேவைகளை - Kayalpattinam.com இணையதளம் தவிர காயல்பட்டணம்.காம் இணையதளத்தில் உள்ள ஆஸாத் கோப்பைக்கான சிறப்பு பக்கத்திலும், https://twitter.com/kayalontheweb இணையதள முகவரி மூலமும் காணலாம்.