IP: 163.*.*.* Japan

மொகுதூம் ஜூம்மா மஸ்ஜிதிலும் பெரிய சம்சுதீன் வலியுல்லாஹ் மஸ்ஜிதிலும் மறைந்த அப்துல் கலாம் அவர்களுக்கு GHAAIB JANAAZAA தொழுகை நடத்தப் பட்ட செய்தி அறிந்து மிக்க மகிழ்ச்சியும் மன நிறைவும் அடைகிறது இந்த சமுதாயம்.

நமது முடிவுகள் நல்லதாக அமைய வேண்டும் என்று ஒவ்வொரு மனிதனும் து ஆ கேட்க வேண்டும் என்று சொன்ன நபிகள் நாயகம் ஒரு செய்தியை சொன்னதாக உலமாக்கள் நமக்கு சொல்லிக் காட்டுவார்கள். நபி தோழர் ஒருவர் ஒருவரை கொலை செய்து விட்டு நபிகள் நாயகம் அவர்களிடம் ஒப்புதல் வாக்கு மூலம் அளிக்கிறார். இந்த குறிப்பிட்ட நபர் எனக்கு பயந்து அல்லது நான் அவரை கொலை செய்துவிடுவேன் என்ற பயத்தில் கலிமா சொன்னார். அதற்காக நான் அவரை கொலை செய்து விட்டேன் என்று நபிதோழர் சொன்ன பொது, நீர் செய்தது பெரும் தவறு, அவரது உள்ளத்தை நீர் திறந்து பார்த்தீரா என்று கேட்டார்கள்.

இன்னொரு சம்பவம் இப்ராஹிம் நபி அவர்கள் ஒரு நெருப்பை வணங்குபவனிடம். நீ ஈமான் கொண்டால் உனக்கு உணவளிப்பேன் என்று கூறுகிறார். அவர் சென்ற பிறகு அல்லாஹ் நபி அவர்களுக்கு வஹீ அருள்கிறான். நபியே, நான் இந்த மஜூசிக்கு காலம் முழுவதும் உணவளித்து பாது காத்து வருகிறேன், அவன் மஜூசி என்பதும் எனக்கு தெரியும். ஆனால் நீர் ஒரு வேளை அவனுக்கு உணவளிக்க மறுத்து விட்டு அவரை விரட்டி விட்டீரே என்று கேட்டபோது மீண்டும் அந்த மஜூசியை நபி அவர்கள் தேடி சென்று அவரை வீட்டுக்கு அழைத்து வந்து வயிறார உணவளித்த போது அந்த மஜூசி கேட்கிறான், என்னை மீண்டும் உங்கள் வீட்டுக்கு அழைத்து வர சொன்னது யார்? அல்லாஹ் என்று நபி அவர்கள் பதில் அளித்தபோது, அந்த மஜூசி உடனே ஈமான் கொள்கிறார்.

இதுதான் நபி மார்களின் வழிமுறை அல்லாஹ் அவர்களுக்கு கற்றுக் கொடுத்த மத நல்லிணக்கம். இந்த வழி முறைதான் மாற்று சமுதாயத்தினருக்கும் நம்மை பற்றிய நல்லெண்ணத்தை வலுப் படுத்தக் கூடியது. யாருடைய வெளி தோற்றத்தையும் வைத்து நாம் யாரையும் குற்றவாளியாக கருத முடியாது. அவரவர்கள் செய்தி அல்லாஹ்விடமே இருக்கின்றன என்பதையும் மறந்து விடைக் கூடாது. .

மறைந்தவர்களின் நல்லவைகளை பற்றி மட்டுமே பேசுங்கள் என்ற நபி வழியை பின்பற்றுவோர்கள் எல்லோரும் இதைதான் செய்வார்கள் அப்படி ஒரு அழகிய முன்மாதிரியை ஏற்படுத்திக் காட்டிய உலமா பெருமக்களுக்கு அல்லாஹ் ரஹ்மத் செய்வானாக. இந்த கருத்தில் உடன்படாத உலமாக்கள் யாரும் இருந்தால் அல்லாஹ் அவர்களுக்கு நல்ல விளக்கத்தை கொடுப்பானாக .

நாம் எத்தனை ஜனாசாக்கள் அவர்கள் கடன்காரர்கள் அட்டூழியம் செய்தவர்கள் தொழுகை நோன்பு இல்லாதவர்கள் என்று தெரிந்தும் அவர்களுக்கு ஜனாஸா தொழுகை நடத்துகிறோம். அவர்களுக்காக பாவ மன்னிப்பு தேடுகிறோம். கலிமா சொன்ன எல்லோரையும் அவர்கள் செய்த எல்லா குற்றங்களையும் அல்லாஹ் நாடினால் மன்னிப்பான். அந்த பாவங்கள் கடல் நுரையளவு இருந்தாலும் உஹத் மலையளவு பெரிதாக இருந்தாலும் அவன் கருணைக்கு முன்னால் அவை ஒரு தூசிதான்.

இந்த அழகிய முன்மாதிரியை நபிகள் நாயகம் அவர்கள் காட்டி தந்துள்ளார்கள். அவர்களின் வழி முறையில் நடந்து மறைந்த அப்துல் கலாம் அவர்களுக்காக து ஆ செய்வோம்.

''உங்களில் நல்லவைகளே செய்த ஒருவர் சுவர்க்கத்துக்கு ஒரு ஜான் அளவே இருக்கும்போது அவருடைய நன்மைகள் பாவங்களாக மாற்றப் பட்டு அவர் நரகம் செல்வார். உங்களில் தீமையே செய்தவர் ஒரு நரகத்துக்கு ஒரு ஜான் அளவே இருக்கும்போது அவர் பாவங்கள் மன்னிக்கபட்டு அவர் சுவர்க்கம் செல்வார்'' என்று இன்னொரு நபி மொழி கூறுகிறது.

கருணைமிக்க அல்லாஹ் நமது எல்லோருடைய பாவங்களையும் மன்னித்து அவற்றை நன்மைகளாக மாற்றி சுவர்க்க வாழ்வை நம் எல்லோருக்கும் அளிப்பானாக. ஆமீன். .. .

IP: 180.*.*.* India

வாழ்நாளில் அன்பளிப்பை ஏற்காத அற்புதர் கலாம்: ஏன்? ஏன்? ஏன்?

(முக்கிய தகவல்-எல்லோரும் படியுங்கள்)

மக்கள் குடியரசுத் தலைவர் டாக்டர் அப்துல் கலாம், தன் வாழ்நாளில் ஒருபோதும் அன்பளிப்புகளை ஏற்காத அற்புத மனிதர். தன்னைப் பார்க்க வருபவர்கள் யாரும் அன்பளிப்புகள் தர வேண்டாம் என கூறி வைத்திருந்தார். அதையும் மீறித் தந்தாலும், அவற்றை அந்த இடத்திலேயே விட்டுவிடுவார். குடியரசுத் தலைவராக இருந்த காலகட்டத்தில் வந்த எந்த அன்பளிப்பையும், ஓய்வு பெற்ற பிறகு தன்னுடன் தான் கொண்டு சென்று இரண்டு சூட்கேஸ்களில் தனது உடை மற்றும் புத்தகங்களை (தான் பணம் கொடுத்து வாங்கியவற்றை மட்டும்) எடுத்துக் கொண்டு வெளியேறினார்.

கலாம் பஞ்சாயத்துப் பள்ளிக்கூடத்தில் படித்து வந்தார். பள்ளியின் சிறந்த மாணவராக இருந்தார். இத்தனைக்கும் அவர் வீட்டில் மின்சாரம் கிடையாது. ஒருநாள் வீட்டில் மண்ணெண்ணெய் வெளிச்சத்தில் சத்தமாகப் பாடம் படித்துக் கொண்டிருந்தார் கலாம். ராமேசுவரம் திருட்டுப் பயம் இல்லாத ஊர் என்பதால் கலாம் வீட்டுக் கதவு திறந்து வைக்கப்பட்டிருந்தது. அபோது அம்மா தொழுகையில் இருந்தார். வீட்டுக்குள் ஒருவர் நுழைந்தார். கலாமிடம் அவர் தந்தை ஜைனுல்லாபுதீனைப் பற்றி விசாரித்தார். வீட்டுக்குள் கலாமின் அம்மா தொழுகையிலிருந்து பாதியில் எழ வழியில்லாத அளவுக்கு இறைவனை தொழுது கொண்டிருந்தார். வந்தவரின் கையில் ஒரு தாம்பூலத்தட்டு இருந்தது. ‘சரி, இந்தத் தாம்பூலத் தட்டை நீ வாங்கிக் கொள்' என்றார். யோசித்த கலாம், அம்மாவிடம் கேட்கலாம் என்றால் அவர் தொழுகையில் இருக்கிறார். வாங்காமல் போனால் வந்தவரை அவமானப்படுத்தும்படியாக ஆகிவிடும். வேறு வழியில்லாமல் கலாம் அந்தப் பரிசுப் பொருளை வாங்கிக் கட்டிலில் வைத்துவிட்டார். தாம்பூலத்தை கொண்டு வந்தவர் மகிழ்ச்சியோடு திரும்பிச் சென்றார்.

தாம்பூலத் தட்டில் விலையுயர்ந்த வேட்டி, அங்கவஸ்திரம், பழங்கள், இனிப்பு பாக்கெட் எல்லாம் இருந்தன. பஞ்சாயத்துத் தேர்தலில் கலாமின் தந்தை வெற்றி பெற்று பஞ்சாயத்து வாரியத் தலைவர் ஆனதால் அவருக்கு லஞ்சம் கொடுக்கவே அந்த மனிதர் கலாம் வீட்டுக்கு வந்திருக்கிறார்.

இது தெரியாமல் கலாம் அவர் கொடுத்ததை வாங்கி வைத்துக் கொண்டார். தந்தை வீட்டுக்குள் வந்தபோது கலாம் நடந்ததைச் சொன்னார். அவ்வளவுதான். கலாமின் தந்தைக்குத் கொந்தளித்த கோபம் கலாமைத் தாறுமாறாக திட்டி தீர்த்தார். கோபம் அடங்காமல் முதுகில் ஓர் அடியும் அடித்துவிட்டார். அடி வாங்கிய கலாம் கலாம் அழ ஆரம்பித்தார்.

பின்னர் கோபம் தணிந்த தந்தை கலாமை அருகில் அழைத்து, இதுபோன்ற பரிசுப் பொருள்களைத் தருபவர்கள் ஒரு குறுகிய நோக்கத்தோடு செயல்படுகிறவர்கள். நம்மைப் போன்றவர்கள் இப்படிப்பட்ட நோக்கங்களுக்கு அடிமையாகிவிடக் கூடாது. உள்நோக்கத்துடன் பரிசுகளைப் பெறுவது நாம் செய்யக்கூடிய மிகப் பெரிய தவறு. வெகுமதிகள், பிரதிபலன் எதிர்பார்த்து நமக்குக் கொடுக்கப்படுகின்றன. இதுவே நீ வாங்கும் கடைசிப் பரிசுப் பொருளாக இருக்கட்டும், என்று அறிவுரை செய்தார். அன்று பிஞசு மூளையில் குடியேறிய அறிவுரை தான் உச்சத்தின் உயர்வில் இருந்து உறக்கத்திற்கு செல்லும் வரை கடைபிடித்தார் கலாம்.

தந்தையின் அறிவுரைப்படி நடந்ததால் மக்களின் குடியரசுத் தலைவராக போற்றப்பட்ட மகான் கலாம்.

IP: 180.*.*.* India

மொக்தூம் ஜும்மா பள்ளி கத்தீப் தனது உரையில் மேலும் கூறியதாவது "முஸ்லிம்கள் கல்வி அறிவில் பின் தங்கியவர்கள் என்னும் ஒரு மாயையையும் அவர்கள் நாட்டுப்பற்று அற்றவர்கள் என்ற மாயையையும் கலாம் உடைத்தெறிந்து முஸ்லிம்களிலும் நாட்டுப்பற்று மிக்கவர்களும், சாதாரண நகராட்சி பள்ளியில் பயின்று பெரிய அளவில் படிப்பில் அந்தஸ்த்து பெற்றவர்கள் இருக்கின்றாகள் என்றும் எளிமையாகவும் பொறுமையாகவும் வாழ தெரிந்தவர்கள் உண்டு என்றும், அதற்கு ஒரு உதாரணம்தான் மறைந்த கலாம் என்றும் அவர் வாழ்வில் நடைபெற்ற சில சம்பவங்களை குறிப்பிட்டு கூறினார்.

உலக வாழ்வில் உயர் நிலை அடைந்து விட்ட அவரை மரணம் எப்போது அனைத்துக்கொண்டதோ அதன் பின் நடப்பவைகளுக்கு பொறுப்பு அல்லாஹ் ஒருவனே, இனி அவனுக்கும் அவருக்கும் இடையே உள்ளது,அவரை பற்றிய நல்லதை மட்டுமே பேச வேண்டுமே தவிர மற்றவைகளை பரப்ப வேண்டாம் என்றும் நாம் அவருக்காக செய்ய வேண்டியது துஆ மட்டுமே, இங்கு நடக்கப்போகும் நாயுப் ஜனாஸா தொழுகையின் நோக்கமும் அதுதான். எனவே அவரின் மக்பிரத்திர்காகவும்,பாவ மன்னிப்பிர்காகவும் அதிகம் துஆ செய்யுங்கள் என்றும் முடித்தார்.